ମୁମ୍ବାଇ,୯।୪: ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍)ର ଚଳିତ ସିଜନ୍ରେ ଭଲ ପ୍ରଦର୍ଶନ କରିଆସୁଛି ରାଜସ୍ଥାନ ରୟାଲ୍ସ। ହେଲେ ଏବେ ଏହାର ଜଣେ ଖେଳାଳି ବଡ଼ ଘୋଷଣା କରି ଚର୍ଚ୍ଚାରେ। ନ୍ୟୁଜିଲାଣ୍ଡ ଖେଳାଳି ଜିମି ନିଶାମ ତାଙ୍କ ଇନ୍ଷ୍ଟାଗ୍ରାମରେ ଅଭ୍ୟାସ ସମୟର ଫଟୋ ଏବଂ ଭିଡିଓ ଶେୟାର କରିଛନ୍ତି। ସେଥିରେ ସେ ରିଆନ ପରାଗଙ୍କୁ ବୋଲିଂ କରୁଥିବା ଦେଖାଯାଇଛି। ଏହି ସମୟରେ ରିଆନଙ୍କ ଏକ ଶଟ୍ ଜିମିଙ୍କ ପାଖ ଦେଇ ଚାଲିଯାଇଥିଲା। ଏହାଦ୍ୱାରା ତାଙ୍କୁ ଆଘାତ ଲାଗିପାରିଥାନ୍ତା। ଘଟଣାକୁ ଇଙ୍ଗିତ କରି ନିଶାମ ଏବେଠାରୁ ହିଁ ମୁଁ ନିଜର ସନ୍ୟାସ ନେଇ ଘୋଷଣା କରୁଛି ବୋଲି ଇନ୍ଷ୍ଟାଗ୍ରାମରେ ଲେଖିଥିଲେ। ପ୍ରଶଂସକମାନେ ଏହାକୁ ଦେଖି ଚକିତ ହୋଇଯାଇଥିଲେ। ହେଲେ ପରେ ସେ ନେଟ୍ସରେ ବୋଲିଂ କରିବାରୁ ସନ୍ୟାସ ନେବାକୁ ଘୋଷଣା କରିଥିବା ଜଣାପଡ଼ିଛି।
