ଜେରୁଜେଲମ,୧୧।୧୦: ଇସ୍ରାଏଲ ଉପରେ ଆକ୍ରମଣ କରିବା ହାମାସ ପାଇଁ ଏକ ବଡ଼ ସମସ୍ୟା ହୋଇଛି। ହମାସ ଆକ୍ରମଣର ଜବାବରେ ଇସ୍ରାଏଲ ଗାଜା ଅଞ୍ଚଳରେ ବଡ଼ ଧ୍ବଂସ ଆଣିଛି। ଯୁଦ୍ଧ ଜାରି ରହିଛି ଏବଂ ଉଭୟ ପାର୍ଶ୍ୱରୁ କ୍ରମାଗତ ଭାବେ ମିସାଇଲ, ବୋମା ଏବଂ ଗୁଳି ଚାଳନା କରାଯାଉଛି। ଆତଙ୍କବାଦୀ ଗୋଷ୍ଠୀର ଠିକଣା ସ୍ଥାନକୁ ନଷ୍ଟ କରିବାରେ ଇସ୍ରାଏଲ ନିୟୋଜିତ ଅଛି। ଏଭଳି ପରିସ୍ଥିତିରେ ଏକ ରିପୋର୍ଟ ବାହାରିଛି ଆସିଛି ଯେ, ଗାଜାରୁ ବାହାରୁଥିବା ଏକମାତ୍ର ମାର୍ଗ ଉପରେ ଇସ୍ରାଏଲ କ୍ରମାଗତ ଭାବରେ ଆକ୍ରମଣ କରୁଛି। ତେଣୁ, ଇଜିପ୍ଟ ଗାଜା ଷ୍ଟ୍ରିପରୁ ନିଜର ସିନାଇ ଉପଦ୍ୱୀପକୁ ବହୁ ସଂଖ୍ୟାରେ ସ୍ଥାନାନ୍ତରଣକୁ ରୋକିବାକୁ ଚେଷ୍ଟା କରୁଛି।
ଏକ ନ୍ୟୁଜ ଏଜେନ୍ସି ଅନୁଯାୟୀ, ଇଜିପ୍ଟର ଦୁଇ ସୁରକ୍ଷା ସୂତ୍ର କହିଛି ଯେ, ଇସ୍ରାଏଲର ଏହି ଆକ୍ରମଣ ଇଜିପ୍ଟରେ ଉଦ୍ବେଗ ସୃଷ୍ଟି କରିଛି। ସାଧାରଣ ନାଗରିକଙ୍କୁ ଦକ୍ଷିଣ-ପଶ୍ଚିମ ସିନାଇକୁ ପଳାଇବାକୁ ବାଧ୍ୟ ନ କରୁନ୍ତୁ ବରଂ ସେମାନଙ୍କୁ ଏନକ୍ଲେଭରୁ ସୁରକ୍ଷିତ ରାସ୍ତା ଯୋଗାଇଦେବାକୁ ସେ ଇସ୍ରାଏଲକୁ ଅନୁରୋଧ କରିଛନ୍ତି।
