ନୂଆଦିଲ୍ଲୀ, ୨୨।୮: ରାଜଧାନୀ ଦିଲ୍ଲୀରେ ଆଇଏସ୍ ଆତଙ୍କବାଦୀ ଏବଂ ପୋଲିସ ମୁହାଁମୁହିଁ ହୋଇଛନ୍ତି। ସ୍ଥାନୀୟ ଧୋଲାକୂଆଁର ରିଙ୍ଗ୍ ରୋଡ୍ ନିକଟରେ ଆଇଏସ୍ ଆତଙ୍କବାଦୀ ଲୁଚିଥିବା ଖବର ପାଇ ଦିଲ୍ଲୀ ପୋଲିସର ସ୍ପେଶାଲ ଟିମ୍ ଏଠାରେ ଘେରାବନ୍ଦୀ ଆରମ୍ଭ କରିଥିଲେ। ପୋଲିସ ଏନ୍କାଉଣ୍ଟର ସମୟରେ ଜଣେ ଆତଙ୍କବାଦୀ ଫେରାର ହୋଇଯାଇଥିବା ବେଳେ ଅନ୍ୟ ଜଣେ ଧରାପଡ଼ିଥିଲେ। ଅନ୍ୟ କେତେକ ଆଇଏସ୍ ଆତଙ୍କବାଦୀ ଲୁଚି ରହିଥିବା କୁହାଯାଉଛି। ଏଠାରେ ସର୍ଚ୍ଚ ଅପରେଶନ୍ ସହିତ ଏନ୍କାଉଣ୍ଟର ଜାରି ରହିଥିବା ପୋଲିସ କହିଛି। ଗିରଫ ହୋଇଥିବା ଆତଙ୍କବାଦୀ ଅବୁ ୟୁସୁଫ ଉତ୍ତରପ୍ରଦେଶର ବଳାରାମପୁରର ବାସିନ୍ଦା ବୋଲି ପୋଲିସ ପକ୍ଷରୁ କୁହାଯାଉଛି। ଆତଙ୍କାବାଦୀଙ୍କ ପାଖରୁ ଆଇଇଡ଼ି ଜବତ ହୋଇଛି। ସେମାନେ ବଡ଼ ଧରଣର ଆକ୍ରମଣ ଷଡ଼ଯନ୍ତ୍ର ରବିଥିବା ସ୍ପେଶାଲ ସେଲ୍ ଡେପୁଟି କମିଶନର ପ୍ରମୋଦ ସିଂହ କୁଶବାହା ସୂଚନା ଦେଇଛନ୍ତି।
