ମୁଜାଫରପୁର, ୧୧।୮: ସ୍ତ୍ରୀ କରୋନା ଆକ୍ରାନ୍ତ ହୋଇଥିବା ଶୁଣିବା ପରେ ହାର୍ଟଆଟାର୍କରେ ପ୍ରାଣ ହରାଇଛନ୍ତି ସ୍ବାମୀ। ଏଭଳି ଏକ ଅଭାବନୀୟ ଘଟଣା ଘଟିଛି ବିହାରର ଆନନ୍ଦପୁର ଗଙ୍ଗାଲିଆ ଗ୍ରାମରେ।
ଗ୍ରାମର ଏକ ଦମ୍ପତି ସାରେୟା ସିଏଚ୍ଜିରେ କରୋନା ପରୀକ୍ଷା କରାଇଥିଲେ। ତେବେ ସ୍ତ୍ରୀଙ୍କ ରିପୋର୍ଟ ପଜିଟିଭ ଆସିଥିବା ବେଳେ ସ୍ବାମୀଙ୍କର ନେଗେଟିଭ ଆସିଲା। କିଛିଦିନ ପର୍ଯ୍ୟନ୍ତ ସ୍ତ୍ରୀଙ୍କର ସ୍ବାସ୍ଥ୍ୟାବସ୍ଥାରେ ସୁଧାନ ନ ଆସିବାରୁ ତାଙ୍କୁ ଏସ୍କେଏମ୍ସିଏଚ୍ ହସ୍ପିଟାଲକୁ ସ୍ଥାନାନ୍ତର କରାଗଲା। ତେବେ ସ୍ତ୍ରୀଙ୍କ ଚିକିତ୍ସା ପୂର୍ବରୁ ହାର୍ଟଆଟାର୍କରେ ସ୍ବାମୀଙ୍କର ମୃତ୍ୟୁ ଘଟିଛି। ଫଳରେ ତାଙ୍କର ପୁଣିଥରେ କରୋନା ଟେଷ୍ଟ କରାଯାଇ ହସ୍ପିଟାଲ ପକ୍ଷରୁ ମୃତଦେହକୁ ତାଙ୍କ ଗାଁକୁ ପଠାଇଦିଆଗଲା। ତେବେ ସ୍ତ୍ରୀଙ୍କୁ କରୋନା ହୋଇଥିବା ଜାଣିବା ପରେ ସ୍ବାମୀଙ୍କ ମୃତ ଦେହକୁ ଗ୍ରାମବାସୀ ଛୁଇଁଲେ ନାହିଁ। ୭ ଘଣ୍ଟା ପର୍ଯ୍ୟନ୍ତ ମୃତଦେହ ଆମ୍ବୁଲାନ୍ସରୁ ରହିବା ପରେ ଅ୍ୟ କିଛି ଲୋକ ମୃତଦେହକୁ ବାହାର କରିଥିଲେ। ଏପରିକି ମୃତଦେହ ପୋତିବା ପାଇଁ ଗ୍ରାମବାସୀ କୋଦାଳ ମଧ୍ୟ ଦେଲେ ନାହିଁ। କରୋନା ପଜିଟିଭ ସ୍ତ୍ରୀଙ୍କୁ ମଧ୍ୟ ଗ୍ରାମବାସୀ ଗାଁ ଭିତରକୁ ଛାଡିଲେ ନାହିଁ। ଫଳରେ ତାଙ୍କୁ ତୁର୍କୀସ୍ଥିତ ଏକ କୋଭିଡ୍ ହସ୍ପିଟାଲକୁ ପଠାଇଦିଆଯାଇଛି।
ପ୍ରକାଶ ଯେ, ଦମ୍ପତିଙ୍କ ପୁଅ ବାହାରେ ରହୁଥିବା ବେଳେ ତାଙ୍କର ୨ ଜ୍ୱାଇଁ ମଧ୍ୟ ଏହି ସମସ୍ତ ପ୍ରକ୍ରିୟାକୁ ଦୂରେଇ ରହିଥିଲେ।
