ହିଞ୍ଜିଳିକାଟୁ,୧୮ା୬(ଡି.ଏନ୍.ଏ.): ଗଞ୍ଜାମ ଜିଲା ହିଞ୍ଜିଳି ଥାନା ଦୟାପଲ୍ଲୀ- ମହୁଲପଲ୍ଲୀ ମଧ୍ୟବର୍ତ୍ତୀ ରାସ୍ତା ଖାରିଆନାଳ ପୋଲ ତଳୁ ଜଣେ କ୍ଷତାକ୍ତ ଯୁବକଙ୍କୁ ଶନିବାର ସକାଳେ ହିଞ୍ଜିଳି ପୋଲିସ ଉଦ୍ଧାର କରିଛି। ଆହତ ଜଣଙ୍କ ଗୋପାଳପୁର ଥାନା ବାହାଦୁରପେଟା ଗାଁର ଦିଲ୍ଲୀପ କୁମାର ବେହେରା (୩୨)। ଶୁକ୍ରବାର ବିଳମ୍ବିତ ରାତିରେ କିଛି ବ୍ୟକ୍ତି ତାଙ୍କୁ ଆକ୍ରମଣ କରିଥିବା ସନ୍ଦେହ କରାଯାଉଛି। ରାସ୍ତା ଛିନ୍ତାଇ ନିମନ୍ତେ କେହି ଦୁର୍ବୃତ୍ତ ଏପରି ଘଟାଇଛନ୍ତି କିମ୍ବା ରାସ୍ତା ଦୁର୍ଘଟଣାରୁ ଏପରି ଘଟିଛି ତାହା ସ୍ପଷ୍ଟ ହୋଇନାହିଁ। ଆହତ ଯୁବକଙ୍କୁ ଉଦ୍ଧାର ପରେ ଚିକିତ୍ସା ପାଇଁ ବ୍ରହ୍ମପୁର ବଡ଼ ଡାକ୍ତରଖାନାକୁ ପଠାଇ ପୋଲିସ ଘଟଣାର ତଦନ୍ତ ଚଳାଇଥିବା ଥାନାଧିକାରୀ ଅଭିମନ୍ୟୁ ଦାସ କହିଛନ୍ତି।
