ବ୍ୟସ୍ତ ଲାଇଫଷ୍ଟାଇଲ୍ , କମ୍ପ୍ୟୁଟର ବା ଲାପ୍ଟପ୍ ଆଗରେ ବେଶି ସମୟ ବସି କାମ କରିବା କିମ୍ବା ଘଣ୍ଟା ଘଣ୍ଟା ଧରି ଛିଡ଼ାହୋଇ ରୋଷେଇ କରିବା ଆଦି ବିଭିନ୍ନ କାରଣରୁ ଆଜିକାଲି ପ୍ରାୟ ସମସ୍ତଙ୍କୁ ଅଣ୍ଟା ଦରଜ ସମସ୍ୟା ଭୋଗିବାକୁ ପଡୁଛି। କିନ୍ତୁ ରୋଷେଇ ଘରେ ମସଲାଭାବେ ବ୍ୟବହାର ହେଉଥିବା ଡାଳଚିନିକୁ ବ୍ୟବହାରକରି ଏଥିରୁ ମୁକ୍ତି ମିଳିପାରିବ।
ଅଣ୍ଟା ଦରଜରୁ ମୁକ୍ତି ପାଇବାକୁ ହେଲେ ୨ ଗ୍ରାମ୍ ଡାଳଚିନି ଗୁଣ୍ଡରେ ୧ ଚାମଚ ମହୁ ମିଶାଇ ଖାଆନ୍ତୁ। ଦିନକୁ ଅତିକମ୍ରେ ଦୁଇଥର ଏହି ମିଶ୍ରଣକୁ ଖାଇ ଦିଅନ୍ତୁ। କିଛିଦିନ ପରେ ଅଣ୍ଟା ଦରଜ କମ୍ ହୋଇଯିବ।
ଅଣ୍ଟା ଦରଜରୁ ମୁକ୍ତି ପାଇବା ପାଇଁ ଡାଳଚିନିର ଏକ ଡ୍ରିଙ୍କ୍ ମଧ୍ୟ ତିଆରି କରିପାରିବେ। ଏଥିପାଇଁ ପ୍ରଥମେ ଏକ ପାତ୍ରରେ ପାଣି ନେଇ ସେଥିରେ କିଛି ଡାଳଚିନି ଗୁଣ୍ଡ ପକାଇ ଚୁଲିରେ ବସାଇ ସିଝାଇ ଦିଅନ୍ତୁ। ସିଝିବା ପରେ ଏହି ପାଣିକୁ ଛାଣି ସେଥିରେ ମହୁ ମିଶାଇ ଦିନକୁ ଦୁଇଥର ପିଅନ୍ତୁ। ରାତିରେ ଶୋଇବା ପୂର୍ବରୁ ଏହାକୁ ନିଶ୍ଚୟ ପିଅନ୍ତୁ। ଅଣ୍ଟା ଦରଜ ଭଲ ହୋଇଯିବ।
ସକାଳୁ ଖାଲିପେଟରେ ହିଁ ଡାଳଚିନି ଗୁଣ୍ଡ ଅବା ଡାଳଚିନି ଡ୍ରିଙ୍କ୍ ପିଅନ୍ତୁ। ଏହା ଶୀଘ୍ର ଫଳପ୍ରଦ ହେବ। ସେହିପରି ରାତିରେ ମଧ୍ୟ ଖାଲିପେଟରେ ଏହାକୁ ପିଅନ୍ତୁ।
ଡାଳଚିନି ଅଧିକ ଖାଇବା ମଧ୍ୟ ସ୍ବାସ୍ଥ୍ୟ ପାଇଁ କ୍ଷତିକାରକ। କାରଣ ଡାଳଚିନି ଏକ ଉଷ୍ମକାରକ ଜିନିଷ ହୋଇଥିବାରୁ ଏହାକୁ ଅଧିକ ଖାଇବା ଫଳରେ ପେଟ ଖରାପ ହେବା ମଧ୍ୟ ସମ୍ଭାବନା ରହିଥାଏ।
