ନୂଆଦିଲ୍ଲୀ/କଲମ୍ବୋ, ୩୧।୫ : ସ୍ବାଧୀନତା ପରଠାରୁ ଶ୍ରୀଲଙ୍କା ସବୁଠୁ ବଡ ଆର୍ଥିକ ସଙ୍କଟ ଦେଇ ଗତି କରୁଛି। ଦେଶର ବୈଦେଶିକ ମୁଦ୍ରା ଭଣ୍ଡାର ଖାଲି ହୋଇ ଯାଇଛି। ଫଳରେ ଖାଦ୍ୟ ସାମଗ୍ରୀ, ଇନ୍ଧନ ଏବଂ ଔଷଧ ଭଳି ଅତ୍ୟାବଶ୍ୟକ ଜିନିଷ ଆମଦାନୀରେ ସମସ୍ୟା ଉପୁଜିଛି। ଏଭଳି ପରିସ୍ଥିତିରେ ଭାରତ ପଡୋଶୀ ଦେଶ ଶ୍ରୀଲଙ୍କାକୁ ସବୁ ଦିଗରେ ସାହାଯ୍ୟ କରୁଛି।
ଜାଫନା ସହରରେ ୭୦୦ ଧୀବରଙ୍କୁ ସାହାଯ୍ୟ କରିବା ପାଇଁ ଭାରତ ଶ୍ରୀଲଙ୍କାକୁ ୧୫ ହଜାର ଲିଟର କିରୋସିନ ପଠାଇଛି। ଜାଫନାରେ ଥିବା କନସୁଲେଟ ଜେନେରାଲ ରାକେଶ ନଟରାଜ ଟୁଇଟ୍ କରି କହିଛନ୍ତି ଯେ ଶ୍ରୀଲଙ୍କାର ମତ୍ସ୍ୟ ମନ୍ତ୍ରୀ ଡଗଲାସ ଦେବାନନ୍ଦଙ୍କ ଉପସ୍ଥିତିରେ ଡେଲଫ୍ଟ, ନୈନାଟିଭୁ, ଇଲାୱାଇଟିଭୁ ଏବଂ ଆନାଲିଟିଭୁର ୭୦୦ ଧୀବରଙ୍କ ପାଇଁ ଏସବୁ କିରୋସିନକୁ ଭାରତରୁ ପଠାଯାଇଛି।
ଭାରତର ଏଭଳି ସହାୟତା ଯୋଗୁ ପ୍ରଧାନମନ୍ତ୍ରୀ ରାନିଲ ୱିକ୍ରେମସିଂହ ଟୁଇଟ୍ କରି କୃତଜ୍ଞତା ଜଣାଇଛନ୍ତି। ଦୁଇ ଦିନ ପୂର୍ବେ ଶ୍ରୀଲଙ୍କା ପ୍ରଧାନମନ୍ତ୍ରୀ ରାନିଲ ୱିକ୍ରେମିସିଂହେ ତାଙ୍କ ଦେଶକୁ ଆର୍ଥିକ ସଙ୍କଟ ଦେଇ ଗତି କରୁଥିବା ଭାରତର ସହାୟତାକୁ ପ୍ରଶଂସା କରିଥିଲେ। ଦେଶର ସଙ୍କଟ ସମୟରେ ଭାରତ ଦ୍ୱାରା ଶ୍ରୀଲଙ୍କାକୁ ଯୋଗାଇ ଦିଆଯାଇଥିବା ସହାୟତାକୁ ସେ ପ୍ରଶଂସା କରିବା ସହିତ କୃତଜ୍ଞତା ଜଣାଇଥିଲେ।
