Posted inଖେଳ

ୟୁଏଇରେ ଆଇପିଏଲ୍‌ ୨୦୨୦: ଏକ ନୀରବ ମରୁ ଝଡ଼

ଦୁବାଇ,୨୦।୯(ପି.ଟି.): କୋଭିଡ୍‌-୧୯ ମହାମାରୀର ପ୍ରକୋପ ଜାରି ରହିବା ସତ୍ତ୍ୱେ ଭାରତୀୟ କ୍ରିକେଟ ପ୍ରତ୍ୟାବର୍ତ୍ତନ କରିଛି। ଏହା ଭାରତ ବଦଳରେ ୟୁନାଇଟେଡ ଆରବ ଏମିରେଟ୍ସ (ୟୁଏଇ)ରେ ସମ୍ଭବ ହୋଇଛି। ତେବେ ମହାମାରୀ କାରଣରୁ ବାୟୋ- ବବଲ ଓ ଫାଙ୍କା ଷ୍ଟାଡିୟମ ଯୋଗୁ ଆଇପିଏଲ୍‌ର ଆରମ୍ଭ ସେତେଟା ଚମକପ୍ରଦ ହୋଇନାହିଁ। ୮୦ ଓ ୯୦ ଦଶକରେ ଶାରଜାରେ ଯେଉଁଭଳି କ୍ରିକେଟର କ୍ରେଜ୍‌ ଥିଲା ଏଥର ଆଇପିଏଲରେ ତାହା ପରିଲକ୍ଷିତ ହୋଇନାହିଁ। କିନ୍ତୁ ଆଇପିଏଲ୍‌ ଆଗାମୀ ଦିନରେ ମରୁଭୂମିର ନୀରବ ଝଡ ସାବ୍ୟସ୍ତ ହେବ। ବିଶ୍ୱର ସବୁ ତାରକା ତଥା ଶ୍ରେଷ୍ଠ କ୍ରିକେଟର ୟୁଏଇରେ ଏକାଠି ହୋଇଛନ୍ତି।
ମ୍ୟାଚ୍‌ ଖେଳିବା ଓ ଟ୍ରେନିଂ ସେସନରେ ଅଂଶଗ୍ରହଣ କରିବା ବ୍ୟତୀତ ଖେଳାଳିମାନେ ବାହାରକୁ ବାହାରିପାରିବେ ନାହିଁ। ୩ଟି ଯାକ ଭେନ୍ୟୁରେ କୌଣସି ଦର୍ଶକ ମ୍ୟାଚ୍‌ ଦେଖିପାରିବେ ନାହିଁ। ଗତ ଦୁଇ ଦଶନ୍ଧି ହେବ ଶାରଜାରେ କ୍ରିକେଟ ଓ ସେଲିବ୍ରିଟିଙ୍କର ଅପୂର୍ବ ମିଳନ ଦେଖିବାକୁ ମିଳିଛି। ୨୦୧୪ରେ ଦେଶରେ ସାଧାରଣ ନିର୍ବାଚନ କାରଣରୁ ଆଇପିଏଲର ପ୍ରଥମ ଅର୍ଦ୍ଧେକ ମ୍ୟାଚ୍‌ ୟୁଏଇରେ ଖେଳାଯାଇଥିଲା। ଶାରଜାରେ ସେତେବେଳେ ୬ଟି ମ୍ୟାଚ୍‌ ଖେଳାଯାଇଥିଲା। ତେବେ ଏଥର ୫୬ଟିରୁ ୧୨ଟି ମ୍ୟାଚ୍‌ ଶାରଜାରେ ଖେଳାଯିବ। ବାକି ମ୍ୟାଚ୍‌ ଦୁବାଇ ଓ ଆବୁଧାବିରେ ଖେଳାଯିବ।
ପୂର୍ବରୁ ଶାରଜାରେ ଭାରତ ଓ ପାକିସ୍ତାନ ମଧ୍ୟରେ ଖେଳାଯାଉଥିବା ମ୍ୟାଚ୍‌ ବେଶ୍‌ ରୋମାଞ୍ଚକ ହେଉଥିଲା। ମ୍ୟାଚ୍‌ ଦେଖିବା ପାଇଁ ଷ୍ଟାଡିୟମ ପୂରା ଉତ୍ସବମୁଖର ହୋଇ ଉଠୁଥିଲା। କିନ୍ତୁ ଆଇପିଏଲ୍‌ରେ ଏଥର ସେଭଳି ଚମକ ଦେଖିବାକୁ ମିଳିବନି। ଦର୍ଶକଙ୍କ ଅନୁପସ୍ଥିତିରେ ଫାଙ୍କା ଷ୍ଟାଡିୟମରେ ସେଭଳି ରୋମାଞ୍ଚ ଦେଖିବାକୁ ମିଳିବ ନାହିଁ। ଏହାପୂର୍ବରୁ ୨୦୧୮ରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ୟୁଏଇରେ ଏସିଆ କପ୍‌ ଆୟୋଜନ କରିଥିଲା। ଶାରଜାରେ ମ୍ୟାଚ୍‌ ଖେଳାଯାଇ ନ ଥିଲା। ଏଥର ମଧ୍ୟ ଶାରାଜାରେ ଅଧିକ ମ୍ୟାଚ୍‌ ଖେଳାଯିବନାହିଁ। ଦୁବାଇରେ ୨୪ ଓ ଆବୁଧାବିରେ ୨୦ଟି ମ୍ୟାଚ୍‌ ଆୟୋଜନ ହେବ।
