କେମିତି ପାଳିବେ ଦୀପାବଳି

ଆଲୋକର ପର୍ବ ଦୀପାବଳିକୁ ଧୁମ୍‌ଧାମ୍‌ରେ ପାଳନ କରିବାକୁ ସମସ୍ତଙ୍କ ମନରେ ରହିଥାଏ ସ୍ବତନ୍ତ୍ର ଉତ୍ସାହ। କିନ୍ତୁ କରୋନା ପାଇଁ ଏଥର ଫିକା ଲାଗୁଛି ଏହି ପର୍ବ । ଦୀପାବଳି ପାଳିବାକୁ ମନରେ ସେମିତି ଉତ୍ସାହ ନାହିଁ । ହେଲେ ଏହାରି ଭିତରେ କିନ୍ତୁ ଘରେ ରହି ଭିନ୍ନ ଭିନ୍ନ ଢଙ୍ଗରେ ଦୀପାବଳି ପାଳନ କରିବାକୁ ସଜ ହେଉଛନ୍ତି ସମସ୍ତେ…
କରୋନା ସଂକ୍ରମଣ କମ୍‌ ହେବାର ନାଁ ଧରୁନି। ଏଥିପାଇଁ ସବୁ ପର୍ବପର୍ବାଣି ବି ପାଳନ ହେଉଛି ନିରାଡମ୍ବରଭାବେ। ଏଥର ଦୀପାବଳି ବି ସେମିତି କଟକଣାରେ ପାଳନ ହେବ। ବାଣ ଫୁଟିବନି କି ସାଙ୍ଗସାଥୀଙ୍କ ଘରକୁ ଯାଇ ହେବନି। ତେବେ ଏସବୁ ଭିତରେ ବି ଦୀପାବଳି ପାଳିବାକୁ ପ୍ରସ୍ତୁତି କରୁଛନ୍ତି ଗୃହିଣୀମାନେ।
ଉତ୍ସବ ନ ଥାଉ ଉଲ୍ଲାସ ତ ରହିଛି: କରୋନା ଯୋଗୁ ଏଥରର କାଳୀପୂଜା ଓ ଦୀପାବଳି ମନେରହିବ। ଏଥର ଦୀପାବଳିରେ ଆମେ କେବଳ ଦୀପ ଜଳାଇ ପରିବେଶକୁ ଆଲୋକିତ କରିବୁ। ଦୀପର ଆଲୁଅ ସମାଜରୁ କରୋନା ଅନ୍ଧାରକୁ ଦୂର କରିଦେଉ ବୋଲି ପ୍ରାର୍ଥନା କରିବୁ। ଆର ଥରକୁ ଯେମିତି କରୋନା ନ ଥିବ ଏହି ଆଶା ନେଇ ଏଥର ଆମେ ଦୀପାବଳି ପାଳିବୁ। ଦୀପାବଳିରେ ଆମେ ଏଥର ବି ସବୁବର୍ଷ ପରି ଘରେ ଶ୍ରାଦ୍ଧ ଦେଇ ପରମ୍ପରା ରକ୍ଷା କରିବୁ। ସମସ୍ତଙ୍କ ସୁଖ ପାଇଁ ମା’ କାଳୀଙ୍କୁ ପୂଜା କରି ଗୁହାରି ଜଣାଇବି। ଉତ୍ସବ ନ ହେଲେ ବି ଉଲ୍ଲାସଭରା ମନରେ ଆମେ ସମସ୍ତେ ଦୀପାବଳି ପାଳନ କରିବୁ।
-କବିତାରାଣୀ ପତି, ଗୃହିଣୀ, ଭେଲଙ୍ଗ ରାହାସୋଇ, ଯାଜପୁର ଟାଉନ୍‌
ପିଲାଙ୍କ ମନପସନ୍ଦର ଖାଦ୍ୟ ତିଆରି କରିବି:କରୋନା କଟକଣା ଯୋଗୁଁ ଏଥର ଅନ୍ୟ ବର୍ଷ ପରି ମନ୍ଦିର ଯାଇ ହେବନି। ତେଣୁ ଘରେ ରହି ମା’ କାଳୀଙ୍କୁ ପୂଜା କରିବି। ଏହା ସହିତ ଘରେ ପିଲାମାନଙ୍କ ପାଇଁ ପିଠା ଆଉ ମିଠା ବି ତିଆରି କରିବି। ପିଲାମାନେ ବାଣ ଫୁଟାଇ ପାରିବେନି ବୋଲି ମନଦୁଃଖ କରୁ୍‌ଛନ୍ତି, ସେଥିପାଇଁ ସେମାନଙ୍କ ମନପସନ୍ଦର ବିଭିନ୍ନ ଖାଦ୍ୟ ତିଆରି