Posted inଖେଳ

ଇଣ୍ଡିଆନ ସୁପର ଲିଗ୍‌: ମୁମ୍ବାଇ ସିଟି- ନର୍ଥ ଇଷ୍ଟ ୟୁନାଟେଡ୍‌ ମୁକାବିଲା

ଭାସ୍କୋ,୨୧।୧୧(ପି.ଟି.): ଶୁକ୍ରବାରଠାରୁ ଆରମ୍ଭ ହୋଇଥିବା ହାଇପ୍ରୋଫାଇଲ ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌)ର ଦ୍ୱିତୀୟ ମ୍ୟାଚରେ ମୁମ୍ବାଇ ସିଟି ଓ ନର୍ଥ ଇଷ୍ଟ ୟୁନାଇଟେଡ ପରସ୍ପରକୁ ଭେଟିବେ। ଶନିବାର ଖେଳାଯିବାକୁ ଥିବା ଏହି ମ୍ୟାଚ୍‌ ଜିତି ବିଜୟରୁ ଅଭିଯାନ ଆରମ୍ଭ କରିବା ଲକ୍ଷ୍ୟରେ ରହିଛି।
ମୁମ୍ବାଇ ଦଳରେ ଏଥର ୧୯ଜଣ ନୂଆ ଖେଳାଳି ସାମିଲ ହୋଇଛନ୍ତି। ସ୍ପାନିଶ୍‌ କୋଚ୍‌ ସର୍ଗିଓ ଲୋବେରାଙ୍କ ତତ୍ତ୍ୱାବଧାନରେ ଏଥର ସଂସ୍କରଣରେ ଦମ୍‌ଦାର ପ୍ରଦର୍ଶନ କରି ମୁମ୍ବାଇ ପ୍ରଥମ ଆଇଏସ୍‌ଏଲ୍‌ ଟାଇଟଲ ହାସଲ ଲକ୍ଷ୍ୟେ ର ରହିଛି। ମୁମ୍ବାଇ ପୂର୍ବରୁ କେବେବି ଏହି ଟୁର୍ନାମେଣ୍ଟରେ ଚାମ୍ପିୟନ ହୋଇପାରି ନାହିଁ। ନୂଆ କୋଚ୍‌ ଲୋବେରାଙ୍କ ତତ୍ତ୍ୱାବଧାନରେ ମୁମ୍ବାଇର ଭାଗ୍ୟ ବଦଳିବ ବୋଲି ଆଶା କରାଯାଉଛି। ପୂର୍ବରୁ ଲୋବେରା ଏଫ୍‌ସି ଗୋଆକୁ ୨୦୧୯ରେ ସୁପର କପ୍‌ ଚାମ୍ପିୟନ କରାଇଥିଲେ। ଆକ୍ରମଣାତ୍ମକ ଫୁଟବଲ ଉପରେ ଲୋବେରା ଗୁରୁତ୍ୱ ଦେଇଛନ୍ତି। ଏ ନେଇ ସେ ପ୍ରି- ସେସନ ମିଡିଆ ମିଟ୍‌ରେ ସ୍ପଷ୍ଟ କରିଛନ୍ତି। ଆକ୍ରମଣାତ୍ମକ ଓ ରକ୍ଷଣାତ୍ମକ ଖେଳ ମଧ୍ୟରେ ଦଳ ସନ୍ତୁଳନ ରକ୍ଷା କରିବା ଉଚିତ୍‌ ବୋଲି ସେ କହିଛନ୍ତି। ଆକ୍ରମଣାତ୍ମକ ଫୁଟବଲ ଖେଳିବା ଅଧିକ ଗୁରୁତ୍ୱପୂର୍ଣ୍ଣ। ତେବେ ଫୁଟବଲରେ ଆଟାକ ଓ ଡିଫେନ୍ସ, ଉଭୟର ସନ୍ତୁଳନ ଆବଶ୍ୟକ ଲୋବେରା କହିଛନ୍ତି। ମୁମ୍ବାଇ ଦଳରେ ଦୁଇଜଣ ଭଲ ଷ୍ଟ୍ରାଇକର ବାର୍ଥୋଲୋମିୟୁ ଓଗବେଚେ ଓ ଆଡାମ ଲି ଫୋନ୍ଦ୍ରେ ରହିଛନ୍ତି। ପ୍ରତିପକ୍ଷ ଦଳ ପାଇଁ ଏହି ଦୁଇ ଷ୍ଟ୍ରାଇକ ନିର୍ଣ୍ଣାୟକ ସାବ୍ୟସ୍ତ ହେବେ। ଦଳରେ ଅହମେଦ ଜାହୋଉ, ଇଂଲଣ୍ଡ ଜନ୍ମିତ ଜାପାନୀ ଖେଳାଳି ସି ଗୋଡାର୍ଡ ମଧ୍ୟ ସାମିଲ ହୋଇଛନ୍ତି। କାଉଣ୍ଟର ଆଟାକ ଉପରେ ଅଧିକ ଗୁରୁତ୍ୱ ଦେବୁ ବୋଲି ମୁମ୍ବାଇ ଗୋଲକିପର ଅମରିନ୍ଦର ସିଂ କହିଛନ୍ତି। ଦଳରେ ଫାରୁକ ଚୌଧୁରୀ, ହୁଗୋ ବୌମୋସ, ହେର୍ନାନ ସାଣ୍ଟାନ, ରେନିଏର ଫର୍ନାଣ୍ଡିଜ, ରୋଲିନ ବୋର୍ଗେସ ଓ ପ୍ରାଞ୍ଜଳ ଭୂମିଜ ଓ ଅନ୍ୟମାନେ ରହିଛନ୍ତି। ଫଳରେ ଲୋବେରାଙ୍କ ନିକଟରେ ଏକାଧିକ ବିକଳ୍ପ ରହିଛି। ମନ୍ଦାର ରାଓ ଦେଶାଇ ସାମିଲ ହେବା ପରେ ଦଳର ଡିଫେନ୍ସ ଆହୁରି ଶକ୍ତିଶାଳୀ ହୋଇଛି। ସାର୍ଥକ ଗୁଲଉଇ, ସେନେଗାଲର ମୌର୍ଟାଡା ଫଲ୍‌ ଓ ମହମ୍ମଦ ରାକିପ ଆଟାକିଂ ଲାଇନ- ଅପ୍‌କୁ ଆହୁରି ଦୃଢ କରିବେ।
ଅପରପକ୍ଷରେ ନୂଆ କୋଚ୍‌ ଗେରାର୍ଡ ନୁସ୍‌ଙ୍କ ତତ୍ତ୍ୱାବଧାନରେ ନର୍ଥଇଷ୍ଟ ୟୁନାଇଟେଡ ଏକ ନୂଆ ଆରମ୍ଭ ଲକ୍ଷ୍ୟରେ ରହିଛି। ଗତ ସଂସ୍କରଣରେ ନର୍ଥଇଷ୍ଟ ଭଲ ପ୍ରଦର୍ଶନ କରିପାରି ନ ଥିଲା। ଦଳରେ ସାମିଲ ଥିବା ବିଦେଶୀ ଖେଳାଳିମାନେ ଭଲ ପ୍ରଦର୍ଶନ କରିବେ ବୋଲି ଆଶା କରାଯାଉଛି। ପୂର୍ବତନ ଆଣ୍ଡେରଲେଚ୍‌ ଓ କୁଇନ୍ସ ପାର୍କ ରେଞ୍ଜର୍ସ ଷ୍ଟ୍ରାଇକର ଇଡ୍ରିସା ସିଲା ଓ ପୂର୍ବତନ ଘାନା ଅନ୍ତର୍ଜାତୀୟ ଖେଳାଳି କ୍ୱୋସି ଆପାଇଆଙ୍କ ଉପରେ ଦଳ ନିର୍ଭରଶୀଳ ହେବ। ଷ୍ଟାଡିୟମରେ ଦର୍ଶକଙ୍କ ଅନୁପସ୍ଥିତି ସତ୍ତ୍ୱେ ଏହି ମ୍ୟାଚ୍‌ ରୋମାଞ୍ଚକ ହେବ ବୋଲି ଆଶା କରାଯାଉଛି।
ସ୍ଥାନ: ତିଳକ ମଇଦାନ ଷ୍ଟାଡିୟମ, ଭାସ୍କୋ ଡା ଗାମା (ଗୋଆ)
ସମୟ: ସନ୍ଧ୍ୟା ୭.୩୦
ପ୍ରସାରଣ: ଷ୍ଟାର ସ୍ପୋଟର୍‌ସ ନେଟ୍‌ଓ୍ବର୍କ


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଫାଇନାଲରେ ପ୍ଲିସ୍କୋଭା-କର୍ବର

ଇଷ୍ଟବୋର୍ନ(ଇଂଲଣ୍ଡ),୨୯।୬(ଏଏଫ୍‌ପି)- ଏଠାରେ ଚାଲିଥିବା ଇଷ୍ଟବୋର୍ନ ଡବ୍ଲ୍ୟୁଟିଏ ଟେନିସ ଟୁର୍ନାମେଣ୍ଟ ଫାଇନାଲରେ ବିଶ୍ୱର ୩ୟ ର଼୍ୟାଙ୍କ ମହିଳା ସିଙ୍ଗଲ୍ସ ଖେଳାଳି କାରୋଲିନା ପ୍ଲିସ୍କୋଭା ଓ ଓ୍ବିମ୍ବେଲଡନ ଓପନ...

କନ୍‌ଫ୍ଲିକ୍ଟ ଅଫ୍‌ ଇଣ୍ଟରେଷ୍ଟର ସମ୍ମୁଖୀନ ହୋଇପାରନ୍ତି ମେରୀକମ୍‌

ନୂଆଦିଲ୍ଲୀ,୧୬।୮: ଚଳିତବର୍ଷ ବିଭିନ୍ନ ଖେଳ ପୁରସ୍କାର ପାଇଁ କ୍ରୀଡ଼ା ମନ୍ତ୍ରଣାଳୟ ଦ୍ୱାରା ଗଠିତ ହୋଇଥିବା ଚୟନ କମିଟି କାର୍ଯ୍ୟକାରିତା ଉପରେ ପ୍ରଶ୍ନ ଉଠିଛି। ଏହି କମିଟିରେ...

ପଦକ ବିଜେତା ଚିହ୍ନଟ ମୂଳ ଲକ୍ଷ୍ୟ: ହିଲିଏର

ଭୁବନେଶ୍ୱର,୨୧।୮(ସ୍ପୋଟର୍‌ସ ବ୍ୟୁରୋ): ପ୍ରତିଭା ଚିହ୍ନଟ ଓ ବିକାଶରେ ସ୍ଥାନୀୟ ରିଲାଏନ୍ସ ଫାଉଣ୍ଡେଶନ ଓଡ଼ିଶା ଆଥଲେଟିକ୍ସ ହାଇ ପରଫର୍ମାନ୍ସ ସେଣ୍ଟର (ଏଚ୍‌ପିସି) ଦୃଷ୍ଟାନ୍ତମୂଳକ ଭୂମିକା ଗ୍ରହଣ କରିଛି।...

ବକ୍ସିଂ ଡେ’ ଟେଷ୍ଟ: ଦୈନିକ ୩୦,୦୦୦ଦର୍ଶକଙ୍କୁ ଅନୁମତି

ମେଲବୋର୍ନ, ୧୧ା୧୨ (ପି.ଟି.)-ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁଥିବା ଆଇକନିକ ବକ୍ସିଂ ଡେ’ ଟେଷ୍ଟକୁ ଷ୍ଟାଡିୟମରେ ଦୈନିକ ୩୦,୦୦୦ ଦର୍ଶକ ଉପଭୋଗ କରିପାରିବେ। କୋଭିଡ୍‌ ଯୋଗୁ...

ହରଭଜନଙ୍କ ବୋଲିଂ ଶୈଳୀ କପି କଲେ କୋହଲି

ଇନ୍ଦୋର,୮।୧- ପୂର୍ବତନ ଭାରତୀୟ ସ୍ପିନର ହରଭଜନ ସିଂଙ୍କ ବୋଲିଂ ଶୈଳୀ ଅନ୍ୟ ସ୍ପିନରଙ୍କ ଅପେକ୍ଷା ସମ୍ପୂର୍ଣ୍ଣ ଭିନ୍ନ ଥିଲା। ଏକଥା କ୍ରିକେଟ ପ୍ରଶଂସକଙ୍କୁ ଜଣା। ତାଙ୍କର...

ବଲ୍‌ ବଦଳରେ ନେଟ୍‌ରେ ଝୁଲି ରହିଲେ ଖେଳାଳି, ଆଉ ତା’ ପରେ…

ଯେକୌଣସି ଖେଳ ସମୟରେ ଖେଳାଳିଙ୍କ ମଧ୍ୟରେ ଉତ୍ସାହ ବଢ଼ିବା ସ୍ବାଭାବିକ କଥା। ମାତ୍ର ଜଣେ ଖେଳାଳିଙ୍କ ଉତ୍ସାହ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏକ ବାସ୍କେଟ...

ଗୃହବନ୍ଦୀରୁ ମୁକ୍ତ ହେଲେ ରୋନାଲ୍ଡିିନୋ

ଆସନସିଅନ (ପାରାଗୁଏ), ୨୬ା୮(ଏପି)-ଅବସରପ୍ରାପ୍ତ ବ୍ରାଜିଲିଆନ ଫୁଟ୍‌ବଲ ଷ୍ଟାର ରୋନାଲ୍ଡିିନୋ ଗୃହବନ୍ଦୀରୁ ଖଲାସ ହୋଇଛନ୍ତି। ଜାଲ୍‌ ପାସ୍‌ପୋର୍ଟ ଜରିଆରେ ସେ ପାରାଗୁଏ ଯାଇଥିଲେ। ସେଠାରେ ଧରାପଡ଼ିବା ପରେ...

ଏହି ଅଭିନେତାଙ୍କ ଝିଅଙ୍କୁ ଡେଟ୍‌ କରୁଛନ୍ତି କେ.ଏଲ ରାହୁଲ

ଭାରତୀୟ କ୍ରିକେଟରମାନେ ବଲିଉଡ ସୁନ୍ଦରୀଙ୍କ ପ୍ରେମରେ ପଡ଼ିବା କିଛି ନୂଆ କଥା ନୁହେଁ। ପୂର୍ବରୁ ଅନେକ କ୍ରିକେଟର ବଲିଉଡ ଅଭିନେତ୍ରୀଙ୍କୁ ଭଲ ପାଇ ବିବାହ କରିଛନ୍ତି।...

Advertisement

BGU

Archives

Model This Week

Why Dharitri