ପାଟଣା,୨୯।୪(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଏରେଣ୍ଡେଇ ପଞ୍ଚାୟତ ଡିଆନାଳି ଗ୍ରାମ ଚତୁରୀ ସାହିର ଜିତୁ ମୁଣ୍ଡା ଗତ ସୋମବାର ମୃତ ଭଉଣୀ କାଲାରା ମୁଣ୍ଡାଙ୍କ କଙ୍କାଳ ଖୋଳି ମଲ୍ଲିପୋଷି ଓଡିଶା ଗ୍ରାମୀଣ ବ୍ୟାଙ୍କ ଗ୍ରିଲ ସମ୍ମୁଖରେ ରଖିବା ପରେ ମଙ୍ଗଳବାର ପ୍ରଶାସନ ତରଫରୁ ଜମା ଟଙ୍କା ସହ ସହ ରେଡକ୍ରସରୁ ଆର୍ଥିକ ସହାୟତା ଯୋଗାଇ ଦିଆଯାଇଥିଲା। ବୁଧବାର ବିଜେଡି ସୁପ୍ରିମୋ ନବୀନ ପଟନାୟକଙ୍କ ନିର୍ଦ୍ଦେଶରେ ଏକ ଫ୍ୟାକ୍ଟ୍ଟଫାଇଣ୍ଡିଂ ଟିମ ବିଜେଡ଼ି ରାଜ୍ୟ ଉପସଭାପତି ତଥା ଘଷିପୁରା ବିଧାୟକ ବଦ୍ରିନାରାୟଣ ପାତ୍ରଙ୍କ ନେତୃତ୍ୱରେ ଜିତୁ ମୁଣ୍ଡାଙ୍କ ଡିଆନଳିସ୍ଥିତ ବାସଭବନରେ ପହଞ୍ଚି ତଥ୍ୟ ସଂଗ୍ରହ କରିବା ସହ ସମବେଦନା ଜଣାଇଛନ୍ତି।
ଜିତୁଙ୍କୁ ଭେଟିବା ପରେ ପ୍ରତିକ୍ରିୟାରେ ପାତ୍ର କହିଛନ୍ତି, ସରକାରଙ୍କ ଆରଡିସି ନିଜ ଅଧନରେ ଥିବାରୁ ଏଥିରେ ଆମର ଭରଷା ନାହିଁ। ଆମେ ଜିତୁଙ୍କ ପରିବାର ପ୍ରତି ହୋଇଥିବା ଅନ୍ୟାୟର ଖୁଲାସା ଓ ସମସ୍ତ ଦୋଷୀ କଠୋର ଦଣ୍ଡ ପାଇବା ପାଇଁ ବିଚାବିଭାଗୀୟ ତଦନ୍ତ ଦାବି କରୁଛୁ।
ଆନନ୍ଦପୁର ବିଧାୟକ ଅଭିମନ୍ୟୁ ସେଠୀ, ପୂର୍ବତନ ପାଟଣା ବିଧାୟକ ଜଗନ୍ନାଥ ନାଏକ, ବିଜେଡ଼ି ଜିଲା ସଭପତି ଆଶିଷ ଚକ୍ରବର୍ତ୍ତୀ, ଜିଲା ପରିଷଦ ଅଧ୍ୟକ୍ଷା ସାଗରିକା ସାହୁ, ପୂର୍ବତନ ଆଦିବାସୀ ଉନ୍ନୟନ ଅଧ୍ୟକ୍ଷ ରାମରାୟ ମୁନ୍ଦିୟା, ଉପାଧ୍ୟକ୍ଷ ନାରଣ ପୂର୍ତ୍ତିର, ବିଜେଡ଼ି ପାଟଣା ବ୍ଲକ ସଭାପତି ମାଧବା ନନ୍ଦ ପୃଷ୍ଟି, ପୂର୍ବତନ ପାଟଣା ବ୍ଲକ ଅଧ୍ୟକ୍ଷା ସୁକାନ୍ତ ନାଏକ,୨୩ନମ୍ବର ଜିଲା ପରିଷଦ ସଦସ୍ୟା ରୁନୁ ମହାନ୍ତ, ଏରେଣ୍ଡେଇ ସରପଞ୍ଚ ପାର୍ବତୀ ଦେହୁରୀ, ବଡ ପାଟଣା ସରପଞ୍ଚ ବିନତୀ ବାନାରା ସହ ଅନେକ ବିଜେଡ଼ି ନେତା କର୍ମୀ ପହଞ୍ଚି ଜିତୁଙ୍କ ସହ ଆଲୋଚନା, ପ୍ରଶାସନର ବିଧି ବ୍ୟବସ୍ଥାକୁ ଦାୟୀ କରିଛି। ବିଜେଡ଼ି ଘଟଣା ଘଟିବାର ଗୋଟେ ଦିନରେ ପରେ ଟଙ୍କା ମିଳିବା ସହ ମୃତ୍ୟୁ ପ୍ରମାଣ ପତ୍ର ଆଗରୁ କାହିଁକି ବାହାରିଲାନି ବୋଲି ଅଭିଯୋଗ ଆଣିଛି ବିଜେଡି। ବ୍ୟାଙ୍କ, ତହସିଲ, ବ୍ଲକ ଓ ପୋଲିସ କର୍ତ୍ତୃପକ୍ଷ ଜିତୁଙ୍କୁ ନ୍ୟାୟ ଦେବା ଦେବା ବଦଳରେ ଓଲଟି ଦୁର୍ବ୍ୟହାର ଓ ଦଣ୍ଡିତ କରିଛି ବୋଲି ବିଜେଡ଼ି ନେତାମାନେ ଅଭିଯୋଗ କରିଛନ୍ତି।
Dharitri – Odisha’s No.1 Odia Daily
