ବୀରମହାରାଜପୁର,୪।୭(ଯୁଗଳ କିଶୋର ମିଶ୍ର): ସୁବର୍ଣ୍ଣପୁର ଜିଲା ବୀରମହାରାଜପୁର ଅଞ୍ଚଳର ଶନିବାର ସାରୁ ତୁହାକୁ ତୁହା ବର୍ଷା ଲାଗି ରହିଛି। ଫଳରେ ଜନ ଜୀବନ ଅସ୍ତବ୍ୟସ୍ତ ହୋଇପଡିଛି। ପ୍ରବଳ ବର୍ଷା ଯୋଗୁ ବୀରମହାରାଜପୁର ବ୍ଲକ ବାଗବର ପଞ୍ଚାୟତ କେନ୍ଦୁପାଲି ଗ୍ରାମରେ ଅନେକ ଘରେ ପାଣି ପଶିଛି। ଗାଁର ବାଗବର ପଞ୍ଚାୟତ ପୂର୍ବତନ ସରପଞ୍ଚ ତଥା ସୁତା ବ୍ୟବସାୟୀ ଠାକୁର ମେହେରଙ୍କ ଘରେ ପାଣି ପଶିଛି। ଫଳରେ ତାଙ୍କର ଅନେକ ସୁତା, ରଙ୍ଗ ଆଦି ନଷ୍ଟ ହୋଇଛି।
୨ଟି ପମ୍ପ ଯୋଗେ ପାଣି ନିଷ୍କାସନ କରାଯାଉଛି। ବିଶେଷ କରି ଗାଁରେ ଡ୍ରେନେଜ ବ୍ୟବସ୍ଥା ନ ଥିବାରୁ ଏଭଳି ଅବସ୍ଥା ସୃଷ୍ଟି ହୋଇଥିବା ଅଭିଯୋଗ ହୋଇଛି। ଗାଁ ୯୫ ଭାଗ ଲୋକ ଲୁଗା ବୁଣି ପରିବାର ପ୍ରତିପୋଷଣ କରନ୍ତି। ଏଣୁ ଗାଁରେ ଡ୍ରେନେଜ ବ୍ୟବସ୍ଥା କରିବାକୁ ସାଧାରଣରେ ଦାବି ହେଉଛି।
