ଚାରା ବିକ୍ରିରେ ଅନିୟମିତତା

ନୟାଗଡ଼,୫।୧୦(ଲୋକନାଥ ମିଶ୍ର)ନୟାଗଡ଼ ଜିଲାର ୮ଟି ବ୍ଲକରେ ଥିବା କନିଷ୍ଠ ଉଦ୍ୟାନ ଅଧିକାରୀଙ୍କ କାର୍ଯ୍ୟାଳୟରେ ଷ୍ଟେଟ୍‌ ପ୍ଲାନରେ ବିକ୍ରି ହେଉଥିବା ଚାରାକୁ ମନଇଛା ଦରରେ ବିକ୍ରି କରାଯାଉଥିବା ଅଭିଯୋଗ ହେଉଛି। ଅନ୍ୟପକ୍ଷେ କେଉଁ ଚାରା କେତେ ରେଟ୍‌ ସେନେଇ ଚାରା ବିକ୍ରି ହେଉଥିବା ସ୍ଥାନରେ ତାର ତାଲିକା ଝୁଲୁନି। ପୁଣି ଚାଷୀଙ୍କୁ ମନି ରସିଦ୍‌ ଦିଆ ଯାଉନି। ଚାଷୀଙ୍କ ଠାରୁ ଆଧାର କାର୍ଡର ଜେରକ୍ସ କପି ଓ ଦସ୍ତଖତ ନିଆଯାଉଥିବା ବେଳେ ଗଛ ସଂଖ୍ୟା ରିପୋର୍ଟରେ ଦର୍ଶାଯାଉନି। ଚାଷୀ ଗଛ ସଂଖ୍ୟା ଦର୍ଶାଇବାକୁ ଯୁକ୍ତି ବାଢ଼ିବା ବେଳେ ମନ ପାଇଲେ ଗଛ ନିଅନ୍ତୁ ନ ହେଲେ ଚାଲି ଯାଆନ୍ତୁ ଉତ୍ତର ମିଳୁଛି। ଚାରା ବିକ୍ରିରେ ଚାଲିଥିବା ଏପରି ମନମାନୀକୁ ବନ୍ଦ କରିବା ପାଇଁ ପଦକ୍ଷେପ ନିଆଯାଉ ନ ଥିବାରୁ ଅନିୟମିତତା ବଢ଼ି ଚାଲିଛି। ଚାଷୀ ଶୋଷଣ ହେଉଛି।
ନୟାଗଡ଼ ଜିଲାର ଓଡ଼ଗାଁ, ନୟାଗଡ଼, ରଣପୁର, ଭାପୁର, ଖଣ୍ଡପଡ଼ା, ନୂଆଗାଁ, ଦଶପଲ୍ଲା ଓ ଗଣିଆ ବ୍ଲକରେ ଉଦ୍ୟାନ ବିଭାଗର କନିଷ୍ଠ ଉଦ୍ୟାନ ଅଧିକାରୀଙ୍କ କାର୍ଯ୍ୟାଳୟ ରହିଛି। ପ୍ରତି କନିଷ୍ଠ ଉଦ୍ୟାନ ଅଧିକାରୀଙ୍କ କାର୍ଯ୍ୟାଳୟରେ ଚାରା ବିକ୍ରୟ କେନ୍ଦ୍ର ଖୋଲିଛି। ଷ୍ଟେଟ୍‌ ପ୍ଲାନରେ ଚାଷୀଙ୍କୁ ଚାରା ବିକ୍ରି ହେଉଛି। ଆମ୍ବ ଓ କାଜୁ ଚାରା ୨୨ଟଙ୍କା ୫୦, ଲେମ୍ବୁ ୧୦ଟଙ୍କା, ନଡିଆ ଗଛ ୪୦ ଟଙ୍କା ସରକାରୀ ରେଟ୍‌ ଅଛି। ହେଲେ ଚାଷୀ ଏସବୁ ସରକାରୀ ରେଟ୍‌ରେ ପାଉନି। ଗୋଟିଏ ଗଛ ପିଛା ଚାଷୀ ୫ରୁ ୨୦ ଟଙ୍କା ପର୍ଯ୍ୟନ୍ତ ଅଧିକ ଦେବାକୁ ପଡୁଛି। ଗୋଟିଏ ଚାରାକୁ ଭିନ୍ନ ଭିନ୍ନ ରେଟ୍‌ରେ ବିକ୍ରି କରିବା ପରେ ଉଦ୍ୟାନ ବିଭାଗର ଚାରା ଦୁର୍ନୀତି ପଦାକୁ ଆସିଛି। ଏନେଇ ଗୋଡିପଡ଼ାର ଚାଷୀ ବିଭୂତି ପଟ୍ଟନାୟକ କୁହନ୍ତି, ମୁଁ ଆମ୍ବ ଗଛ କିଣିବାକୁ ଓଡ଼ଗାଁ କନିଷ୍ଠ ଉଦ୍ୟାନ ଅଧିକାରୀଙ୍କ କାର୍ଯ୍ୟାଳୟକୁ ଯାଇଥିଲି। ଆମ୍ବ ଗଛ ରେଟ ୨୨ ଟଙ୍କା ୫୦ ପଇସା ଥିବାବେଳେ ମୋ ଆଗରେ ଚାଷୀ ୨୫ରୁ ୩୦ ଟଙ୍କାରେ କିଣୁଥିଲେ। ଗୋଟିଏ ଚାରାକୁ ଚାଷୀଙ୍କଠାରୁ ୫ରୁ ୧୦ ଟଙ୍କା ଲେଖାଏଁ ଆଦାୟ କରାଯାଉଥିବାରୁ ମୁଁ ଏହାକୁ ପ୍ରତିବାଦ କରିଥିଲି। ଏପରି କି ଚାରା କିଣିବାକୁ ଆସିଛି ବୋଲି କହିଥିଲି। ଆମ୍ବ ଚାରାର ସରକାରୀ ରେଟ କେତେ ଅଛି ପଚାରିଥିଲି। ମୋ ଯୁକ୍ତିତର୍କ ଦେଖି ମୋତେ ଚାରା ୨୨ଟଙ୍କା ୫୦ ପଇସା କୁହାଯାଇଥିଲା। ଏପରି କି ମାଗଣରେ ଦେଇ ଦେବେ କହିଥିଲେ। ତେବେ ମୁଁ ୫ଟି ଚାରା ୨୨ ଟଙ୍କା ୫୦ ପଇସାରେ କିଣି ଆଣିଥିଲି। ମନି ରସିଦ୍‌ ମାଗିବାରୁ ମନି ରସିଦ୍‌ ଦିଆଯାଉନି କହିଥିଲେ। ଅନ୍ୟପକ୍ଷେ କହିଥିଲେ ଚାରା ଗୋଟିକୁ ୪୫ ଟଙ୍କା ଦରରେ କିଣିଲେ ମନି ରସିଦ୍‌ ମିଳିବ। ମୁଁ ହଁ କଲା ପରେ ପୁଣି କହିଲେ ୫୦୦ ଚାରା ନେବାକୁ ପଡିବ। ପୁଣି ମୁଁ ହଁ କରିବା ପରେ ମଧ୍ୟ ମୋତେ ମନି ରସିଦ୍‌ ଦେବେ ନାହିଁ ମନା କଲେ। ଏଣୁ ଚାରା ବିକ୍ରିରେ ଅନିୟମିତତା ଚାଲିଛି ବୋଲି ମୁଁ ଅନୁଭବ କରି ସଚେତନତା ସୃଷ୍ଟି କରୁଛି। ନୂଆଗାଁର ମାଧମ ଚନ୍ଦ୍ର ନାୟକ କୁହନ୍ତି, ଆମ ଅଞ୍ଚଳରେ ଥିବା ଚାରା ବିକ୍ରୟ କେନ୍ଦ୍ରରେ ଚାରାକୁ ମନଇଛା ରେଟ୍‌ ନେଉଛନ୍ତି। ଗଛ ପ୍ରତି ସରକାରୀ ଦରଠାରୁ ୫ରୁ ୧୫ ଟଙ୍କା ଅଧିକ ନେଉଛନ୍ତି। ପ୍ରତିବାଦ କଲେ ସୁଫଳ ମିଳୁନି। ସେହିପରି ଆଧାରକାର୍ଡ ଜେରକ୍ସ ଓ ଦସ୍ତଖତ ନେଉଛନ୍ତି। କିନ୍ତୁ ମୁଁ କିଣିଥିବା ଗଛକୁ ରିପୋର୍ଟରେ ଦର୍ଶାଉ ନାହାନ୍ତି। ଆମ ନାଁରେ କେତେ ଗଛ ପଡିଲା ଆମେ ଜାଣି ପାରୁନୁ। ଏଣୁ ମୋ ପରି ଅନେକ ଚାଷୀ ସବୁଥିରେ ଠକେଇରେ ଶିକାର ହେଉଛନ୍ତି। ନୟାଗଡ଼ର ଚାଷୀ ଉମାଶଙ୍କର ପ୍ରଧାନ କୁହନ୍ତି, ଉଦ୍ୟାନ ବିଭାଗ ପକ୍ଷରୁ ବିକ୍ରୟ ହେଉଥିବା ଚାରା ପାଇଁ କେନ୍ଦ୍ରରେ ରେଟ୍‌ ଚାଟ ଝୁଲାଇବା କଥା। ହେଲେ ବିଭାଗୀୟ ଅଧିକାରୀ ଏ ଦିଗରେ ପଦକ୍ଷେପ ନେଉ ନାହାନ୍ତି। କେତେଜଣ ରାଜନେତା, ଖବରଦାତା ଓ ପ୍ରତିଷ୍ଠିତ ବ୍ୟକ୍ତିଙ୍କୁ ମାଗଣାରେ ଚାରା ଦେଇ ସେହି ଅର୍ଥ ଚାଷୀଙ୍କଠାରୁ ଆଦାୟ କରାଯାଉଛି। ଏହି ଅଭିଯୋଗର ତଦନ୍ତ ନ ହେଲେ ପ୍ରତିବର୍ଷ ଏପରି ଠକେଇ ଚାଲିଥିବ ବୋଲି ସେ କହିଛନ୍ତି।
ଉଦ୍ୟାନ ବିଭାଗର ଡେପୁଟି ଡାଇରେକ୍ଟର ଲଳିତ ପଣ୍ଡା କୁହନ୍ତି, ଚାରା ବିକ୍ରୟ କେନ୍ଦ୍ରରେ ରେଟ୍‌ ଚାଟ୍‌ ଝୁଲାଇବା ଦରକାର। ଏହା ନଜରକୁ ଆସି ନ ଥିଲା। ଏହା କରାଯିବ ବୋଲି କହିଛନ୍ତି। ଅନ୍ୟପକ୍ଷେ ଚାଷୀଙ୍କୁ ଅଧିକ ଦରରେ ଚାରା ବିକ୍ରୟ ହେଉଥିବା ନେଇ ଅଭିଯୋଗ ମିଳିନି। ଅଭିଯୋଗ ଅସିଲେ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଚଳିତ ବର୍ଷ ଆମ୍ବ ଗଛ ୬୦ ହଜାର, ଲେମ୍ବୁ ୧୫ ହଜାର, ଅମୃତଭଣ୍ଡା ୧୨ ହଜାର ଚାରା ପଡିଥିଲା। ଚାଷୀଙ୍କୁ ସରକାରୀ ଦରରେ ଚାରା ବିକ୍ରି କରିବାକୁ ନିର୍ଦ୍ଦେଶ ଦିଆ ଯାଇଛି। ତେବେ ମନି ରସିଦ୍‌ ବ୍ୟବସ୍ଥା ସରକାରଙ୍କ ନାହିଁ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

IPL 2027 trade: ରାଜସ୍ଥାନ ରୟାଲ୍ସରୁ ଖେଳିବେ ଶାମି, ସାମ୍‌ କୁରାନଙ୍କୁ କିଣିଲା…

ନୂଆଦିଲ୍ଲୀ,୧୭ା୧୧: ଇଣ୍ଡିଆନ ପ୍ରିମିୟର ଲିଗ୍‌ (ଆଇପିିଏଲ୍‌) ୨୦୨୭ ସିଜନରେ ରାଜସ୍ଥାନ ରୟାଲ୍ସରୁ ଖେଳିବେ ଭେଟେରାନ ଭାରତୀୟ ପେସ୍‌ ବୋଲର ମହମ୍ମଦ ଶାମି। ସେ ଲକ୍ଷ୍ନୌ ସୁପର ଜାଏଣ୍ଟ୍ସରୁ…

ସନ୍ୟାସକୁ ନେଇ ଭାବୁକ ହେଲେ ଧୋନୀ, ସୋସିଆଲ ମିଡିଆରେ ଭିଡିଓ ଛାଡି କଲେ ବଡ଼ ଘୋଷଣା

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ, ମହାନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସନ୍ନ୍ୟାସର ଘୋଷଣା କରିସାରିଥିଲା। ଯାହାପରେ ସମସ୍ତେ ଧୋନୀଙ୍କ ସୋସିଆଲ ମିଡିଆ ପୋଷ୍ଟକୁ ଅପେକ୍ଷା କରି…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ବୈଭବ ସୂର୍ଯ୍ୟବଂଶୀଙ୍କୁ ମିଳିବ ୧୧କୋଟି ଦରମା? ଆଇପିଏଲ ୨୦୨୭ ରେ ମିଳିବ କୋଟି କୋଟି ଟଙ୍କା!

ନୂଆଦିଲ୍‌ଲୀ,୧୭।୧୧: ବୈଭବ ସୂର୍ଯ୍ୟବଂଶୀଙ୍କୁ ରାଜସ୍ଥାନ ରୟାଲ୍ସ ୨୦୨୫ ମେଗା ଅକ୍ସନରେ ୧ କୋଟି ୧୦ ଲକ୍ଷ ଟଙ୍କାରେ କିଣିଥିଲା। ସେତେବେଳେ ବୈଭବଙ୍କ ବୟସ ୧୪ ବର୍ଷ ଥିଲା,…

VIDEO: CSK ମାଲିକାଣୀଙ୍କ ବଡ଼ ଖୁଲାସା, ଧୋନୀ ହିଁ କହିଥିଲେ ସନ୍ୟାସ ନେବାକୁ, ଆଉ ସେହି ସମୟରେ ସମ୍ଭାଳିପାରିଲାନି…

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ (CSK) ର ମାଲିକାଣୀ ରୁପା ଗୁରୁନାଥ କୁହନ୍ତି ଯେ ଗତ ଶନିବାର, ତିନି ଦିନ ପୂର୍ୱେ ଏମ.ଏସ. ଧୋନୀ, CSK ର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?