ଫାଙ୍କା ଷ୍ଟାଡିୟମରେ ଖେଳାଳିଙ୍କ ଉତ୍ସାହ କମିବ ନାହିଁ ବୋଲି ହାଇଦ୍ରାବାଦ ମେଣ୍ଟର ଭିଭିଏସ୍‌ ଲକ୍ଷ୍ମଣ କହିଛନ୍ତି। ବିଶ୍ୱର ଶ୍ରେଷ୍ଠ ଖେଳାଳିମାନେ ଏଠାରେ ଅଂଶଗ୍ରହଣ କରୁଥିବାରୁ ସେମାନଙ୍କୁ ମୋଟିଭେଶନର ଆବଶ୍ୟକତା ନାହିଁି ବୋଲି ସେ କହିଛନ୍ତି। ସେହିପରି ଜଣେ ପେସାଦାର ଖେଳାଳି ପାଇଁ ଦର୍ଶକଙ୍କ ଉପସ୍ଥିତି ଓ ଅନୁପସ୍ଥିତି ଫରକ ଆଣିବ ନାହିଁ ବୋଲି ପୂର୍ବତନ ପାକିସ୍ତାନ ଖେଳାଳି ଜାଭେଦ ମିଆଁଦାଦ କହିଛନ୍ତି। ଶାରଜାରେ ଖେଳିବାକୁ ଭଲ ଲାଗିଥାଏ ଓ ଏଠାରେ କ୍ରିକେଟକୁ ନେଇ ପ୍ରବଳ ଉତ୍ସାହ ରହିଛି ବୋଲି ଦିଲ୍ଲୀ କ୍ୟାପିଟାଲ୍ସ ହେଡ୍‌ କୋଚ୍‌ ରିକି ପଣ୍ଟିଂ କହିଛନ୍ତି।
ତେବେ ଦର୍ଶକଙ୍କ ଅନୁପସ୍ଥିତିରେ ଖେଳିବା ନିଶ୍ଚିତ ଭାବେ କଷ୍ଟକର ବୋଲି ପୂର୍ବତନ କ୍ରିକେଟର ଦିଲୀପ ଭେଙ୍ଗସରକାର ମତ ଦେଇଛନ୍ତି। ତେବେ ଏଥର ପରିସ୍ଥିତି ଅଲଗା। ତେଣୁ ଫାଙ୍କା ଷ୍ଟାଡିୟମରେ ଖେଳିବାକୁ ପଡିବ ଓ ଖେଳାଳିମାନଙ୍କୁ ନିଜର ଦକ୍ଷତା ପ୍ରମାଣ କରିବାକୁ ପଡିବ। ମ୍ୟାଚ୍‌ ଫିକ୍ସିଂ ଓ ଅଣ୍ଡରଓ୍ବାଲର୍‌ଡର ପ୍ରଭାବ କାରଣରୁ ଶାରଜାରେ କ୍ରିକେଟ ବେଶ୍‌ ବଦ୍‌ନାମ ହୋଇଥିଲା। କିନ୍ତୁ ଏପର୍ଯ୍ୟନ୍ତ କୌଣସି ଅଭିଯୋଗ ପ୍ରମାଣିତ ହୋଇନାହିଁ ବୋଲି ଆୟୋଜକମାନେ କହିଛନ୍ତି। କୌଣସି ମ୍ୟାଚ୍‌, ବ୍ୟକ୍ତି, ଖେଳାଳି, ଅମ୍ପାୟର ଦୋଷୀ ସାବ୍ୟସ୍ତ ହୋଇନାହାନ୍ତି ବୋଲି କୁହାଯାଇଛି। ଆଇପିଏଲ୍‌ ଆରମ୍ଭ ହେବା ପରେ ଆରବର ମରୁଭୂମିରେ ଏବେ କ୍ରିକେଟର ଝଡ ଦେଖିବାକୁ ମିଳିବ ବୋଲି ଆଶା କରାଯାଉଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ମେଗା ଅକ୍ସନ ପୂର୍ବରୁ ବିସିସିଆଇ ସମ୍ମୁଖରେ ବଡ଼ ଦାବି ରଖିଲେ ସମସ୍ତ ଦଳ, ହୋଇପାରେ ହଙ୍ଗାମା !

