ଦୃଢ ଇଚ୍ଛାଶକ୍ତି ଥିଲେ ସବୁ ସମ୍ଭବ, ଏହା ପ୍ରମାଣିତ କରିଛନ୍ତି ମୁମ୍ବାଇର ଗ୍ଲାଡ୍ସନ ପିଟର। ତାଙ୍କ ଫୁସ୍ଫୁସ୍ର କ୍ଷମତା ୪୦% କମିଯାଇଥିଲେ ବି ସେ ଏକାକୀ ୧୪ଟି ବାଦ୍ୟଯନ୍ତ୍ର ବଜାଇ ପାରୁଛନ୍ତି। କେବଳ ଏତିକି ନୁହେଁ, ସେ ବି ଭଲ ଗୀତ ଗାଉଛନ୍ତି। ଏଥିପାଇଁ ଲୋକେ ତାଙ୍କୁ ‘ଓ୍ବାନ୍ ମ୍ୟାନ୍ ବ୍ୟାଣ୍ଡ୍’ ଭାବେ ସମ୍ବୋଧନ କରୁଛନ୍ତି। ୨୦ ବର୍ଷ ବୟସରେ ଫୁସ୍ଫୁସ୍ରେ ସମସ୍ୟା ଦେଖାଦେବାରୁ ପିଟର ବିଷାଦଗ୍ରସ୍ତ ହୋଇପଡ଼ିଥିଲେ ଓ ଏକାକୀ ଜୀବନ ବିତାଇବା ବ୍ୟତୀତ ତାଙ୍କ ପାଖରେ କୌଣସି ବିକଳ୍ପ ନ ଥିଲା। ତଥାପି ସେ ଭାଙ୍ଗି ନ ପଡ଼ି ଗୀତ ଗାଇବା ଓ ବାଦ୍ୟ ବଜାଇବାକୁ ନିଷ୍ପତ୍ତି ନେଇଥିଲେ। ଏହି ନିଷ୍ପତ୍ତି ତାଙ୍କୁ ଜଣେ ସଫଳ କଳାକାର ରୂପେ ଗଢ଼ିତୋଳିଛି। ସେ ମ୍ୟୁଜିକ୍ରେ କୌଣସି ଓପଚାରିକ ପ୍ରଶିକ୍ଷଣ ନେଇନାହାନ୍ତି। ଗତ ୩ ବର୍ଷ ମଧ୍ୟରେ ସେ ୨,୦୦୦ରୁ ଅଧିକ ଶୋ’ କରିସାରିଲେଣି। ଭାରତ ବ୍ୟତୀତ ଚାଇନା ଏବଂ ଆରବ ରାଷ୍ଟ୍ରଗୁଡ଼ିକରେ ବି ସେ ତାଙ୍କ କଳା ପ୍ରଦର୍ଶନ କରୁଛନ୍ତି।
