ଖାଇବରପସ୍ତୁନଖ୍ବା,୧୪।୧୧: ଗିଲ୍ଗିଟ୍-ବଲ୍ଟିସ୍ତାନରେ ହେବାକୁ ଥିବା ନିର୍ବାଚନ ଫଳାଫଳକୁ ପ୍ରଧାନମନ୍ତ୍ରୀ ଇମ୍ରାନ୍ ଖାଁଙ୍କ ସରକାର ଫିକ୍ସିଂ କରି ସାରିଛନ୍ତି। ଏଠାରେ କେବଳ ନିର୍ବାଚନ ହେବ। କିନ୍ତୁ ଫଳାଫଳ ପୂର୍ବରୁ ନିର୍ଦ୍ଧାରିତ ହୋଇସାରିଛି ବୋଲି ପାକିସ୍ତାନ ଡେମୋକ୍ରାଟିକ୍ ମୁଭ୍ମେଣ୍ଟ ମୁଖ୍ୟ ମୌଲାନା ଫଜଲୁର୍ ରହମାନ ଅଭିଯୋଗ କରିଛନ୍ତି। ଇମ୍ରାନ୍ ସରକାର ନିଜ ଫାଇଦା ଲାଗି ଏଠାରେ ନିର୍ବାଚନ କରାଉଛନ୍ତି। କିନ୍ତୁ ସ୍ଥାନୀୟ ବାସିନ୍ଦାଙ୍କ ବିକାଶ ପାଇଁ ତାଙ୍କର ଆନ୍ତରିକତା ନାହିଁ ବୋଲି ସେ କହିଛନ୍ତି। ଭୋଟରଙ୍କୁ ହାତେଇବା ଲାଗି ଇମ୍ରାନ୍ ସରକାର ଟ୍ରକ୍ ଟ୍ରକ୍ ଗହମ ବାଣ୍ଟୁଥିବା ସେ ଅଭିଯୋଗ କରିଛନ୍ତି।