କରିବି ବୋଲି କହିସାରିଛି। ସାବେଳେ ଏଥର ଘରର ସବୁଆଡ଼େ ବହୁ ଅଧିକ ଦୀପ ଲଗାଇବା ପାଇଁ ଯୋଜନା କରିଛୁ। ସେଥିପାଇଁ ମୁଁ ଦୀପ ଆଉ ସଳିତା କିଣି ଆଣିସାରିଛି। ମା’ କାଳୀ ସାରା ବିଶ୍ୱକୁ କରୋନା ସଙ୍କଟରୁ ରକ୍ଷା କରନ୍ତୁ ଏହି ପ୍ରାର୍ଥନା କରି ଏଥର ଦୀପାବଳି ପାଳନ କରିବି।
ଅରୁନ୍ଧତୀ ମହାନ୍ତି, ଗୃହିଣୀ, ଚୂଡ଼ାମଣି, ବାସୁଦେବପୁର, ଭଦ୍ରକ
ରଙ୍ଗୋଲୀ କରିବି, ଦୀପ ଜାଳିବି: ଦୀପାବଳିରେ ସବୁବର୍ଷ ମୁଁ ସୁନ୍ଦର ସୁନ୍ଦର ଝୋଟି ତିଆରି କରେ। ଏଥର ବି କରିବି। ବାଣ ଫୁଟାଇବାକୁ ସିନା କଟକଣା ରହିଛି ହେଲେ ଦୀପ ଜାଳିବା, ପିଠା ତିଆରି କରିବା ଆଉ ପୂଜା କରିବାରେ ତ ଅସୁବିଧା ନାହିଁ। ଏମିତିରେ ମୋର ଦୁଇ ଝିଅ ଏବେ ବହୁତ ଛୋଟ ଅଛନ୍ତି, ତେଣୁ ସେମାନେ ତ ବାଣ ଫୁଟାଇ ପାରି ନ ଥାନ୍ତେ। ହେଲେ ସେମାନେ ବାଣ ଦେଖିବାକୁ ଭଲପାନ୍ତି ବୋଲି ପ୍ରତିବର୍ଷ ମାମୁଘରକୁ ଯାନ୍ତି। କିନ୍ତୁ ଏବର୍ଷ ଆମେ କେହି କୁଆଡ଼େ ଯିବୁନି। ପିଲାମାନେ ଘରେ ରହି ନୂଆ ଡ୍ରେସ ପିନ୍ଧିବେ ଆଉ ମୁଁ ପିଠା ତିଆରି କରିବି, ସେମାନେ ଖାଇବେ। ରାତିରେ ତ ରଙ୍ଗୋଲୀ ସାଙ୍ଗକୁ ଦୀପ ଲଗାଇବି। ଦୀପର ଆଲୁଅ ଭଳି ଘରେ ସବୁବେଳେ ଖୁସିର ପରିବେଶ ଏମିତି ରହିଥାଉ ବୋଲି ଠାକୁରଙ୍କ ନିକଟରେ ପ୍ରାର୍ଥନା କରିବି।
-ଶିବାନୀ ପ୍ରିୟଦର୍ଶିନୀ ସ୍ବାଇଁ, ଶିକ୍ଷୟିତ୍ରୀ, ନଖରା, କଟକ
ବୋଉ ହାତ ତିଆରି ପିଠା ଖାଇହେବନି: ଦୀପାବଳିରେ ବାଣ ଫୁଟାଇ ପାରିବି ନାହିଁ ବୋଲି ମନ ଦୁଃଖ ହେଉଛି। କାହିଁକି ନା ମତେ ବାଣ ଫୁଟାଇବାକୁ ବହୁତ ଭଲ ଲାଗେ। ସବୁବର୍ଷ ମୁଁ ସକାଳୁ ଘରେ ପୂଜା ସାରି ଆମ ଘରକୁ ଯାଏ ଓ ସେଠାରେ ଏକାଠି ସମସ୍ତେ ବାଣ ଫୁଟାଇ ମଜାକରୁ ଆଉ ବୋଉ ପିଠା କରିଥାଏ ଖାଉ। ହେଲେ ଏଥର ସେହି ସୁଯୋଗ ମିଳିବନି। ତଥାପି ମୁଁ ଏଥର ଘରେ ମିଠା ତିଆରି କରିବା ପାଇଁ ସବୁ ପ୍ରସ୍ତୁତି କରିଛି। ଏହା ସହିତ ରଙ୍ଗୋଲୀ କରି ଦୀପ ଜାଳିବି।
-ସୁରଶ୍ରୀ ପ୍ରିୟଦର୍ଶିନୀ,ଗୃହିଣୀ,
ଭିଏସଏସ ନଗର, ଭୁବନେଶ୍ୱର