ନୂଆଦିଲ୍ଲୀ,୨୪।୭: ଆଇପିଏଲ୍‌ ୨୦୨୫କୁ ଆହୁରି ଅନେକ ମାସ ଥିଲେ ହେଁ ଏବେଠାରୁ ଫ୍ରାଞ୍ଚାଇଜଗୁଡ଼ିକ ପ୍ରସ୍ତୁତି ଆରମ୍ଭ କରିଲେଣି। ନୂଆ ସିଜନ ପୂର୍ବରୁ ପୁଣିଥରେ ମେଗା ଅକ୍ସନ...

ଅଲଗା ହେବାପରେ ପ୍ରଥମଥର ନତାଶାଙ୍କ ଫଟୋରେ ଏମିତି କମେଣ୍ଟ ଦେଲେ ହାର୍ଦ୍ଦିକ ପାଣ୍ଡ୍ୟା

ନୂଆଦିଲ୍ଲୀ,୨୪।୭: କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଏବଂ ନତାଶା ଷ୍ଟାନକୋଭିକ ଶେଷରେ ଅଲଗା ହୋଇଯାଇଛନ୍ତି। ଇନଷ୍ଟାଗ୍ରାମ ପୋଷ୍ଟ ମାଧ୍ୟମରେ ଉଭୟ ଏନେଇ ସୂଚନା ଦେଇଛନ୍ତି। ନତାଶା ପୁଅ...

ସାରା ଜୀବନର ସାଥୀ ହେବେ ଏହି ୨ ମହିଳା କ୍ରିକେଟର୍‌: ସରିଲା ନିର୍ବନ୍ଧ

ନୂଆଦିଲ୍ଲୀ,୨୪।୭: ଇଂଲଣ୍ଡର ଉଇକେଟ କିପର-ବ୍ୟାଟ୍ସମ୍ୟାନ ଆମି ଜୋନ୍ସ ଏବଂ ଅଷ୍ଟ୍ରେଲୀୟ ବୋଲର ପିପ୍ପା କ୍ଲିରିଙ୍କ ନିର୍ବନ୍ଧ ସମ୍ପନ୍ନ ହୋଇଛି। ଦୁହେଁ ଦୀର୍ଘ ଦିନ ଧରି ପରସ୍ପରକୁ...

