ନୂଆଦିଲ୍ଲୀ,୧୨।୨ : ସୁପ୍ରିମକୋର୍ଟର ପୂର୍ବତନ ବିଚାରପତି ଜଷ୍ଟିସ ଏସ ଅବଦୁଲ ନାଜିରଙ୍କୁ ଆନ୍ଧ୍ରପ୍ରଦେଶର ରାଜ୍ୟପାଳ ଭାବେ ନିଯୁକ୍ତି ଦିଆଯାଇଛି। ଅଯୋଧ୍ୟା ମାମଲାରେ ସୁପ୍ରିମକୋର୍ଟର ପାଞ୍ଚ ଜଣିଆ ବେଞ୍ଚର ଅଂଶ ଥିବା ସଂଖ୍ୟାଲଘୁ ସମ୍ପ୍ରଦାୟର ଏକମାତ୍ର ବିଚାରପତି ଜଷ୍ଟିସ ଏସ ଅବଦୁଲ ନାଜିର ଚଳିତ ବର୍ଷ ଜାନୁଆରୀ ୪ ରେ ଅବସର ନେଇଥିଲେ। ସେବେଠାରୁ ତାଙ୍କ ରାଜ୍ୟପାଳ ହେବାର ସମ୍ଭାବନା ପ୍ରକାଶ ପାଇଥିଲା।
ଜଷ୍ଟିସ ନାଜିରଙ୍କ ଅବସର ଦୁଇଟି ଗୁରୁତ୍ୱପୂର୍ଣ୍ଣ ବିଚାର ପରେ ହୋଇଥିଲା। ତାଙ୍କ ନେତୃତ୍ୱରେ ଏକ ସମ୍ବିଧାନ ବେଞ୍ଚ ବିମୁଦ୍ରୀକରଣକୁ ସମର୍ଥନ କରିଥିଲା। ଏହା ବ୍ୟତୀତ ମନ୍ତ୍ରୀ, ଏମ୍ପି, ବିଧାୟକଙ୍କ ମୁକ୍ତ ବକ୍ତବ୍ୟ ଅଧିକାର ଉପରେ ଅତିରିକ୍ତ ପ୍ରତିବନ୍ଧକ ଲଗାଇବାକୁ ସେ ମନା କରିଦେଇଥିଲେ।
