ନୂଆଦିଲ୍ଲୀ,୧୧।୧: ଦେଶରେ HMPV ଭାଇରସର ମାମଲା ନିରନ୍ତର ରିପୋର୍ଟ ହେଉଛି। ଏହି ସମୟରେ ଆସାମରେ ମଧ୍ୟ ଏକ ମାମଲା ସାମ୍ନାକୁ ଆସିଛି। ଲଖିମପୁରରେ ଜଣେ ୧୦ ମାସର ଶିଶୁ HMPV ଭାଇରସରେ ସଂକ୍ରମିତ ହୋଇଛନ୍ତି। ଶିଶୁକୁ ବର୍ତ୍ତମାନ ଦିବ୍ରୁଗଡ଼ର ଆସାମ ମେଡିକାଲ କଲେଜ ଏବଂ ହସ୍ପିଟାଲରେ ଭର୍ତ୍ତି କରାଯାଇଛି। ଡାକ୍ତରମାନେ କହିଛନ୍ତି ଯେ ପିଲାଟିର ଅବସ୍ଥା ସ୍ଥିର ଅଛି ଏବଂ ଚିନ୍ତା କରିବାର କିଛି ନାହିଁ।
ଆସାମରେ ଏହି ମାମଲା ସହିତ, ଦେଶରେ HMPV ମାମଲା ସଂଖ୍ୟା ୧୫ ରେ ପହଞ୍ଚିଛି। ସର୍ବାଧିକ ୪ଟି ମାମଲା ଗୁଜରାଟରୁ ଆସିଛି। ଶୁକ୍ରବାର ରାଜସ୍ଥାନ ଏବଂ ଗୁଜରାଟରେ ଗୋଟିଏ ଲେଖାଏଁ ମାମଲା ମିଳିଛି। ପୂର୍ବରୁ ଗୁରୁବାର ୩ଟି ମାମଲା ରିପୋର୍ଟ ହୋଇଥିଲା।
