ଇଣ୍ଡିଆନ ପ୍ରିମିୟର ଲିଗ ୨୦୨୨ ଆରମ୍ଭ ହେବାକୁ ୫ ଦିନ ବାକି ଅଛି। ଆଇପିଏଲର ୧୫ତମ ସିଜନ ମାର୍ଚ୍ଚ ୨୬ରୁ ଆରମ୍ଭ ହେଉଛି। ଏହି ସିଜିନ୍ର ପ୍ରଥମ ମ୍ୟାଚ ଚେନ୍ନାଇ ସୁପର କିଙ୍ଗସ ଏବଂ କୋଲକାତା ନାଇଟ ରାଇଡର୍ସ ମଧ୍ୟରେ ଖେଳାଯିବ। ୨ଟି ନୂଆ ଦଳର ଆଗମନ ସହିତ ଏଥର ଆଇପିଏଲ୍ରେ ଉତ୍ସାହ ବୃଦ୍ଧି ପାଇବ। ଆଇପିଏଲରେ ଅନେକ ଲଜ୍ଜାଜନକ ରେକର୍ଡ ରହିଛି। ଏପରି ଏକ ଲଜ୍ଜାଜନକ ରେକର୍ଡ ଆଇପିଏଲର ଦୁଇ ଅଲରାଉଣ୍ଡରଙ୍କ ନାମରେ ରହିଛି। ଏହି ଦୁଇ ଖେଳାଳି ମହଙ୍ଗା ଓଭର୍ ବୋଲିଂ କରିଛନ୍ତି। ଗୋଟିଏ ଓଭରରେ ୪-୪ ଅତିରିକ୍ତ ବଲ ପକାଇ ନିଜ ଦଳ ପାଇଁ ମହଙ୍ଗା ପ୍ରମାଣିତ ହୋଇଥିଲେ। ଏହି ଦୁଇ ଅଲରାଉଣ୍ଡ ହେଲେ…
ରାହୁଲ ତଓ୍ବେତିଆ: ଆଇପିଏଲ ୨୦୨୦ରେ ରାଜସ୍ଥାନ ରୟାଲ୍ସ ପାଇଁ ଖେଳୁଥିବା ରାହୁଲ ତଓ୍ବେତିଆ ଆରସିବି ବିପକ୍ଷରେ ୧୦ଟି ବଲ ବୋଲିଂ କରିଥିଲେ। ଆରସିବି ଇନିଂସର ଏହା ୯ମ ଓଭର ଥିଲା। ଏହି ଓଭରରେ ତଓ୍ବେତିଆ ମୋଟ ୮ ରନ ଦେଇଥିଲେ। ଏହି ଓଭରରେ ତଓ୍ବେତିଆ କ୍ରମାଗତ ତିନିଟି ଓ୍ବାଇଡ୍ ବଲ ବୋଲିଂ କରିଥିଲେ। ତଓ୍ବେତିଆ ଓଭର ଏହିପରି ଥିଲା .. ୦, ୦, ନୋ ବଲ୍, ୧,୨, ଓ୍ବାଇଡ୍, ଓ୍ବାଇଡ୍, ଓ୍ବାଇଡ୍,୧ ଏବଂ ୦।
ଡ୍ବେନ ବ୍ରାଭୋ: ଇଣ୍ଡିଜ୍ ଅଲରାଉଣ୍ଡର ଡ୍ବେନ ବ୍ରାଭୋ ୨୦୨୧ରେ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳୁଥିବା ବେଳେ ରାଜସ୍ଥାନ ରୟାଲ୍ସ ବିପକ୍ଷରେ ଏକ ଲଜ୍ଜାଜନକ ବୋଲିଂ କରିଥିଲେ। ବ୍ରାଭୋ ଏହି ଓଭରରେ ୪ଟି ଓ୍ବାଇଡ୍ ବଲ ବୋଲିଂ କରିଥିଲେ। ତେବେ ବ୍ରାଭୋ ଏହି ଓଭରରେ ମାତ୍ର ୬ ରନ ଦେଇଥିଲେ। ବ୍ରାଭୋଙ୍କ ଓଭର ଏହିପରି ଥିଲା .. ଓ୍ବାଇଡ୍, ଓ୍ବାଇଡ୍, ୦, ୦, ୧,୦,୧, ଓ୍ବାଇଡ୍, ଓ୍ବାଇଡ୍, ୦।
