କେସିଙ୍ଗା,୨୨।୪(ତୁମେଶ୍ୱର ସାହୁ): କଳାହାଣ୍ଡି ଏମପି ମାଳବିକା ଦେବୀ ବିଭିନ୍ନ ୨୦ ଦଫା ଦାବି ନେଇ ରେଳମନ୍ତ୍ରୀ ଅଶ୍ୱନି ବୈଷ୍ଣବଙ୍କୁ ଦିଲ୍ଲୀସ୍ଥିତ ବାସଭବନରେ ବୁଧବାର ସାକ୍ଷାତ କରିଛନ୍ତି। ପ୍ରଥମେ କେସିଙ୍ଗାରୁ ଭୁବନେଶ୍ୱରକୁ ସିଧା ଟ୍ରେନ ଚଳାଚଳ କରିବା ସହ ନର୍ଲାରେ ଲୋକୋ ମୋଟିଭ ମରାମତି ଫେକ୍ଟୋରି ସ୍ଥାପନ କରିବାକୁ ଦାବି ଜଣାଇଛନ୍ତି। ସେ ଆହୁରି ମଧ୍ୟ ଦାବି ପତ୍ରରେ ଉଲ୍ଲେଖ କରିଛନ୍ତି ଯେ, ନର୍ଲା ରୋଡ଼ ଷ୍ଟେଶନରେ ଗତ କୋଭିଡ ସମୟରେ ରହୁଥିବା ବିଶାଖାପାଟଣା ନିଜାମୁଦ୍ଧି ସମତା ଏକ୍ସପ୍ରେସ, ବିଳାଶପୁର ତୁରୁପତି,ସେହିପରି ରୁପ୍ରା ରୋଡ଼ ଷ୍ଟେସନରେ ମଧ୍ୟ ଉକ୍ତ ଟ୍ରେନ ରହଣି ପାଇଁ ଦାବି କରିଛନ୍ତି।ଧନବାଡ଼ ଏଲେପି,ଅହମ୍ମଦାବା ପୁରୀ,ସମ୍ବଲପୁର ନାଂଦେଡ,ଏବଂ ନୂଆପଡାରେ ସମତା ଟ୍ରେନ ରହଣି ପାଇଁ ଦାବି କରିଛନ୍ତି। ସେହିପରି ଦେପୁରରେ ରେଳ ଷ୍ଟେଶନରେ ଜୁନାଗଡ଼ -ଭୁବନେଶ୍ୱର ଟ୍ରେନ ୨ମିନିଟ ରହଣି ପାଇଁ ଦାବି କରିଛନ୍ତି।
ନର୍ଲା ରୋଡ଼ରେ ଓଭର ବ୍ରିଜ ନିର୍ମାଣ କରିବା ସହ ଭୁବନେଶ୍ୱରରୁ ରାୟଗଡା-କୋରାପୁଟ-ଭାୟା ଟିଟିଲାଗଡ ଦେଇ ଏକ ଟ୍ରେନ ଚଳାଚଳ କରିବାକୁ ଦାବି କରିଛନ୍ତି। ଭବାନୀପାଟଣାରୁ କେସିଙ୍ଗା ୩୦କିମି ଟ୍ରେନ ଲାଇନକୁ ଯଥା ଶୀଘ୍ର ନିର୍ମାଣ କରିବାକୁ ଏକ ସ୍କେଚ ସହ ମନ୍ତ୍ରୀଙ୍କୁ ଦାବି ପତ୍ରରେ ଉଲ୍ଲେଖ କରିଛନ୍ତି। କେସିଙ୍ଗା ଓ ଭବାନୀପାଟଣାରେ ୧୦୦ରୁ ଉଦ୍ଧର୍ବ ରାଇସ ମିଲ ରହିଛି । ଧାନ ଓ ଚାଉଳ ନେବା ଆଣିବା ରେ ଅସୁବିଧା ହେଉଛି, ତେଣୁ ରାଇସକୁ ଟ୍ରେନ ଲାଇନ ସଂଯୋଗ କରିବାକୁ ଦାବି କରିଛନ୍ତି।
ସେହିପରି ଉତକେଲା ଏୟାର ଲାଇନକୁ ଉଦାନ ଯୋଜନା ରୁସିଧାସଳଖ ଏକ ଟ୍ରେନ ଲାଇନ ସଂଯୋଗ କରିବାକୁ ଏମପି ଦାବି କରିଛନ୍ତି।ଏହିପରି କଳାହାଣ୍ଡି, ନୂଆପଡ଼ା, ବଲାଙ୍ଗିର ଜିଲାର ଅନେକ ରେଳପଥକୁ ସଂଯୋଗ କରିବାକୁ ୨୦ଦଫା ଦାବିପତ୍ର ରେଳ ମନ୍ତ୍ରୀ ଅଶ୍ୱନି ବୈଷ୍ଣବଙ୍କୁ ଦାବି କଳାହାଣ୍ଡି ଏମପି ମାଳବିକା ଦେବି ଦାବି କରିଥିବାର ଜଣାପଡ଼ିଛି।
Dharitri – Odisha’s No.1 Odia Daily
