ନୂଆଦିଲ୍ଲୀ,୬।୯: କେତେକ ଲୋକ ଅଛନ୍ତି ଯେଉଁମାନେ ସବୁ ପରିସ୍ଥିତିରେ ଖୁସି ରହିବାକୁ ଚେଷ୍ଟା କରନ୍ତି। ଏହାର ଏକ ଉଦାହରଣ ଦେଖିବାକୁ ମିଳିଛି ଏକ କରୋନା ହସ୍ପିଟାଲରେ। ଉକ୍ତ ହସ୍ପିଟାଲରେ ସମସ୍ତ କରୋନା ରୋଗୀ ଜନ୍ମଦିନ ପାର୍ଟି ମନାଇବା ସହ ମନ ଖୋଲି ନାଚୁଥିବା ଦେଖାଯାଇଛି। ଆଉ ଏହାର ଏକ ଭିଡିଓ ଜଣେ ଆଇପିଏସ୍ ତାଙ୍କ ଟୁଇଟରରେ ଶେୟାର କରି ଲେଖିଛନ୍ତି, ଏମିତି ନାଚିଲେ କରୋନା ବି ହାରିଯିବ। ଏହା ପୂର୍ବରୁ ବୋଧହୁଏ କରୋନା ହସ୍ପିଟାଲର ଏମିତି ଦୃଶ୍ୟ କେହି ଦେଖି ନ ଥିବେ। ଆଇପିଏସ୍ ଦିପାଂଶୁ କାବରା ତାଙ୍କ ଟୁଇଟରରେ ଯେଉଁ ଭିଡିଓଟି ଶେୟାର କରିଛନ୍ତି ତାହା ଏବେ ଭାଇରାଲ ହେବାରେ ଲାଗିଛି। ଉକ୍ତ ଭିଡିଓ ସହ ସେ ଲେଖିଛନ୍ତି ଦିଲେର ମେହନ୍ଦିଙ୍କ ୨ ମିନିଟ ଗୀତରେ ବଡ ବଡ ନେଗେଟିଭିଟି ନଷ୍ଟ ହୋଇଯାଇଥାଏ। ଏହି ଭିଡିଓଟି ରାଇପୁର ଜିଲା ଇଣ୍ଡୋର ଷ୍ଟାଡିୟମରେ ଥିବା କୋଭିଡ ହସ୍ପିଟାଲରେ ଜନ୍ମଦିନ ପାର୍ଟି ପାଳନ ହେବାର ଦୃଶ୍ୟ। ତେଣୁ ଆପଣମାନେ ବି ମନଖୋଲି ନାଚନ୍ତୁ ସାବଧାନ ରୁହନ୍ତୁ, କରୋନା ନିଶ୍ଚୟ ହାରିବ। ତେବେ ସେଠାରେ ଉପସ୍ଥିତ ଥିବା ସମସ୍ତ କରୋନା ସଂକ୍ରମିତ ମୁହଁରେ ମାସ୍କ ପିନ୍ଧିବା ସହ କେହି କେହି ଏହି ଦୃଶ୍ୟକୁ ନିଜ ନିଜ ମୋବାଇଲେ ରେକର୍ଡ କରୁଥିବା ମଧ୍ୟ ଦେଖାଯାଇଛି। ଆଇପିଏସ୍ ଦିପାଂଶୁ କହିଛନ୍ତି ଏମାନେ କରୋନାରେ ସଂକ୍ରମିତ ହେବା ପରେ ବି ଏମାନଙ୍କ ମନରେ ଥିବା ପଜିଟିଭିଟି ଏମାନଙ୍କୁ ଶୀଘ୍ର ସୁସ୍ଥ କରିବ। ତେଣୁ ମନରେ ପଜିଟିଭିଟି ରଖିଲେ ଯେ କୌଣସି ରୋଗକୁ ସହଜରେ ଏଡାଇ ଦେଇହେବ ବୋଲି ସେ ମତ ରଖିଛନ୍ତି।
