ରାଜସ୍ଥାନର ଆଜ୍ମେର ଜିଲା ରସୁଲପୁର ଗାଁର ଶିକ୍ଷକ ରାଜା ମହମ୍ମଦ କରୋନା ସମୟରେ ଚାକିରି ହରାଇବା ପରେ ମୋତିଚାଷ ଆରମ୍ଭ କରିଥିଲେ। ଏବେ ସେଥିରୁ ଲକ୍ଷାଧିତ୍କ ଟଙ୍କା ରୋଜଗାର କରି ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି। ସେ ଏହି ଚାଷ କରିବାକୁ ଅନେକଙ୍କୁ ମଧ୍ୟ ପ୍ରୋତ୍ସାହିତ କରୁଛନ୍ତି। ରାଜାଙ୍କ ବୟସ ୪୧ ବର୍ଷ। ସେ ନିଜ ଗାଁରେ ଏକ ଘରୋଇ ସ୍କୁଲରେ ପଢ଼ାଉଥିଲେ। ତେବେ କରୋନା ମହାମାରୀ ସମୟରେ ସ୍କୁଲ ବନ୍ଦ ରହିବାରୁ ରାଜା ରୋଜଗାର ହରାଇ ମୋତିଚାଷ କରିବାକୁ ଯୋଜନା କରିଥିଲେ ଓ ସେଥିରେ ସେ ସଫଳତା ମଧ୍ୟ ପାଇପାରିଛନ୍ତି। ଶାମୁକାରେ ମୋତି ହେବା ଲାଗି ୧୮ ମାସ ଲାଗୁଛି। ପ୍ରଥମେ ସେ ଏହି ଚାଷରେ ପ୍ରାୟ ୭୦ ହଜାର ଟଙ୍କା ନିବେଶ କରିଥିଲେ। ପ୍ରତ୍ୟେକ ଶାମୁକାରୁ ସେ ଦୁଇଟି ମୋତି ପାଉଛନ୍ତି ଏବଂ ପରେ ଏହାକୁ ୨୦୦ରୁ ୧୦୦୦ ଟଙ୍କା ମୂଲ୍ୟରେ ବିକ୍ରି କରୁଛନ୍ତି।
