ଶ୍ରୀନଗର,୧୮।୮: ଉତ୍ତର କଶ୍ମୀରର କୁପୱାଡାରେ ସୁରକ୍ଷା ବାହିନୀକୁ ବଡ ସଫଳତା ମିଳିଛି। ଏଠାରେ ସର୍ଚ୍ଚ ଅପରେଶନ ବେଳେ ସୁରକ୍ଷା ବାହିନୀ ଅସ୍ତ୍ରଶସ୍ତ୍ର ଜବତ କରିଛନ୍ତି। ଗୁପ୍ତଚର ଏଜେନ୍ସିରୁ ପ୍ରାପ୍ତ ଇନପୁଟ ଉପରେ କାର୍ଯ୍ୟ କରି ସେନା, ବିଏସଏଫ୍ ଏବଂ ପୋଲିସର ମିଳିତ ଟିମ କୁପୱାଡାର ମାଛିଲ ସେକ୍ଟରରେ ୧୫ରୁ ୧୮ଅଗଷ୍ଟ ମଧ୍ୟରେ ଏକ ବ୍ୟାପକ ସର୍ଚ୍ଚ ଅପରେଶନ ଆରମ୍ଭ କରିଥିଲେ।
ଜବତ ହୋଇଥିବା ଅସ୍ତ୍ରଶସ୍ତ୍ର ମଧ୍ୟରେ ୫ଟି ଏକେ ରାଇଫଲ, ସାତୋଟି ପିସ୍ତଲ, ଚାରିଟି ହ୍ୟାଣ୍ଡ ଗ୍ରେନେଡ ଏବଂ ଅନ୍ୟାନ୍ୟ ଅପରାଧ ସାମଗ୍ରୀ ରହିଛି। ସୁରକ୍ଷା ବାହିନୀ ଏହାର ଆଖପାଖ ଅଞ୍ଚଳକୁ ଘେରି ରହିଛନ୍ତି। ଏଠାରେ ସର୍ଚ୍ଚ ଅପରେଶନ ଜାରି ରହିଛି।
