ଫୁଲବାଣୀ ଅଫିସ,୨୩ା୬: କନ୍ଧମାଳ ଜିଲାର ନୂତନ ଜିଲାପାଳ ଭାବେ ଆଶିଷ ଈଶ୍ୱର ପାଟିଲ ବିଦାୟୀ ଜିଲାପାଳ ଡା.ବୃନ୍ଦା ଡିଙ୍କଠାରୁ ବୁଧବାର ଦାୟିତ୍ୱ ଗ୍ରହଣ କରିଛନ୍ତି। ଦାୟିତ୍ୱ ନେବା ପୂର୍ବରୁ ପାଟିଲ ଫୁଲବାଣୀସ୍ଥିତ ଜିଲା ମୁଖ୍ୟ ଚିକିତ୍ସାଳୟକୁ ସୌଜନ୍ୟମୂଳକ ପରିଦର୍ଶନରେ ଯାଇଥିଲେ ା ସେଠାରୁ ଆସି ଜିଲାପାଳ ଭାବେ ଦାୟିତ୍ୱ ଗ୍ରହଣ କରିଥିଲେ। ପାଟିଲଙ୍କ ଜନ୍ମସ୍ଥାନ ମହାରାଷ୍ଟ୍ରରେ ା ନିଜର କର୍ମସ୍ଥଳୀ ଓଡିଶାକୁ ଦ୍ୱିତୀୟ ଘର ବୋଲି ସେ କହିଛନ୍ତି। ଓଡିଶାର ସଂସ୍କୃତି ପରମ୍ପରା ତାଙ୍କୁ ବେଶ ଆକୃଷ୍ଟ କରିଛି ା ଜିଲାବାସୀଙ୍କ ସମସ୍ୟା ପ୍ରତି ଅଗ୍ରାଧିକାର, ଜିଲାର ସର୍ବାଙ୍ଗୀନ ଉନ୍ନତି ଏବଂ ଆଦିବାସୀଙ୍କ ଜୀବନ ଜୀବିକା ଉପରେ ଗୁରୁତ୍ୱ ଦେବେ ବୋଲି ପାଟିଲ ଏହି ଅବସରରେ ପ୍ରକାଶ କରିଛନ୍ତି।