‘ଟେଷ୍ଟ ମ୍ୟାଚ୍‌ର ଗୋଟିଏ ଦିନରେ ୬୦୦ ରନ୍‌ କରିବୁ’

ନୂଆଦିଲ୍ଲୀ,୨୪।୭: ଇଂଲଣ୍ଡ ଟିମ୍‌ ଟେଷ୍ଟ କ୍ରିକେଟରେ ଗୋଟିଏ ଦିନରେ ୬୦୦ ରନ୍‌ କରିପାରେ। ଏଭଳି ଦମ୍ଭୋକ୍ତି ପ୍ରକାଶ କରିଛନ୍ତି ଦଳର ବ୍ୟାଟ୍ସମ୍ୟାନ୍‌ ଓଲି ପୋପ୍‌। ତେବେ...

ଆଇପିଏଲ୍‌ ୨୦୨୫ ପୂର୍ବରୁ ଗୁଜରାଟ ଟାଇଟନ୍ସକୁ ଲାଗିବ ଆଉ ଏକ ଝଟ୍‌କା? ପ୍ରୀତି ଜିଣ୍ଟାଙ୍କ ସହ ନୂଆ ପ୍ରୋଜେକ୍ଟରେ…

ନୂଆଦିଲ୍ଲୀ,୨୪।୭: ଆଇପିଏଲ୍‌ ୨୦୨୫ରେ ଅନେକ ପରିବର୍ତ୍ତନ ଦେଖିବାକୁ ମିଳିପାରେ। ଟୁର୍ନାମେଣ୍ଟ ଆରମ୍ଭ ହେବାକୁ ଅନେକ ମାସ ଥିଲେ ହେଁ ଏବେଠାରୁ କିଛି ଖେଳାଳିଙ୍କ ଦଳଡିଆଁ ଖବର...

‘ରୋହିତ ଖେଳିବା ଉଚିତ ନୁହେଁ, ସେ ବେହୋସ୍‌ ହୋଇଯିବେ’

ନୂଆଦିଲ୍ଲୀ,୨୪।୭: ଟିମ୍‌ ଇଣ୍ଡିଆର ନୂଆ ହେଡ୍‌ କୋଚ୍‌ ଗୌତମ ଗମ୍ଭୀର ନିକଟରେ ରୋହିତ ଶର୍ମା ଏବଂ ବିରାଟ କୋହଲିଙ୍କୁ ନେଇ ଏଭଳି କଥା କହିଥିଲେ ,...

ବିସିସିଆଇ ବିପକ୍ଷରେ ଆସିଲା ଏହି ଦେଶ: ପାକିସ୍ତାନ ଯିବାକୁ ପ୍ରସ୍ତୁତ

ନୂଆଦିଲ୍ଲୀ,୨୪।୭:ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ର ଆୟୋଜକ ଦେଶ ହେଉଛି ପାକିସ୍ତାନ। ଏହି ଟୁର୍ନାମେଣ୍ଟର ତାରିଖ ଘୋଷଣା କରାଯାଇଛି। କିନ୍ତୁ ବିସିସିଆଇ କହିଛି ଯେ, ପାକିସ୍ତାନରେ ସୁରକ୍ଷା...

ଜାରି ହେଲା ଆଇସିସି ଟେଷ୍ଟ ରାଙ୍କିଙ୍ଗ୍‌, ତଳକୁ ଖସିଲେ ରୋହିତ

ନୂଆଦିଲ୍ଲୀ,୨୪।୦୭: ଇଂଲଣ୍ଡ ଏବଂ ୱେଷ୍ଟଇଣ୍ଡିଜ୍‌ ମଧ୍ୟରେ ଖେଳା ଯାଇଥିବା ଦ଼୍ବିତୀୟ ଟେଷ୍ଟ ମ୍ୟାଚ୍‌ ପରେ ଆଇସିସି ପକ୍ଷରୁ ଟେଷ୍ଟ ମାନ୍ୟତା ଜାରି କରାଯାଇଛି । ଇଂଲଣ୍ଡର...

Advertisement
Mettle Meet 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri