ସନରାଇଜର୍ସ ହାଇଦ୍ରାବାଦ ଅଧିନାୟକ ଡେଭିଡ ୱାର୍ନର ଇଣ୍ଡିଆନ ପ୍ରିମିୟର ଲିଗର ସର୍ବଶ୍ରେଷ୍ଠ ବ୍ୟାଟ୍ସମ୍ୟାନଙ୍କ ମଧ୍ୟରୁ ଅନ୍ୟତମ। ରବିବାର ଖେଳାଯାଇଥିବା କୋଲକାତା ନାଇଟ ରାଇଡର୍ସ ବିପକ୍ଷ ମ୍ୟାଚ୍ରେ ଡେଭିଡ ୱାର୍ଣ୍ଣର ଆଉ ଏକ ସଫଳତା ହାସଲ କରିଛନ୍ତି। ସେ ଆଇପିଏଲରେ ୫ ହଜାର ରନ ପୂରଣ କରି ବିରାଟ କୋହଲିଙ୍କ ରେକର୍ଡ ଭାଙ୍ଗିଥିଲେ। ଡେଭିଡ ୱାର୍ନର କୋଲକାତା ନାଇଟ ରାଇଡର୍ସ ବିପକ୍ଷରେ ଅପରାଜିତ ୪୭ ରନ କରିଥିଲେ ଏବଂ ଏହି ସମୟ ମଧ୍ୟରେ ସେ ୫ ହଜାର ଆଇପିଏଲ ରନ ମଧ୍ୟ ପୂରଣ କରିଥିଲେ। ଡେଭିଡ ୱାର୍ନର ମାତ୍ର ୧୩୫ ଇନିଂସରେ ଏହି ସଫଳତା ପାଇଛନ୍ତି। ଓ୍ବାର୍ନରଙ୍କ ପୂର୍ବରୁ ବିରାଟ କୋହଲି ୧୫୭ଟି ଇନିଂଶ ଖେଳି ଏହି ସଫଳତା ପାଇଥିଲେ। ଆଇପିଏଲ ଇତିହାସର ସର୍ବନିମ୍ନ ଇନିଂସ ଖେଳି ୫ ହଜାର ରନ ପୂରଣ କରିଥିବା ଖେଳାଳିଙ୍କ ତାଳିକାର ଶୀର୍ଷରେ ଡେଭିଡ ୱାର୍ଣ୍ଣର ଅଛନ୍ତି। ଆଇପିଏଲ ଇତିହାସରେ କେବଳ ୪ ବ୍ୟାଟ୍ସମ୍ୟାନ ୫ ହଜାର ରନ ସଂଗ୍ରହ କରିଛନ୍ତି। ବିରାଟ କୋହଲିଙ୍କ ବ୍ୟତୀତ ସୁରେଶ ରାଇନା ଏବଂ ରୋହିତ ଶର୍ମା ଏହି ଉପଲବ୍ଧି ହାସଲ କରିଛନ୍ତି। ସେହିପରି ଆଇପିଏଲରେ ୫ ହଜାର ରନ ସ୍କୋର କରିଥିବା ୱାର୍ଣ୍ଣର ହେଉଛନ୍ତି ପ୍ରଥମ ବିଦେଶୀ ଖେଳାଳି।
