ନୂଆଦିଲ୍ଲୀ,୨୩।୮: କରୋନା ମହାମାରୀ ମଧ୍ୟରେ ବିଶ୍ୱର ଅନେକ ଦେଶ ଏହାର ଟିକା ପ୍ରସ୍ତୁତ କରିବାରେ ବ୍ୟସ୍ତ ଅଛନ୍ତି। ରୁଷ ବିଶ୍ୱର ପ୍ରଥମ କରୋନା ଟିକା ପ୍ରସ୍ତୁତ କରିଥିବା ଦାବି କରିଛି। ଭାରତ ଏବଂ ଆମେରିକା ସମେତ ଅନେକ ଦେଶରେ କରୋନା ଟିକା ବର୍ତ୍ତମାନ କ୍ଲିନିକାଲ ଟ୍ରାଏଲରେ ଅଛି। ଏହି ସମୟ ମଧ୍ୟରେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ ଟୀକା ସମ୍ପର୍କରେ ସୂଚନା ଦେଇଛନ୍ତି। ସେ କହିଛନ୍ତି ଯେ ଯଦି ସବୁ କିଛି ଠିକ ରହେ ତେବେ ଚଳିତ ବର୍ଷ ଶେଷ ସୁଦ୍ଧା ଭାରତ କରୋନା ଟିକା ପ୍ରସ୍ତୁତ ହୋଇଯିବ। କରୋନାର ତିନୋଟି ଟିକା ଭାରତର ବିକାଶର ବିଭିନ୍ନ ପର୍ଯ୍ୟାୟରେ ଅଛି, ସେଥିମଧ୍ୟରୁ ଦୁଇଟି ଟିକା ସ୍ବଦେଶୀ ଭାବରେ ନିର୍ମିତ। ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର୍)ର ମହାନିର୍ଦ୍ଦେଶକ ଡା. ବଳରାମ ଭର୍ଗାଭା କହିଛନ୍ତି ଯେ, କୋଭିଡ -୧୯ର ଦୁଇଟି ସ୍ବଦେଶୀ ଟିକା ମାନବୀୟ କ୍ଲିନିକାଲ ପରୀକ୍ଷଣର ପ୍ରଥମ ପର୍ଯ୍ୟାୟ ଶେଷ ହୋଇଛି। ଏବେ ଏହା ଦ୍ୱିତୀୟ ପର୍ଯ୍ୟାୟରେ ପହଞ୍ଚିଛି। ଏହି ଟିକାଗୁଡ଼ିକ ମଧ୍ୟରୁ ଗୋଟିଏ ଆଇସିଏମଆର ସହଯୋଗରେ ଭାରତ ବାୟୋଟେକ ଦ୍ୱାରା ବିକଶିତ ହୋଇଛି ଏବଂ ଅନ୍ୟ ଟିକାକୁ ଜାଇଡସ କ୍ୟାଡିଲା ଲିମିଟେଡ ପ୍ରସ୍ତୁତ କରିଛି।ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ, ପୁଣେ, ଅକ୍ସଫୋର୍ଡ ୟୁନିଭରସିଟି ଦ୍ୱାରା ବିକଶିତ କୋଭିଡ -୧୯ ପାଇଁ ସମ୍ଭାବ୍ୟ ଟିକାର ଦ୍ୱିତୀୟ ଏବଂ ତୃତୀୟ ମାନବ କ୍ଲିନିକାଲ ପରୀକ୍ଷା କରିବାକୁ ଅନୁମତି ଦିଆଯାଇଛି।
