ଭୁବନେଶ୍ୱର,୮।୮(ତ୍ରିନାଥ ମହାନ୍ତି):ନିଜ ଛୁଆକୁ ଖୋଜି ଖୋଜି ଛତିଶଗଡ଼ରୁ ଭୁବନେଶ୍ୱର ପର୍ଯ୍ୟନ୍ତ ଧାଇଁଆସିଲେ ମା’। ତେବେ ଛୁଆକୁ ଫେରାଇନେବାକୁ ଉଦ୍ୟମ କଲାବେଳେ ବିରୋଧ କଲେ ସ୍ବାମୀ। ଉଭୟ ସ୍ବାମୀ- ସ୍ତ୍ରୀ ଏହାକୁ ନେଇ ମୁହାଁମୁହିଁ ହୋଇଥିଲେ। ଖବର ପାଇ ପୋଲିସ ପହଞ୍ଚତ୍ ଉଭୟଙ୍କୁ ପଚରାଉଚରା କରିବା ପରେ ଘଟଣାଟି ପାରିବାରିକ ହୋଇଥିବାରୁ ପରିବାର ଅଦାଲତର ଦ୍ୱାରସ୍ଥ ହେବାକୁ କହିଛନ୍ତି। ଅନ୍ୟପକ୍ଷରେ ସ୍ବାମୀ ସନ୍ତୋଷ ସାହୁଙ୍କ ବିରୋଧରେ ପରକୀୟା ପ୍ରୀତି ଅଭିଯୋଗ ଆଣି ଶହୀଦନଗର ଥାନାର ଦ୍ୱାରସ୍ଥ ହୋଇଛନ୍ତି ପ୍ରାଚୀ ଥାପ୍ପା।
ମୁତାବକ, ସନ୍ତୋଷ ଓ ପ୍ରାଚୀ ମାଟ୍ରିମୋନି ମାଧ୍ୟମରେ ଦେଖାସାକ୍ଷାତ ହୋଇ ପରସ୍ପରକୁ ଭଲ ପାଇ ବିବାହ କରିଥିଲେ। ୫ ବର୍ଷ ପର୍ଯ୍ୟନ୍ତ ଦୁହେଁ ଜାମସେଦପୁରରେ ହସଖୁସିରେ ସମୟ କାଟିଥିଲେ। ତେବେ ସନ୍ତାନ ହେବା ପରଠାରୁ ସନ୍ତୋଷ କିଛି ବୁଝାଶୁଝା କରି ନ ଥିଲେ, ବରଂ ଛୁଆକୁ ନେଇ ଭୁବନେଶ୍ୱର ପଳାଇ ଆସିଥିଲେ। ପରେ ଛୁଆକୁ ସନ୍ତୋଷ ଆଉ କାହାକୁ ଦେଇଦେଇଥିବା ପ୍ରାଚୀ ଜାଣିବାକୁ ପାଇଥିଲେ। ସେ ମୋବାଇଲ ଷ୍ଟାଟସରେ ଛୁଆର ୟୁନିଫର୍ମ ଦେଖି ପ୍ରଥମେ ସ୍କୁଲ ଓ ପରେ ସନ୍ତୋଷଙ୍କ ଘରେ ପହଞ୍ଚତ୍ଥିଲେ। ଛୁଆ ପାଇଁ ଉଭୟଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ପରେ ସେ ପୋଲିସର ଦ୍ୱାରସ୍ଥ ହୋଇଛନ୍ତି। ତେବେ ପରକୀୟା ପ୍ରୀତି ନେଇ ପ୍ରାଚୀଙ୍କ ଅଭିଯୋଗକୁ ସନ୍ତୋଷ ଖଣ୍ଡନ କରିଛନ୍ତି। ସ୍ତ୍ରୀଙ୍କର ଅନ୍ୟ କାହା ସହ ସମ୍ପର୍କ ଥିବାରୁ ଛୁଆକୁ ନେଇ ଚାଲିଆସିଥିଲି ବୋଲି ସନ୍ତୋଷ ପ୍ରକାଶ କରିଛନ୍ତି।
Dharitri – Odisha’s No.1 Odia Daily
