ଲଣ୍ଡନ, ୨୮।୭: କଥାରେ ଅଛି ରଖେ ହରି ମାରେ କିଏ। ଏହାର ସଦସ୍ୟତମ ଉଦାହରଣ ବ୍ରିଟେନ୍ରେ ଘଟିଛି। ଏଠାରେ ୪ ଜଣ ଲୋକଙ୍କୁ ନେଇ ଯାଉଥିବା ଏକ ହେଲିକପ୍ଟର ମଝି ଆକାଶରୁ ତଳେ ସ୍ଥାନୀୟ ଜନଗହଳିପୂର୍ଣ୍ଣ କେଣ୍ଟ୍ ଅଞ୍ଚଳରେ ଖସିପଡ଼ିଥିଲେ ମଧ୍ୟ ସମସ୍ତ ଯାତ୍ରୀ ସୁରକ୍ଷିତ ରହିଛନ୍ତି। ହଠାତ୍ ହେଲକପ୍ଟରର ଇଞ୍ଜିନରେ କେତେକ ତ୍ରୁଟି ଦେଖାଯିବାରୁ ଚାଳକ ଏହାର ଜରୁରୀ କାଳୀନ ଅବତରଣ କରିଥିଲେ। କେତେ ଶହ ଫୁଟରୁ ହେଲିକପ୍ଟରଟି ତଳେ ପଡ଼ିଯାଇଥିଲା। ମାତ୍ର ଆଶ୍ଚର୍ଯ୍ୟ ଜନକ ଭାବେ ଯାତ୍ରୀମାନେ ସୁରକ୍ଷିତ ରହିଥିବା ବିଟ୍ରେନ ବିମାନ ଚଳାଚଳ ବିଭାଗ ପକ୍ଷରୁ କୁହାଯାଇଛି। ବିମାନଟି ହର୍ନେ ବେ ନିକଟସ୍ଥ ଏକ ରାସ୍ତା ପାର୍ଶ୍ୱରେ ଥିବା ଏକ ପଡ଼ିଆରେ ଖସିପଡ଼ିଥିବା ଖବର କେଣ୍ଟ୍ ପୋଲିସକୁ ମିଳିଥିଲା। ପୋଲିସ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଏବେ ଦୁର୍ଘଟଣାଗ୍ରସ୍ତ ହୋଇଥିବା ହେଲିକପ୍ଟରର ଫଟୋ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।
