ନୂଆଦିଲ୍ଲୀ,୨୯।୧୧: ଦେଶରେ ଚାଷୀ ଆନ୍ଦୋଳନ ତୀବ୍ର ହେବାରେ ଲାଗିଛି। ପଞ୍ଜାବ ଏବଂ ହରିୟାଣାର ଲକ୍ଷ ଲକ୍ଷ ଚାଷୀ ନିଜ ହକ୍ ପାଇଁ କେନ୍ଦ୍ର ସରକାରଙ୍କ ବିରୋଧରେ ରାଜରାସ୍ଥାକୁ ଓହ୍ଲାଇଛନ୍ତି। ବହୁ ସେଲିବ୍ରିଟି ଚାଷୀ ଆନ୍ଦୋଳନକୁ ସମର୍ଥନ କରିଛନ୍ତି। ଏଥିରେ ସାମିଲ ଅଛନ୍ତି କମେଡି କିଙ୍ଗ୍ କପିଲ ଶର୍ମା। ସେ ଚାଷୀଙ୍କ ଆନ୍ଦୋଳନକୁ ସମର୍ଥନ କରିଛନ୍ତି। ସେ କହିଛନ୍ତି, ଚାଷୀଙ୍କ ପ୍ରସଙ୍ଗକୁ ରାଜନୀତି କରଣ କରିବା ଠିକ ନୁହେଁ। ଚାଷୀଙ୍କ ସହ କେନ୍ଦ୍ର ସରକାର କଥା ହେବା ଦରକାର।ଆଲୋଚନା ମାଧ୍ୟମରେ ସମସ୍ୟାର ସମାଧାନ ହୋଇପାରିବ। ପ୍ରସଙ୍ଗ ଯାହା ବି ହୋଇଥାଉ ନା କାହିଁକି ଆଲୋଚନା ମାଧ୍ୟମରେ ସମସ୍ୟାର ସମାଧାନ ହୋଇପାରିବ ବୋଲି ସେ ଆଶା ପ୍ରକାଶ କରିଛନ୍ତି। ଆମେ ସମସ୍ତେ ଦେଶବାସୀ ଚାଷୀଙ୍କ ସହିତ ରହିଛୁ। ସେମାନେ ଆମ ଅନ୍ନଦାତା ବୋଲି କପିଲ କହିଛନ୍ତି। ସୂଚନାଯୋଗ୍ୟ, କେନ୍ଦ୍ର ସରକାର ଗତ ସେପ୍ଟେମ୍ବର ମାସରେ ୩ଟି କୃଷି ବିଲକୁ ଆଇନରେ ପରିଣତ କରିଛନ୍ତି। ସରକାରଙ୍କ ଏହି ଆଇନକୁ ବିରୋଧ କରି ହରିଆଣା ସିଂଘୁ ସୀମାରେ ଚାଷୀ ଆନ୍ଦୋଳନ ଜାରି ରଖିଛନ୍ତି।
किसानो के मुद्दे को राजनीतिक रंग ना देते हुए बातचीत से इस मसले का हल निकालना चाहिए।कोई भी मुद्दा इतना बड़ा नहीं होता के बातचीत से उसका हल ना निकले।हम सब देशवासी किसान भाइयों के साथ हैं। यह हमारे अन्नदाता हैं।#farmers
— Kapil Sharma (@KapilSharmaK9) November 29, 2020
