ଦୁବାଇ,୨୨।୧୦:ଆଇପିଏଲ୍ ୨୦୨୦ରେ ଚେନ୍ନାଇ ସୁପର କିଙ୍ଗ୍ସ ପ୍ରାୟତଃ ପ୍ଲେ-ଅଫ୍ ଦୌଡରୁ ବାଦ୍ ପଡିଛି। ଦଳକୁ ଏବେ ଆଉ ଏକ ଝଟକା ଲାଗିଛି। ଆଘାତ ଯୋଗୁ ଷ୍ଟାର ଅଲରାଉଣ୍ଡର ଡ୍ବେନ ବ୍ରାଭୋଙ୍କୁ ଚଳିତ ଆଇପିଏଲରୁ ବାଦ ପଡିଛନ୍ତି। ବାଦ୍ ପଡିବା ପରେ ବ୍ରାଭୋ ଚେନ୍ନାଇ ପ୍ରଶଂସକଙ୍କୁ ଏକ ଭାବପ୍ରବଣ ଅପିଲ୍ କରିଛନ୍ତି। ସିଏସ୍କେ ଫ୍ରାଞ୍ଚାଇଜର ଟୁଇଟର୍ ହ୍ୟାଣ୍ଡେଲରେ ଅପଲୋଡ ହୋଇଥିବା ଏକ ଭିଡିଓ ବାର୍ତ୍ତାରେ ବ୍ରାଭୋ କହିଛନ୍ତି ଯେ ଏହା ଏକ ଖରାପ ଖବର। ଏହି ସମୟରେ ଦଳ ଛାଡିବା ଖରାପ ଲାଗୁଛି। ସେ କହିଛନ୍ତି ଯେ ଆମେ ଏଭଳି ପ୍ରଦର୍ଶନ ଆଶା କରିନ ଥିଲୁ ଏବଂ ଆମର ସମର୍ଥକମାନେ ମଧ୍ୟ ଏହା ଚାହୁଁ ନ ଥିଲେ କିନ୍ତୁ ଆମେ ଯଥାସମ୍ଭବ ଚେଷ୍ଟା କରିଛୁ। ଆମକୁ ସମର୍ଥନ ଜାରି ରଖନ୍ତୁ ଏବଂ ମୁଁ ଗ୍ୟାରେଣ୍ଟି ଦେଉଛି ଯେ ଆମେ ଚାମ୍ପିୟନ୍ ଭଳି ଫେରିବୁ।
ସୂଚନାଯୋଗ୍ୟ, ଆଘାତ କାରଣରୁ ୩୭ ବର୍ଷୀୟ ବ୍ରାଭୋ ଅକ୍ଟୋବର ୧୭ରେ ଶାରଜାଠାରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚରେ ଶେଷ ଓଭର ବୋଲିଂ କରିବାରେ ଅସମର୍ଥ ହୋଇଥିଲେ। ଏହା ପରେ ଚେନ୍ନାଇ ଅଧିନାୟକ ମହେନ୍ଦ୍ର ସିଂ ଧୋନିଙ୍କୁ ରବିନ୍ଦ୍ର ଜାଡେଜାଙ୍କୁ ଶେଷ ଓଭର ବୋଲିଂ କରିବାକୁ ଦେଇଥିଲେ। ଏହି ଓଭରରେ ଜାଡେଜା ତିନିଟି ଛକା ଖାଇଥିଲେ ଏବଂ ଚେନ୍ନାଇ ମ୍ୟାଚ ହାରିଥିଲା। ଚଳିତ ଆଇପିଏଲ୍ରେ ଚେନ୍ନଇ ୧୦ଟି ମ୍ୟାଚ୍ ଖେଳି ୭ଟିରେ ପରାଜୟ ଲାଭ କରିଛି। ଦଳ ଏବେ ପଏଣ୍ଟ ଟେବୁଲ ଶେଷରେ ଅଛି।
Champion's message to the Super Fans as he bids adieu. Take care DJ! @DJBravo47 #Yellove 🦁💛 pic.twitter.com/pHFnkHLQzq
— Chennai Super Kings (@ChennaiIPL) October 21, 2020
