ଓ୍ବାଶିଂଟନ,୧୭।୧୧ : ଆମେରିକାର ଲୋକସଭାରୁ ସମଲିଙ୍ଗୀ ବିବାହ ବିଲକୁ ସୁରୁଖୁରୁରେ ପାସ କରିବା ପରେ ଏହା ବର୍ତ୍ତମାନ ୧୦୦ ସଦସ୍ୟ ବିଶିଷ୍ଟ ସିନେଟରେ ଉପସ୍ଥାପିତ ହୋଇଛି। ବର୍ତ୍ତମାନ ଡେମୋକ୍ରାଟ୍ସର ସମସ୍ତ ୫୦ ସଦସ୍ୟ ଏହା ପାଇଁ ସବୁଜ ସଙ୍କେତ ଦେଇଥିବାରୁ ଏହି ବିଲ ପାସ କରିବାର ଆଶା ବୃଦ୍ଧି ପାଇଛି। ଯଦିଓ ଏହା ସିନେଟର ୬୦ ଜଣ ସଦସ୍ୟଙ୍କ ଭୋଟ ଆବଶ୍ୟକ କରେ, ତଥାପି ଆଶା କରାଯାଉଛି ଯେ ରିପବ୍ଲିକାନ୍ସର ୧୦ ଜଣ ସଦସ୍ୟ ମଧ୍ୟ ସପକ୍ଷରେ ଭୋଟ ଦେବେ।
ଜୁଲାଇ ମାସରେ ଆମେରିକାର ସୁପ୍ରିମକୋର୍ଟଙ୍କ ଗର୍ଭପାତ ଉପରେ ଦିଆଯାଇଥିବା ଅପ୍ରତ୍ୟାଶିତ ନିଷ୍ପତ୍ତି ପରେ ନିମ୍ନ ଗୃହରେ ସମଲିଙ୍ଗୀ ବିବାହକୁ ସ୍ବୀକୃତି ଦେବା ପାଇଁ ଏକ ବିଲ ଆଗତ କରାଯାଇଥିଲା। ଯାହା ଗୃହ ଦ୍ୱାରା ଅନୁମୋଦିତ ହୋଇଥିଲା। ଏହି ବିଲ ପାସ ହେବା ପରଠାରୁ ସମଲିଙ୍ଗୀ ସମ୍ପ୍ରଦାୟର ଲୋକମାନେ ଖୁସି ବ୍ୟକ୍ତ କରିଥିଲେ। ଏହି ବିଲ ସପକ୍ଷରେ ଡେମୋକ୍ରାଟଙ୍କ ଦ୍ୱାରା ୨୬୭ ଭୋଟ ଦିଆଯାଇଥିଲା। ଏଥି ସହିତ ରିପବ୍ଲିକାନ ସାଂସଦମାନେ ଏହି ବିଲ ବିରୋଧରେ ୧୫୭ ଭୋଟ ଦେଇଛନ୍ତି। ରିପୋର୍ଟ ଅନୁଯାୟୀ, ୪୭ ଜଣ ରିପବ୍ଲିକାନ ସାଂସଦ ନିମ୍ନ ଗୃହରେ ଏହି ବିଲ ସପକ୍ଷରେ ମତ ଦେଇଛନ୍ତି। ଏଥିସହିତ ୭ ଜଣ ରିପବ୍ଲିକାନ ସାଂସଦ ମେତଦାନରେ ଭାଗ ନେଇ ନାହାଁନ୍ତି। ସର୍ଭେରୁ ଜଣାପଡିଛି ଯେ ଅଧିକାଂଶ ଆମେରିକୀୟ ସମଲିଙ୍ଗୀ ବିବାହକୁ ସମର୍ଥନ କରନ୍ତି କିନ୍ତୁ ଏହା ବିବାଦୀୟ।
