ମୁମ୍ବାଇ: କରୋନା ମହାମାରୀ ସମୟରେ ଅନୁଷ୍କା ଶର୍ମା, କରିନା କପୁର ଖାଁ ତଥା ଆଉ କେତେଜଣ ଅଭିନେତ୍ରୀ ଗର୍ଭବତୀ ହୋଇଥିବା ଜଣାପଡିଛି । ହେଲେ ଏହାକୁ ନେଇ ସାମାନ୍ୟ ସାବଧାନତା ଜରୁରୀ ବୋଲି କହିଛନ୍ତି କରିନା । ଏବେ କରିନା ଦ୍ୱିତୀୟ ସନ୍ତାନର ମା’ ହେବାକୁ ଯାଉଛନ୍ତି । ଆଉ ଏହି ସମୟରେ ଯେଉଁ ମହିଳାମାନେ ଗର୍ଭଧାରଣ କରିଛନ୍ତି ସେମାନଙ୍କ ପାଇଁ ସେ କିଛି ଟିପ୍ସ ଦେଇଛନ୍ତି । କରିନା କହିଛନ୍ତି ଗର୍ଭବତୀଙ୍କ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ ହେଲା ଖାଦ୍ୟ । ତେଣୁ ଖାଦ୍ୟ ଉପରେ ଗୁରୁତ୍ୱ ଦିଅନ୍ତୁ କିନ୍ତୁ ଆବଶ୍ୟକତାଠାରୁ ଅଧିକ ଖାଦ୍ୟ ଖାଆନ୍ତୁ ନାହିଁ । ବେଳେବେଳେ କୁହାଯାଏ ଯେ ଗର୍ଭବତୀମାନେ ଯାହା ଇଚ୍ଛା କରନ୍ତି ତାହା ଖାଇପାରିବେ । ହେଲେ ଭିଟାମିନ୍ସ ଯୁକ୍ତ ଖାଦ୍ୟ ଏହି ସମୟରେ ଜରୁରୀ । ଏହାସହ କ୍ଷୀର, ଘିଅ ଓ ଦହିକୁ ନିଜ ଡାଏଟରେ ଗର୍ଭବତୀମାନେ ସାମିଲ କରନ୍ତୁ ଓ ଘରେ ପ୍ରସ୍ତୁତ ସ୍ୱାସ୍ଥ୍ୟପକ୍ଷେ ହିତକର ଖାଦ୍ୟ ଖାଆନ୍ତୁ । ଏବେ କରୋନା ସଂକ୍ରମଣ ଚାଲୁଥିବାରୁ ଏହା ଉଭୟ ମା’ ଓ ଗର୍ଭସ୍ଥ ସନ୍ତାନ ପାଇଁ କ୍ଷତିକାରକ । ତେଣୁ ଯେତେ ସମ୍ଭବ ବାହାରକୁ ଯାଆନ୍ତୁ ନାହିଁ । ସାମାଜିକ ଦୂରତା ଅବଲମ୍ବନ କରନ୍ତୁ । ବାହରକୁ ନ ଯାଇ ବି ସାଧାରଣ ଜୀବନ ଓ ହସଖୁସିରେ ରହିବାକୁ ଚେଷ୍ଟା କରନ୍ତୁ ବୋଲି କହିଛନ୍ତି କରିନା ।