ଘରେ ସବୁ ପୂଜା ହେବ: ଦୀପାବଳିରେ ବାଣ ସିନା ଫୁଟାଇ ହେବନି। ବାକି ଘରେ ଶ୍ରାଦ୍ଧ ପଡ଼ିବା ଠାରୁ ପିଠାପଣା, ବଡ଼ବଡୁଆ ଟେକା ସବୁ ତ ହେବ। ସ୍କୁଲ ଖୋଲି ନ ଥିବାରୁ ଆମେ ସମସ୍ତେ ଏପ୍ରିଲ ମାସରୁ ଗାଁରେ ଅଛୁ। ତେଣୁ ସକାଳୁ ଘରେ ଶ୍ରାଦ୍ଧ ପଡ଼ିବ ଆଉ ସାହିରେ ଦାଦା ବଡ଼ବାପା ଘରର ସମସ୍ତେ ଏକାଠି ଖାଇବା ପାଇଁ ରୋଷେଇ କରିବି। ସାରେ ଘରେ ରଙ୍ଗୋଲୀ ହେବ ଆଉ ବଡ଼ବଡୁଆ ଡକା ପାଇଁ ସମସ୍ତେ ଏକାଠି ହେବେ। ସାରେ ପିଠା କରି ଶାଶୁଙ୍କ ସହିତ ପୂଜା କରିବି। ରାତିରେ ସମସ୍ତଙ୍କୁ ପିଠା ଭୋଗ ବି ବଣ୍ଟାହେବ। ସାରେ ଦୀପ ଜାଳିବା ପାଇଁ ଆମର ଦୀପ, ସଳିତା ଆଉ ତେଲ ସବୁ କିଣା ସରିଛି। ବଡ଼ବଡୁଆ ଡାକିବା ପାଇଁ କାଉଁରିଆ କାଠି ବି ଆସିଛି। ଖାଲି ପୂଜା ପରେ ବାଣ ଫୁଟା ହେବନି ବୋଲି ପିଲାମାନେ ମନ ଦୁଃଖ କରୁଛନ୍ତି।
-ଅମିତା ରାଉତ, ଗୃହିଣୀ,
ଭଗବାନପୁର, କେନ୍ଦ୍ରାପଡ଼ା


Enter your email to get our daily news in your inbox.

All Right Reserved By Dharitri.Com

ରୂପ ନା ଗୁଣ- ପୁରୁଷମାନେ କିଭଳି ବାଛିବେ ଜୀବନସାଥୀ, ଜାଣନ୍ତୁ ଚାଣକ୍ୟଙ୍କ ଏହି ୫ କଥା

ଆଚାର୍ଯ୍ୟ ଚାଣକ୍ୟ ନିଜର ନୀତି ମାଧ୍ୟମରେ ନନ୍ଦ ରାଜବଂଶକୁ ପରାସ୍ତ କରି ତାଙ୍କ ଶିଷ୍ୟ ଚନ୍ଦ୍ରଗୁପ୍ତ ମୋର୍ଯ୍ୟଙ୍କୁ ରାଜା କରିଥିଲେ। ସେବେଠାରୁ ତାଙ୍କର ନୀତି ଓ...

କେବେହେଲେ ଘରେ ଲଗାନ୍ତୁ ନାହିଁ ଏସବୁ ଗଛ: ଲାଗି ରହିବ ଝଗଡ଼ା, ସ୍ବାସ୍ଥ୍ୟଗତ ସମସ୍ୟାରେ ପୀଡ଼ିତ ହେବେ

ଏପରି କିଛି ବୃକ୍ଷ ରହିଛି ଯାହାକୁ ଘରେ ଲଗାଇବା ଦ୍ୱାରା ନକରାତ୍ମକ ଶକ୍ତି ବୃଦ୍ଧି ପାଏ ବୋଲି ବାସ୍ତୁଶାସ୍ତ୍ରରେ କୁହାଯାଇଛି। ଏଣୁ ଏହାକୁ କେବେହେଲେ ଘରେ...

ତ୍ୱଚା ପାଇଁ ବରଦାନ ଗ୍ଲିସେରିନ୍‌

ସୁନ୍ଦର ଏବଂ ମୁଲାୟମ ତ୍ୱଚା ସର୍ବଦା ଆକର୍ଷଣୀୟ ଲାଗିଥାଏ। ଆଉ ନିଜ ତ୍ୱଚାକୁ ଏପରି କରିବା ଲାଗି ଅନେକେ ବିଭିନ୍ନ ପ୍ରକାର ସୌନ୍ଦର୍ଯ୍ୟ ପ୍ରସାଧନ ବି...

ରକ୍ତଚାପ ନିୟନ୍ତ୍ରଣ କରିଥାଏ ବିଟ୍‌

ଶୀତଦିନେ ବଜାରରେ ପ୍ରଚୁର ପରିମାଣରେ ବିଟ୍‌ ମିଳିଥାଏ। ଏହା ପାଟି ସୁଆଦିଆ ନ ହେଲେ ମଧ୍ୟ ସ୍ବାସ୍ଥ୍ୟ ପାଇଁ ଲାଭଦାୟକ। ବିଶେଷକରି ରକ୍ତଚାପ ରୋଗୀଙ୍କ ପାଇଁ...

ଘରେ ବର୍ଷାଦିନିଆ ପେଡିକିଓର୍‌

ବର୍ଷାଦିନେ ମାଟି କାଦୁଅ, ଅପରିଷ୍କାର ପାଣିରେ ପାଦ ଭିଜିବା ଯୋଗୁ ଜୀବାଣୁ ସଂକ୍ରମଣର ଆଶଙ୍କା ବେଶି। ତା’ ଛଡ଼ା ଓଦା ଚପଲ, ଜୋତା ଆଦି ଅଧିକ...

ଦୀପାବଳିରେ ଏଭଳି ସଜାନ୍ତୁ ଘର…

ଦୀପାବଳିରେ ସମସ୍ତେ ଚାହାନ୍ତି ନିଜ ଘର ସୁନ୍ଦର ଦେଖାଯାଉ। ଆଉ ସବୁ କୋଣ ଝଲସି ଉଠୁ। କିନ୍ତୁ ଦାମୀ ଘରସଜା ସାମଗ୍ରୀ କିଣି ଘର ସଜାଇବା...

କରୋନା ଓ ଡାଇବେଟିସ୍‌

”କରୋନା ଭାଇରସ ବର୍ତ୍ତମାନ ବିଶ୍ୱର ଅଧିକାଂଶ ଦେଶରେ କାୟା ବିସ୍ତାର କରିଛି। ସାଧାରଣ ଲୋକଙ୍କ ତୁଳନାରେ ଡାଇବେଟିସ୍‌ ରୋଗୀଙ୍କଠାରେ ରୋଗ ପ୍ରତିରୋଧକ ଶକ୍ତି କ୍ଷୀଣ ପାଉଥିବାରୁ...

ମଧୁମେହ ରୋଗୀଙ୍କ ପାଇଁ ବେଶ୍‌ ଉପକାରୀ ଆମ୍ବପତ୍ର

ଆମ୍ବ ପତ୍ରରେ ଭିଟାମିନ୍‌ ‘ସି’, ‘ବି’ ଏବଂ ‘ଏ’ ପ୍ରଚୁର ମାତ୍ରାରେ ଥାଏ। ଏହାଛଡ଼ା ଆଣ୍ଟିଅକ୍ସିଡାଣ୍ଟ ମଧ୍ୟ ଭରପୂର୍‌ ଥାଏ। ଜାଣନ୍ତି, ଏହି ଆମ୍ବପତ୍ରକୁ ମଧୁମେହ...

Advertisement
Archives

Model This Week