ନୂଆଦିଲ୍ଲୀ: ଶୋଇଲେ ଆଖିକୁ ଆସେ ସ୍ବପ୍ନ। କେତେ ସ୍ବପ୍ନ ମନେ ରୁହେ କିଛି ସ୍ମୃତିରେ ରୁହେନା। ମଣିଷର ଜୀବନକାଳ ମଧ୍ୟରେ କେବଳ ୬ ବର୍ଷ ସ୍ବପ୍ନ ଦେଖାରେ ବିତିଥାଏ। ସେଥିମଧ୍ୟରୁ ୯୦ ପ୍ରତିଶତ ସ୍ବପ୍ନ ନିଦରୁ ଉଠିଲା ପରେ ଆଉ ମନେ ନ ଥାଏ। ନ୍ୟାଶନାଲ ଇନଷ୍ଟିଚ୍ୟୁଟ୍ ଅଫ୍ ହେଲଥ୍ ସାଇନ୍ସ୍ ପକ୍ଷରୁ ଏନେଇ କରାଯାଇ ଥିବା ଏକ ସର୍ଭେ ରିପୋର୍ଟରେ ଏସମ୍ପର୍କରେ ଉଲ୍ଲେଖ କରାଯାଇଛି। ସ୍ବପ୍ନ ମଣିଷର ନିଦ୍ରାବସ୍ଥାର ଏକ ଗୁରୁତ୍ୱପୂର୍ଣ୍ଣ ଅଂଶବିଶେଷ। ଜଣେ ବ୍ୟକ୍ତି ଗୋଟିଏ ବର୍ଷରେ ୨ ହଜାରରୁ ଅଧିକ ସ୍ବପ୍ନ ଦେଖିଥାନ୍ତି। ଅର୍ଥାତ୍ ଗୋଟିଏ ରାତିରେ ୪ରୁ ୬ ଥର ସ୍ବପ୍ନ ଦେଖାଯାଇଥାଏ। ଏହି ହିସାବ ଅନୁସାରେ ଜଣେ ବ୍ୟକ୍ତି ଗୋଟିଏ ବର୍ଷରେ ୧୪୬୦ରୁ ୨୧୯୦ ଥର ସ୍ବପ୍ନ ଦେଖିଥାନ୍ତି। କିଛି ସ୍ବପ୍ନ ଘଣ୍ଟେରୁ ୨ ଘଣ୍ଟା ପର୍ଯ୍ୟନ୍ତ ଜାରି ରହିଥାଏ। ଅପରପକ୍ଷରେ କିଛି ସ୍ବପ୍ନ ମାତ୍ର ୨ରୁ ୩ ମିନିଟ୍ ଅବା କେଇ ସେକେଣ୍ଡ ମଧ୍ୟରେ ସୀମିତ ରହିଥାଏ ବୋଲି ନ୍ୟାଶନାଲ୍ ସ୍ଲିପ୍ ଫାଉଣ୍ଡେଶନ ପକ୍ଷରୁ କରାଯାଇଥିବା ଏକ ଗବେଷଣା ରିପୋର୍ଟରେ ଦର୍ଶାଯାଇଛି। ଜଣେ ବ୍ୟକ୍ତି ପ୍ରତି ରାତିରେ ହାରାହାରି ୨ ଘଣ୍ଟା ସ୍ବପ୍ନ ଦେଖିଥାନ୍ତି। ଏଭଳି ହେଲେ ଗୋଟିଏ ବର୍ଷ ଅର୍ଥାତ୍ ୩୬୫ ଦିନରେ ପ୍ରାୟ ୭୩୦ ଘଣ୍ଟା ସ୍ବପ୍ନରେ ବିତିଥାଏ। ସାଧାରଣତଃ ପ୍ରେମ ଭରା ଏବଂ ଭୟାନକ ସ୍ବପ ହିଁ ମନ ରହିଥାଏ। ଅପରପକ୍ଷରେ ଅନ୍ୟ ସ୍ବପ୍ନ ସ୍ମୃତିରେ ରହି ନ ଥାଏ ବୋଲି ନ୍ୟାଶନାଲ୍ ସ୍ଲିପ୍ ଫାଉଣ୍ଡେଶନ ପକ୍ଷରୁ ପ୍ରକାଶିତ ରିପୋର୍ଟରେ ଦର୍ଶାଯାଇଛି।
