ଭୋପାଳ,୧୭।୧୧: ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସର ବରିଷ୍ଠ ନେତା କମଲନାଥଙ୍କ ଜନ୍ମଦିନ ପାଇଁ ପ୍ରସ୍ତୁତ ହୋଇଥିବା କେକ୍କୁ ନେଇ ବିବାଦ ଉପୁଜିଛି। ସୋସିଆଲ ମିଡିଆରେ ଏହି କାର୍ଯ୍ୟକ୍ରମର ଏକ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ କମଲ ନାଥ ଏକ ମନ୍ଦିର ଆକୃତିର କେକ୍ କାଟିଥିବାର ନଜର ଆସିଛନ୍ତି। ଏହାକୁ ଅସମ୍ମାନ ବୋଲି କହି ଭାଜପା ନେତାମାନେ ନିଜର ପ୍ରତିକ୍ରିୟା ଦେଇଛନ୍ତି। ଏଥି ସହିତ ସୋସିଆଲ ମିଡିଆ ୟୁଜର୍ସମାନେ ମଧ୍ୟ ତାଙ୍କୁ ଟ୍ରୋଲ କରୁଥିବା ନଜର ଆସିଛନ୍ତି। ନଭେମ୍ବର ୧୮ରେ କମଲ ନାଥଙ୍କ ଜନ୍ମଦିନ ପଡେ କିନ୍ତୁ ତାଙ୍କ ସମର୍ଥକମାନେ ତାଙ୍କ ଜନ୍ମଦିନ ଚିନ୍ଦୱାରା ଗସ୍ତ ସମୟରେ ତାଙ୍କ ଜନ୍ମଦିନ ପାଳନ କରିଥିଲେ।
କମଲ ନାଥଙ୍କ ଭାଇରାଲ ଭିଡିଓକୁ ନେଇ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି, ଭଗବାନଙ୍କ ପ୍ରତି ଭକ୍ତି ସହ କଂଗ୍ରେସର କୌଣସି ସମ୍ପର୍କ ନାହିଁ। ତାଙ୍କ ପାର୍ଟି ଏକଦା ଶ୍ରୀ ରାମ ମନ୍ଦିରକୁ ବିରୋଧ କରୁଥିଲା। ଏହା ସନାତନ ପରମ୍ପରା ଏବଂ ହିନ୍ଦୁ ଧର୍ମ ପ୍ରତି ଅପମାନ, ଯାହା ଏହି ସମାଜ ଗ୍ରହଣ କରିବ ନାହିଁ। ମୁଖ୍ୟମନ୍ତ୍ରୀଙ୍କ ସହ ଅନେକ ଭାଜପା ନେତା କମଲ ନାଥଙ୍କ ଉପରେ ଆକ୍ରମଣ କରିଛନ୍ତି।
