ଜର୍ଜ ଫ୍ଲୟଡ୍‌ଙ୍କୁ ନ୍ୟାୟ

ମିନିଆପଲିସ/ଓ୍ବାଶିଂଟନ,୨୨ା୪: ୨୦୨୦ ମେ’ ୨୫ର ବିଚଳିତ କରିଦେବା ଭଳି ଏହି ଦୃଶ୍ୟ ଅନେକଙ୍କ ମନରୁ ଲିଭିପାରିନି ଏଯାଏ। ଶ୍ୱେତାଙ୍ଗ ପୋଲିସ ଦମନରେ କୃଷ୍ଣକାୟ ଜର୍ଜ ଫ୍ଲୟଡ୍‌ଙ୍କ ମୃତ୍ୟୁ ଆମେରିକା ସମେତ ସାରା ବିଶ୍ୱକୁୁ ସ୍ତବ୍ଧ କରିଦେଇଥିଲା। ଏଇଠୁ ମୁଣ୍ଡ ଟେକିଥିଲା ବର୍ଣ୍ଣ ବୈଷମ୍ୟ ଓ ପୋଲିସ ବର୍ବରତା ବିରୋଧୀ ଆନ୍ଦୋଳନ, ଯାହାର ନିଆଁ ଅନେକ ଦେଶକୁ ହୁ ହୁ ହୋଇ ବ୍ୟାପିଯାଇଥିଲା। ଫ୍ଲୟଡ୍‌ଙ୍କୁ ଗିରଫ କରୁ କରୁ ତାଙ୍କ ଗଳାରେ ଆଣ୍ଠୁ ଚପାଇ ମାରିଥିବା ପୋଲିସ ଅଫିସର ଡେରେକ୍‌ ଚଉଭିନଙ୍କ ଫଇସଲା ହୋଇଛି। ୪୫ ସାକ୍ଷୀଙ୍କ ବୟାନ ଓ ଭିଡିଓ ଫୁଟେଜ୍‌କୁ ଆଧାର କରି ତାଙ୍କୁ ମଙ୍ଗଳବାର ଦୋଷୀ ସାବ୍ୟସ୍ତ କରାଯାଇଛି।
୩ ସପ୍ତାହ ଧରି ଚାଲିଥିବା ଶୁଣାଣି ସୋମବାର ଶେଷ ହେବା ପରେ ଖାଁ ଖାଁ ଲାଗୁଥିଲା ମିନେସୋଟାର ମଧ୍ୟପଶ୍ଚିମ ସହର ମିନିଆପଲିସର ରାସ୍ତା। ଦକ୍ଷିଣ ଭାଗରେ ଥିବା ଏକ ଛକରେ ୯ ମିନିଟ ୨୯ ସେକେଣ୍ଡ ଧରି ଜୀବନର ଭିକ ମାଗି ଶେଷରେ ଆଖି ବୁଜି ଦେଇଥିବା ଫ୍ଲୟଡ୍‌ଙ୍କୁ ପ୍ରାୟ ବର୍ଷେ ପରେ ନ୍ୟାୟ ମିଳିଛି। ସେକେଣ୍ଡ ଡିଗ୍ରୀ ଉଦ୍ଦେଶ୍ୟ ବିହୀନ ହତ୍ୟା, ଥାର୍ଡ ଡିଗ୍ରୀ ମର୍ଡର ଓ ସେକେଣ୍ଡ ଡିଗ୍ରୀ ନରହତ୍ୟା ଅପରାଧରେ ଦୋଷୀ ସାବ୍ୟସ୍ତ ହୋଇଛନ୍ତି ପୂର୍ବତନ ପୋଲିସ ଅଫିସର ଡେରେକ୍‌ ଚଉଭିନ। ପ୍ରାୟ ୮ ସପ୍ତାହ ପରେ ଚଉଭିନଙ୍କ ଦଣ୍ଡବିଧାନ କରାଯିବ। ତାଙ୍କୁ ୪୦ ବର୍ଷ ପର୍ଯ୍ୟନ୍ତ ଜେଲଦଣ୍ଡ ହୋଇପାରେ। ଚଉଭିନଙ୍କ ସମେତ ଅନ୍ୟ ୩ ପୋଲିସ ଅଫିସରଙ୍କୁ ମଧ୍ୟ ହତ୍ୟାରେ ସହଯୋଗ ପାଇଁ ଦୋଷୀ ସାବ୍ୟସ୍ତ କରାଯାଇଛି। ୭ ମହିଳା ଓ ୫ ପୁରୁଷ (୬ କୃଷ୍ଣକାୟ ଓ ୬ ଶ୍ୱେତାଙ୍ଗ) ବିଚାରପତିଙ୍କୁ ନେଇ ଗଠିତ ଫେଡେରାଲ ଗ୍ରାଣ୍ଡ ଜୁରି ପ୍ରାୟ ୧୦ ଘଣ୍ଟା ଧରି ସର୍ବସମ୍ମତ ରାୟ ଶୁଣାଇବା ପରେ ନୀରବ ପ୍ରାୟ ରାସ୍ତାଘାଟ ଉଲ୍ଲସିତ ହୋଇଯାଇଥିଲା। ଟିଭିରେ ଶୁଣାଣିର ପ୍ରସାରଣ ବେଳେ ଧୂସର ଶୁଟ୍‌ ଓ ସର୍ଜିକାଲ ମାସ୍କ ପିନ୍ଧିଥିବା ୪୫ ବର୍ଷୀୟ ଚଉଭିନ ମନଦେଇ ଶୁଣୁଥିଲେ।

ବିଶ୍ୱକୁ ବଦଳାଇଦେଇଛନ୍ତି ବାପା

ଆମେରିକା ରାଷ୍ଟ୍ରପତି ଜୋ ବାଇଡେନ୍‌ ମଙ୍ଗଳବାର ଜର୍ଜ ଫ୍ଲୟଡ୍‌ଙ୍କ ୭ ବର୍ଷୀୟା ଝିଅଙ୍କ ସହ କଥା ହେବା ପରେ ଗଣମାଧ୍ୟମକୁ ସୂଚନା ଦେଇଛନ୍ତି। ବାଇଡେନ୍‌ କହିଛନ୍ତି, ଗତବର୍ଷ ଜୁନ୍‌ରେ ଫ୍ଲୟଡ୍‌ଙ୍କ ମୃତଦେହ ସତ୍କାର ବେଳେ ଝିଅ ଜିଆନ୍ନା ଫ୍ଲୟଡ୍‌ଙ୍କୁ ସେ ଭେଟିଥିଲେ। ସେତେବେଳେ ବାଇଡେନ୍‌ କହିଥିଲେ, ତୁମ ବାପା ସ୍ବର୍ଗରୁ ଦେଖି ଗର୍ବ ଅନୁଭବ କରୁଛନ୍ତି। ଉତ୍ତରରେ ଜିଆନ୍ନା କହିଥିଲେ, ବାପା ବିଶ୍ୱକୁ ବଦଳାଇଦେଇଛନ୍ତି। ରାୟ ଆସିବା ପରେ ବାଇଡେନ୍‌ ତାଙ୍କ ସହ ପୁଣି କଥା ହୋଇଥିଲେ। କହିଥିଲେ, ତୁମ ବାପା ସତରେ ବିଶ୍ୱକୁ ବଦଳାଇଦେଇଛନ୍ତି।

ଫ୍ଲୟଡ୍‌ ଏକ ଆନ୍ଦୋଳନ

ଆଫ୍ରିକୀୟ ଆମେରିକୀୟ ଜର୍ଜ ଫ୍ଲୟଡ୍‌ ୨୦ ଡଲାର ଜାଲ୍‌ ବିଲ୍‌ ପଇଠ କରିଥିବା ନେଇ ଜଣେ ଷ୍ଟୋର କ୍ଲର୍କ ଅଭିଯୋଗ କରିଥିଲେ। ତା’ପରେ ହ୍ବାଇଟ୍‌ ପୋଲିସ ଅଫିସରଙ୍କ ବଳ ପ୍ରୟୋଗରେ ଫ୍ଲୟଡ୍‌ଙ୍କ ପ୍ରାଣବାୟୁ ଉଡ଼ିଯାଇଥିଲା। ଆଇ କ୍ୟାଣ୍ଟ ବ୍ରେଦ୍‌ (ମୁଁ ଅଣନିଃଶ୍ୱାସୀ ହୋଇଯାଇଛି) ଥିଲା ତାଙ୍କ ଶେଷ ଉଚ୍ଚାରଣ। ଅନେକ ଦେଖଣାହାରୀ ଏହି ଦୃଶ୍ୟକୁ ମୋବାଇଲ କ୍ୟାମେରାରେ କଏଦ୍‌ କରିଥିଲେ। ବିଶେଷକରି ଜଣେ ସ୍ବଳ୍ପବୟସ୍କା ଝିଅଙ୍କ ଭିଡିଓ ଫୁଟେଜ୍‌ ସୋସିଆଲ ମିଡିଆରେ ଭାଇରାଲ ହୋଇଥିଲା। ପ୍ରତ୍ୟକ୍ଷଦର୍ଶୀମାନେ ସେତେବେଳେ ଫ୍ଲୟଡ୍‌ଙ୍କୁ ଛାଡ଼ିଦେବାକୁ କହୁଥିଲେ। କିନ୍ତୁ ଚଉଭିନ କାହା କଥା ଶୁଣି ନ ଥିଲେ। କୃଷ୍ଣକାୟ ଫ୍ଲୟଡ୍‌ଙ୍କ ମୃତ୍ୟୁ ‘ବ୍ଲାକ୍‌ ଲାଇଭ୍‌ସ ମ୍ୟାଟର’ ବିକ୍ଷୋଭକୁ ଜନ୍ମ ଦେଇଥିଲା। ୧୯୬୦ ଦଶକର ସିଭିଲ ରାଇଟ୍ସ ମୁଭ୍‌ମେଣ୍ଟ ପରେ ଆମେରିକା ଏଭଳି ଆନ୍ଦୋଳନ ଦେଖି ନ ଥିଲା। ଫ୍ଲୟଡ୍‌ଙ୍କ ମୃତ୍ୟୁଜନିତ ବର୍ଣ୍ଣବୈଷମ୍ୟ ବିରୋଧୀ ନିଆଁ ନିକଟରେ ୨୦ ବର୍ଷୀୟ କୃଷ୍ଣକାୟ ଡଉଣ୍ଟେ ରାଇଟ୍‌ଙ୍କ ମୃତ୍ୟୁ ପରେ ଆହୁରି ତେଜିଉଠିଥିଲା।


Enter your email to get our daily news in your inbox.

All Right Reserved By Dharitri.Com

ଆମେ ୩୧ ହଜାର ସୈନିକଙ୍କୁ ହରାଇଛୁ: ୨ ବର୍ଷର ଯୁଦ୍ଧକୁ ନେଇ ମୁହଁ ଖୋଲିଲେ ଜେଲେନସ୍କି

କିଭ୍‌,୨୬।୨: ରୁଷିଆ-ୟୁକ୍ରେନ ଯୁଦ୍ଧର ଦୁଇ ବର୍ଷ ବିତିଗଲାଣି । ଏହି ଦୁଇ ଦେଶ ମଧ୍ୟରେ ଯୁଦ୍ଧ ୨୪ ଫେବୃଆରୀ ୨୦୨୨ରେ ଆରମ୍ଭ ହୋଇଥିଲା, ଯାହା ଏବେବି...

ଚର୍ଚ୍ଚ ଉପରେ ଆତଙ୍କବାଦୀ ଆକ୍ରମଣ: ୧୫ ମୃତ

ବୁର୍କିନା ଫାସୋ,୨୬।୨: ଉତ୍ତର ବୁର୍କିନା ଫାସୋରେ ଏକ କ୍ୟାଥୋଲିକ ଚର୍ଚ୍ଚ ଉପରେ ଆତଙ୍କବାଦୀ ଆକ୍ରମଣ ହୋଇଛି। ଏଥିରେ ଅତି କମରେ ୧୫ ସାଧାରଣ ନାଗରିକଙ୍କ ମୃତ୍ୟୁ...

ବିଲି୍ଡଂରେ ଲାଗିଲା ନିଆଁ: ଜଳିଗଲେ ଭାରତୀୟ ସାମ୍ବାଦିକ

ନ୍ୟୁୟର୍କ, ୨୫।୨: ଆମେରିକାରେ ପୁଣି ଜଣେ ଭାରତୀୟଙ୍କର ମୃତ୍ୟୁ ଘଟିଛି। ନ୍ୟୁୟର୍କର ହାର୍ଲେମ ଅଞ୍ଚଳର ଏକ କୋଠାରେ ରବିବାର ଭୀଷଣ ଅଗ୍ନିକାଣ୍ଡ ଘଟି ଜଣେ ୨୭...

ମୋଦିଙ୍କ କଥାକୁ ମାତ୍ର ୫ ମିନିଟ୍‌ରେ ମାନି ନେଇଥିଲେ ଏହି ଦେଶର ରାଷ୍ଟ୍ରପତି

ଦୁବାଇ,୨୫।୨: ସଂଯୁକ୍ତ ଆରବ ଏମିରେଟ୍ସର ଜଣେ କୂଟନୀତିଜ୍ଞ ୟୁଏଇ ମନ୍ଦିର ବିଷୟରେ ଏକ ବଡ଼ ଖୁଲାସା କରିଛନ୍ତି। ସେ କହିଛନ୍ତି, ୨୦୧୫ରେ ଏକ ଗସ୍ତ ସମୟରେ...

ବାଇଡେନଙ୍କ ସ୍ମରଣ ଶକ୍ତିକୁ ନେଇ ପୁଣି ଉଠିଲା ପ୍ରଶ୍ନ, ସି ଜିନପିଙ୍ଗଙ୍କୁ କହିଲେ ‘ରୁଷିଆର ରାଷ୍ଟ୍ରପତି’

ଓ୍ବାଶିଂଟନ,୨୫।୨: ଦୁର୍ବଳ ସ୍ମୃତିଶକ୍ତି ଏବଂ ବୃଦ୍ଧାବସ୍ଥା ଯୋଗୁଁ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କୁ ଅନେକ ଥର ସମାଲୋଚନା କରାଯାଇଛି। ଏବେ ପୁଣି ଥରେ ଜୋ ବାଇଡେନ...

ରାଷ୍ଟ୍ରପତି ନିର୍ବାଚନର ତାରିଖ ଘୋଷଣା, ରେସ୍‌ରେ ସବୁଠୁ ଆଗରେ ଆସିଫ ଅଲି ଜରଦାରି

ଇସଲାମାବାଦ,୨୫।୨: ପାକିସ୍ତାନରେ ଅନୁଷ୍ଠିତ ସାଧାରଣ ନିର୍ବାଚନରେ ଠକେଇ ଅଭିଯୋଗ ରହିଛି। ଏହି ଅଭିଯୋଗଗୁଡିକ ଜାଣି ନ ଥିବାରୁ ପାକିସ୍ତାନର ନିର୍ବାଚନ ଆୟୋଗ ରାଷ୍ଟ୍ରପତି ନିର୍ବାଚନ କରିବାକୁ...

ପଞ୍ଜାବ ଅଞ୍ଚଳର ମୁଖ୍ୟମନ୍ତ୍ରୀ ନିର୍ବାଚନକୁ ନେଇ ଆରମ୍ଭ ହେଲା କାଉଣ୍ଟ ଡାଉନ, ମରିୟମଙ୍କ ଉପରେ ସମସ୍ତଙ୍କ ନଜର

ଇସଲାମାବାଦ,୨୫।୨: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ଝିଅ ମରିୟମ ନୱାଜ ପଞ୍ଜାବ ପ୍ରଦେଶର ପ୍ରଥମ ମହିଳା ମୁଖ୍ୟମନ୍ତ୍ରୀ ହେବେ। ସେ ସୋମବାର ମୁଖ୍ୟମନ୍ତ୍ରୀ ଭାବେ...

ରାଷ୍ଟ୍ରପତି ପଦ ପାଇଁ ଟ୍ରମ୍ପ ଆଉ ପାଦେ ଆଗରେ

ଓ୍ବାଶିଂଟନ,୨୫ା୨: ଆମେରିକାର ରାଷ୍ଟ୍ରପତି ନିର୍ବାଚନ ଚଳିତ ବର୍ଷ ଆମେରିକାରେ ଅନୁଷ୍ଠିତ ହେବ। ଏହି ନିର୍ବାଚନରେ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତାଙ୍କ ପ୍ରତିଦ୍ୱନ୍ଦ୍ୱୀଙ୍କୁ କଡ଼ା ଟକ୍କର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri