ଗୋଟିଏ ଗାଁରେ ୩୫ ବର୍ଷ ଧରି ରହି ଖୁବ୍ କମ୍ ଫି’ ରେ ରୋଗୀ ସେବା କରୁଛନ୍ତି ବିହାରର ଡା. ରାମନନ୍ଦନ ସିଂ। ଶୋଖପୁର ଜିଲା ବରବିଘା ଗାଁରେ ରୁହନ୍ତି ଡା. ସିଂ। ତାଙ୍କ ବୟସ ୬୮। ଚିକିତ୍ସା ପାଇଁ ଆଖପାଖ ଜିଲାରୁ ତାଙ୍କ ପାଖକୁ ରୋଗୀ ଆସୁଛନ୍ତି। କେବଳ କମ୍ ଫି ପାଇଁ ନୁହେଁ, ବରଂ ତାଙ୍କ ଉପରେ ଲୋକମାନଙ୍କର ବିଶ୍ୱାସ ରହିଥିବାରୁ ଏହା ହୋଇପାରିଛି। ସେ ପ୍ରଥମେ ୫ ଟଙ୍କା ନେଉଥିତ୍ଲେ ଓ କିଛି ବର୍ଷରେ ୫୦ ଟଙ୍କା ନେବା ଆରମ୍ଭ କରିଥିତ୍ଲେ। ସେ ଯେଉଁ ଫି’ ନେଉଛନ୍ତି ତାହାକୁ ନିଜ କାମରେ ନ ଲଗାଇ ରୋଗୀ ସେବାରେ ନିଯୁକ୍ତ ୧୫ ଜଣ ଷ୍ଟାଫ୍ଙ୍କ ପରିବାର ଚଳାଇବା ଲାଗି ସେମାନଙ୍କୁ ଦେଉଛନ୍ତି। ବଡ଼ କଥା ହେଉଛି ଡା.ସିଂ ନିଜ ପରିବାର ସହ ଚାଷ ଉପରେ ନିର୍ଭର କରୁଛନ୍ତି ଓ ସେଥିରେ ପରିବାରର ସବୁ ଖର୍ଚ୍ଚ ତୁଲାଉଛନ୍ତି। ସେ ସକାଳ ୮ରୁ ରାତି ୮ଟା ଯାଏ ରୋଗୀ ସେବା କରୁଛନ୍ତି। ୫୦ ଟଙ୍କା ଫି’ ବଡ଼ କଥା ନୁହେଁ, ଲୋକମାନେ ବାହାର ଜିଲାରୁ ୩୦୦ ଟଙ୍କା ଖର୍ଚ୍ଚ କରି ତାଙ୍କ ପାଖକୁ ଆସୁଛନ୍ତି କେବଳ ବିଶ୍ୱାସ ଯୋଗୁ। ସେ ବିଭିନ୍ନ ଗାଁରେ ମଧ୍ୟ ମେଡିକାଲ କ୍ୟାମ୍ପ୍ ଆୟୋଜନ କରୁଛନ୍ତି। ଭୟଙ୍କର କରୋନା ସମୟରେ ବି ଭୟ ନ କରି ସେ ଲୋକମାନଙ୍କ ଚିକିତ୍ସା କରିଛନ୍ତି।
