ନୂଆଦିଲ୍ଲୀ,୧୦।୫: ଆଇପିଏଲ ୨୦୨୪ର ୫୮ତମ ମ୍ୟାଚ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ଖେଳାଯାଇଥିଲ। ବେଙ୍ଗାଲୁରୁ ପଞ୍ଜାବ ବିପକ୍ଷରେ ଅତି ସହଜରେ ଏବଂ ବିପୁଳ ବ୍ୟବଧାନରେ ଜିତିଥିଲା। ଏଥିରେ ବିରାଟ କୋହଲି ରୟାଲ ଚ୍ୟାଲେଞ୍ଜର୍ସ ପାଇଁ ଚମତ୍କାର ବ୍ୟାଟିଂ କରିଥିବାବେଳେ ରିଲେ ରୋସୋ ପଞ୍ଜାବ କିଙ୍ଗ୍ସ ପାଇଁ ମଧ୍ୟ ଚମତ୍କାର ବ୍ୟାଟିଂ କରିଥିଲେ। କିନ୍ତୁ ଆଲୋଚନାର ବିଷୟ ଉଭୟଙ୍କ ସେଲିବ୍ରେସନ ଥିଲା। ବିରାଟ କୋହଲି ନିଜ ଶୈଳୀରେ ରିଏଲ ରୋସୋଙ୍କ ସେଲିବ୍ରେସନ୍କୁ ଜବାବ ଦେଇଥିଲେ।
ତାଙ୍କ ଇନିଂସ ସମୟରେ ଅର୍ଦ୍ଧଶତକ ପୂରଣ କରିବା ପରେ, ରୋସୋ ବ୍ୟାଟ୍କୁ ବନ୍ଧୁକ ଭଳି ଉପରକୁ ଦେଖାଇଥିଲେ। ସେ ଆଉଟ୍ ପରେ କୋହଲି ମଧ୍ୟ ସେଭଳି ସେଲିବ୍ରେସନ୍ କରିଥିଲେ।ଏହି ଦୃଶ୍ୟ ପଡ଼ିଆରେ ବହୁତ ରୋମାଞ୍ଚକର ଥିଲା।
ବେଙ୍ଗାଲୁରୁ ବିପକ୍ଷରେ ରିଏଲ ରୋସୋଙ୍କ ବିସ୍ଫୋରକ ଇନିଂସ
ପଞ୍ଜାବ ପାଇଁ ଟାର୍ଗେଟକୁ ପିଛା କରିବା ବେଳେ ରିଏଲ ରୋସୋ ଚମତ୍କାର ବ୍ୟାଟିଂ କରିଥିଲେ। ସେ ୨୨୫.୯୩ର ଷ୍ଟ୍ରାଇକ ରେଟ୍ରେ ୨୭ ବଲରେ ୬୧ ରନ ସ୍କୋର କରିଥିଲେ। ଏଥିରେ ସେ ୯ ଚୌକା ଏବଂ ୩ ଛକା ମାରିଥିଲେ।
ବିରାଟ କୋହଲିଙ୍କ ବ୍ୟାଟିଂ ମଧ୍ୟ ବିସ୍ଫୋରକ ଥିଲା। ସେ ୧୯୫.୭୪ର ଷ୍ଟ୍ରାଇକ ରେଟ୍ରେ ୪୭ ବଲରେ ୯୨ ରନ ସଂଗ୍ରହ କରିଥିଲେ।
Virat Kohli's celebration on Rossouw's wicket.😂😭♥️ pic.twitter.com/cmwehKyITA
— Ishita❤️ (@ishi_178) May 9, 2024
