ନୂଆଦିଲ୍ଲୀ,୨୧।୪: ଦେଶରେ କରୋନା ସଂକ୍ରମଣ ଦୁଇ ଦିନରେ ସବୁଠାରୁ ଅଧିକ ଦେଖାଯାଇଥିଲା। ହେଲେ ଶୁକ୍ରବାର ଏହି ସଂଖ୍ୟା କମ ହୋଇଛି। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁଯାୟୀ, ଗତ ୨୪ ଘଣ୍ଟାରେ ୧୧ହଜାରୁ ଅଧିକ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ହେଲେ ଗୁରୁବାର ଏହି ସଂଖ୍ୟା ୧୨ ହଜାରରୁ ଅଧିକ ଥିଲା। ଏପଟେ ସକ୍ରିୟ ସଂକ୍ରମିତଙ୍କ ସଂଖ୍ୟା ବି ବଢିବାରେ ଲାଗିଛି।
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟର ସଂଖ୍ୟାରୁ ଜଣାପଡିଛି କି ଦେଶରେ ଶୁକ୍ରବାର ସକାଳେ କରୋନାର ସକ୍ରିୟ ମାମଲା ୬୬ହଜାର ୧୭୦ ରହିଥିଲା। ଅର୍ଥାତ୍ ଏତିକି ଲୋକ ସଂକ୍ରମିତ ହେବା ପରେ ଏମାନେ ହସ୍ପିଟାଲରେ ଭର୍ତ୍ତି ଅଛନ୍ତି ନଚେତ ଘରେ ଚିକିତ୍ସିତ ହେଉଛନ୍ତି।
