ନୂଆଦିଲ୍ଲୀ, ୧୭।୧: ଭାରତୀୟ ଦଳର ଉଇକେଟ କିପର ସଞ୍ଜୁ ସାମସନ ବିଜୟ ହଜାର ଟ୍ରଫି ନ ଖେଳିବା ଚାମ୍ପିୟନ୍ସ ଟ୍ରଫି ଖେଳିବାରୁ ତାଙ୍କୁ ବଞ୍ଚିତ କରିପାରେ। ପୂର୍ବରୁ ବିସିସିଆଇ ଏହା ସ୍ପଷ୍ଟ କରିଛି ଯେ, ଜାତୀୟ ଟିମ୍ ସହିତ ଖେଳୁ ନ ଥିବା ସମୟରେ ଖେଳାଳୀମାନଙ୍କୁ ଘରୋଇ ଟୁର୍ଣ୍ଣାମେଣ୍ଟ ଖେଳିବାକୁ ପଡିବ। ଟାଇମ୍ସ ଅଫ ଇଣ୍ଡିଆ ରିପୋର୍ଟ ଅନୁଯାୟୀ ସଞ୍ଜୁ ବିଜୟ ହଜାର ଟ୍ରଫି ନ ଖେଳିବାରୁ ଭାରତୀୟ ଚୟନକର୍ତ୍ତା ଏଥିପାଇଁ ତାଙ୍କ ଉପରେ ଖୁସି ନାହାନ୍ତି। ଏହି ଟୁର୍ଣ୍ଣାମେଣ୍ଟ ପୂର୍ବରୁ ଅନୁପସ୍ଥିତ ରହିବା ନେଇ କେରଳ କ୍ରିକେଟ ବୋର୍ଡ଼କୁ ଜଣାଇଥିଲେ। ଯେଉଁଥିପାଇଁ ତାଙ୍କୁ ଦଳରେ ସାମିଲ କରାଯାଇ ନ ଥିଲା।
“ଚୟନକର୍ତ୍ତା ଏବଂ ବୋର୍ଡ ଘରୋଇ କ୍ରିକେଟର ଗୁରୁତ୍ୱ ଉପରେ ସ୍ପଷ୍ଟ ଅଛନ୍ତି। ଗତ ବର୍ଷ, ଇଶାନ କିଶାନ ଏବଂ ଶ୍ରେୟସ ଆୟର ଅନୁମତି ନ ନେଇ ଘରୋଇ ମ୍ୟାଚ୍ ନ ଖେଳିବାରୁ ବିସିସିଆଇ କେନ୍ଦ୍ରୀୟ ଚୁକ୍ତି ହରାଇଥିଲେ। ସାମସନଙ୍କ କ୍ଷେତ୍ରରେ ମଧ୍ୟ, ବୋର୍ଡ ଏବଂ ଚୟନକର୍ତ୍ତାଙ୍କୁ ସେ ଟୁର୍ଣ୍ଣାମେଣ୍ଟରୁ କାହିଁକି ବାଦ ଦେଇଥିଲେ ତାହାର କୌଣସି କାରଣ ଦିଆଯାଇ ନଥିଲା। ଏପର୍ଯ୍ୟନ୍ତ କେବଳ ଏତିକି ଜଣା ଅଛି ଯେ ସେ ତାଙ୍କର ଅଧିକାଂଶ ସମୟ ଦୁବାଇରେ ବିତାଉଛନ୍ତି,” ଯାହା ବିସିସିଆଇ ସୂତ୍ରରୁ ଦି ଟାଇମ୍ସ ଅଫ୍ ଇଣ୍ଡିଆ ରିପୋର୍ଟ କରିଛି।
“ଚୟନକର୍ତ୍ତାମାନେ ଏକ ବୈଧ କାରଣ ଚାହିଁବେ। ନଚେତ୍, ତାଙ୍କୁ ଦିନିକିଆ ସିଜିନ୍ ପାଇଁ ବିଚାର କରିବା କଷ୍ଟକର ହେବ। ପିଟିଆଇ ରିପୋର୍ଟ ମଧ୍ୟ ସମାନ ଦାବି କରିଛି କାରଣ ଏଥିରେ କୁହାଯାଇଛି ଯେ ଚାମ୍ପିଅନ୍ସ ଟ୍ରଫି ପାଇଁ ତିନି ପ୍ରମୁଖ ୱିକେଟ-କିପର ପସନ୍ଦ ହେଉଛନ୍ତି ସାମସନ, ଧ୍ରୁବ ଜୁରେଲ ଏବଂ ରିଷଭ ପନ୍ତ। ତଥାପି, ସାମସନଙ୍କ ଘରୋଇ କ୍ରିକେଟରୁ ଅନୁପସ୍ଥିତିକୁ ବିଚାର କରି ପନ୍ତ ଏବଂ ଜୁରେଲ ଏ କ୍ଷେତ୍ରରେ ଆଗୁଆ ରହିଛନ୍ତି।
ତେବେ “କିପରଙ୍କ କଥା ଦେଖିଲେ ରିଷଭ ପନ୍ତ ପ୍ରଥମ ପସନ୍ଦ କିନ୍ତୁ ଦ୍ୱିତୀୟ କିପରଙ୍କ ସ୍ଥାନ ପାଇଁ ଧ୍ରୁବ ଜୁରେଲ, ସଞ୍ଜୁ ସାମସନ ଏବଂ ଇଶାନ କିଶାନଙ୍କ ମଧ୍ୟରେ ତ୍ରିମୁଖୀ ଲଢ଼େଇ ହୋଇପାରେ। କିନ୍ତୁ ବର୍ତ୍ତମାନ ପର୍ଯ୍ୟନ୍ତ, ଏହା ଦେଖାଯାଉଛି ଯେ ଜୁରେଲ ଯୁଦ୍ଧ ଜିତି ପାରନ୍ତି।”
