ନୂଆଦିଲ୍ଲୀ/ଲଣ୍ଡନ, ୯।୬ : ଦେଶର ଶ୍ରେଷ୍ଠ ଏବଂ ଦକ୍ଷିଣ ଏସିଆର ଉଦୀୟମାନ ବିଶ୍ୱବିଦ୍ୟାଳୟ ଭାବରେ କର୍ନାଟକର ବେଙ୍ଗାଲୁରୁ ସ୍ଥିତ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ସାଇନ୍ସ (ଆଇଆଇଏସ୍ସି)କୁ ପୁଣି ଥରେ ସମ୍ମାନିତ କରାଯାଇଛି।
ଏହି ତାଲିକାରେ ଆଇଆଇଟି ବମ୍ବେ ଦ୍ୱିତୀୟ ଏବଂ ଆଇଆଇଟି ଦିଲ୍ଲୀ ତୃତୀୟ ସ୍ଥାନରେ ରହିଛି। ବୁଧବାର-ଗୁରୁବାରର ବିଳମ୍ବିତ ରାତି ୧ଟା ୩୦ରେ ଲଣ୍ଡନରେ କ୍ୟୁଏସ୍ ୱାଲର୍ଡ ୟୁନିଭରସିଟି ରାଙ୍କିଙ୍ଗ ୨୦୨୩ ରିଲିଜ ହୋଇଥିଲା । ଏଥିରେ, ଆଇଆଇଏସ୍ସ ବେଙ୍ଗାଲୁରୁ ବିଶ୍ୱର ଉଚ୍ଚଶିକ୍ଷା ପ୍ରତିଷ୍ଠାନ ମଧ୍ୟରେ ୧୫୫ ତମ ସ୍ଥାନରେ ରହିଛି ।
୨୦୨୨ ରାଙ୍କିଙ୍ଗ ରେ, ବେଙ୍ଗାଲୁରୁ ଆଇଆଇଏସ୍ସି ୧୮୬ ତମ ସ୍ଥାନରେ ରହିଥିଲା। ଗୋଟିଏ ବର୍ଷରେ ବେଙ୍ଗାଲୁରୁ ଆଇଆଇଏସ୍ସିର ରାଙ୍କିଙ୍ଗରେ ୩୧ ସ୍ଥାନ ବୃଦ୍ଧି ଘଟିଛି। ଅନୁସନ୍ଧାନ କ୍ଷେତ୍ରରେ ବେଙ୍ଗାଲୁରୁ ଆଇଆଇଏସ୍ସ ୧୦୦ ପ୍ରତିଶତ ସ୍କୋର ପାଇଛି। ଆଇଆଇଟି ବମ୍ବେ ଏବଂ ଆଇଆଇଟି ଦିଲ୍ଲୀ ମଧ୍ୟ ଏହି ତାଲିକାରେ ଶ୍ରେଷ୍ଠ ୨୦୦ ବିଶ୍ୱବିଦ୍ୟାଳୟ ମଧ୍ୟରେ ସ୍ଥାନ ପାଇଛନ୍ତି।
ଚଳିତ ଥର ରାଙ୍କିଙ୍ଗରେ ୧୨ ଟି ବିଶ୍ୱବିଦ୍ୟାଳୟର ସ୍ଥିତିରେ ଉନ୍ନତି ହୋଇଥିବାବେଳେ ଅନ୍ୟ ୧୨ ଟିର ସ୍ଥିତି ସମାନ ରହିଛି। ୧୦ ବିଶ୍ୱବିଦ୍ୟାଳୟ ରାଙ୍କିଙ୍ଗରେ ହ୍ରାସ ଘଟିଛି । ଏଥର ସାତୋଟି ନୂତନ ବିଶ୍ୱବିଦ୍ୟାଳୟ ତାଲିକାରେ ସ୍ଥାନ ପାଇଛି।
ଆଇଆଇଟି ବମ୍ବେ ପାଞ୍ଚଟି ସ୍ଥାନ ଉପରକୁ ଉଠିଛି। ସେହିପରି ଆଇଆଇଟି ଦିଲ୍ଲୀର ୧୧ଟି ସ୍ଥାନ ଉପରକୁ ଆସିଛି। ଆଇଆଇଟି ଦିଲ୍ଲୀ ତାଲିକାରେ ପ୍ରଥମ ଥର ପାଇଁ ଭାରତର ଶ୍ରେଷ୍ଠ ବିଶ୍ୱବିଦ୍ୟାଳୟ ମଧ୍ୟରେ ତୃତୀୟ ସ୍ଥାନ ସୁରକ୍ଷିତ କରିବାରେ ସଫଳ ହୋଇଛି। ଏକାଡେମିକ ପ୍ରତିଷ୍ଠା ମାନଦଣ୍ଡରେ ସମୁଦାୟ ୪୧ ଟି ଭାରତୀୟ ବିଶ୍ୱବିଦ୍ୟାଳୟ ପ୍ରବେଶ କରିଛି।
ଏଥିରେ ଆଇଆଇଟି ବମ୍ବେ ୧୭୨ ତମ ଏବଂ ଆଇଆଇଟି ଦିଲ୍ଲୀ ୧୭୪ ତମ ସ୍ଥାନରେ ରହିଛନ୍ତି। ଆଇଆଇଟି କାନପୁର, ଆଇଆଇଟି ଖଡ଼ଗପୁର ଭଲ ପ୍ରଦର୍ଶନ କରିଥିବାବେଳେ ଆଇଆଇଟି ରୁର୍କି ମଧ୍ୟ ପ୍ରଥମ ଥର ପାଇଁ ୧୩ ଟି ସ୍ଥାନ ଉପରକୁ ଉଠି ୩୬୯ ସ୍ଥାନରେ ରହିଛି। ଆଇଆଇଟି ଗୁଆହାଟି ୧୧ ଟି ସ୍ଥାନ ଉପରେ ରହିଛି। ଏହାର ୩୮୪ ସ୍ଥାନରେ ଅଛି। ଆଇଆଇଟି ଇନ୍ଦୋର ବିଶ୍ୱରେ ୩୯୬ ତମ ସ୍ଥାନରେ ରହିଛି ।
