ବର୍ଲିନ୍,୨୩।୧: ପକ୍ଷାଘାତ ରୋଗ ଚିକିତ୍ସା କ୍ଷେତ୍ରରେ ବୈଜ୍ଞାନିକଙ୍କୁ ବଡ଼ ସଫଳତା ମିଳିିଛି। ମୂଷାଙ୍କ ଉପରେ ହୋଇଥିବା ଗଷେଣାରେ ପକ୍ଷାଘାତ ମୂଷା ୨ ସପ୍ତାହ ମଧ୍ୟରେ ଚାଲିବାକୁ ସକ୍ଷମ ହୋଇଛି। ଜର୍ମାନୀର ରୁର୍ ୟୁନିଭରସିଟି ବୋକେମ୍ର ଗବେଷକ ମୂଷା ମସ୍ତିଷ୍କରେ ଏକ ପ୍ରକାର ଡିଜାଇନର ପ୍ରୋଟିନ୍ ଇଞ୍ଜେକଶନ ବ୍ୟବହାର କରିଥିଲେ। ଏହା ଦ୍ୱାରା ନର୍ଭ ସେଲ୍ ପୁଣିଥରେ ତିଆରି ହୋଇ ମୂଷାର ସ୍ଥିତିରେ ଉନ୍ନତି ଘଟିଥିଲା। ଏହାପରେ ମୂଷା ଚାଲିବାକୁ ସକ୍ଷମ ହୋଇପାରିଥିଲା ବୋଲି ଗବେଷଣାର ନେତୃତ୍ୱ ନେଇଥିବା ଡାଏଟ୍ମାର ଫିସର ସୂଚନା ଦେଇଛନ୍ତି। ଏହି ସଫଳତା ଯୋଗୁ ପୃଥିବୀର ୫୪ ଲକ୍ଷ ପକ୍ଷାଘାତ ରୋଗୀଙ୍କ ଚିକିତ୍ସା ପାଇଁ ନୂଆ ଆଶା ଜାଗିଛି।
