ମେକ୍ସିକୋ,୩୦।୬: ଜଳବାୟୁ ପରିବର୍ତ୍ତନ ଯୋଗୁ ସମଗ୍ର ବିଶ୍ୱରେ ତାପମାତ୍ରା ବୃଦ୍ଧି ପାଉଛି। ଏହି ସମୟରେ ମେକ୍ସିକୋରେ ପ୍ରବଳ ଗ୍ରୀଷ୍ମଲହରି ଅନୁଭୂତ ହେଉଛି। ଏଠାରେ କିଛି ଅଞ୍ଚଳରେ ତାପମାତ୍ରା ୫୦ ଡିଗ୍ରୀ ସେଲସିୟସରେ ପହଞ୍ଚିଛି। ସ୍ବାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ଗତ ଦୁଇ ସପ୍ତାହ ମଧ୍ୟରେ ଅତି କମରେ ୧୦୦ ଜଣଙ୍କର ମୃତ୍ୟୁ ଘଟିଥିବା ଜଣାପଡିଛି।
ମେକ୍ସିକୋର ଅତ୍ୟଧିକ ଉତ୍ତାପ କାରଣରୁ ବିଦ୍ୟୁତ୍ ଚାହିଦା ବଢିଛି। ଏହି କାରଣରୁ, କର୍ତ୍ତୃପକ୍ଷଙ୍କୁ ଅନେକ ସ୍ଥାନରୁ ବିଦ୍ୟୁତ୍ ସଂଯୋଗ ବିଚ୍ଛିନ୍ନ କରିବାକୁ ପଡିଥିଲା। ଯାହା ଲୋକଙ୍କ ସମସ୍ୟାକୁ ଆହୁରି ବଢାଇ ଦେଇଥିଲା। ମନ୍ତ୍ରଣାଳୟର ରିପୋର୍ଟ ଅନୁଯାୟୀ, ଦୁଇ ତୃତୀୟାଂଶରୁ ଅଧିକ ମୃତ୍ୟୁ ଜୁନ ୧୮ରୁ ୨୪ ମଧ୍ୟରେ ହୋଇଥିବାବେଳେ ବାକି ଗତ ସପ୍ତାହରେ ଘଟିଛି। ଅନ୍ୟପକ୍ଷରେ, ଯଦି ଆମେ ଗତ ବର୍ଷ ସମାନ ଅବଧିରେ ଉତ୍ତାପ ହେତୁ ମୃତ୍ୟୁ ବିଷୟରେ କହିଥାଉ, ତେବେ ଜଣେ ବ୍ୟକ୍ତି ପ୍ରାଣ ହରାଇଥିଲେ। ମେକ୍ସିକୋରେ ଅଧିକାଂଶ ମୃତ୍ୟୁ ଉତ୍ତାପ ଯୋଗୁ ହୋଇଥିବା ବେଳେ ଡିହାଇଡ୍ରେଶନ ଯୋଗୁ କେତେକଙ୍କ ମୃତ୍ୟୁ ହୋଇଥିବା କୁହାଯାଉଛି। ମୃତ୍ୟୁର ୬୪ ପ୍ରତିଶତ ଟେକ୍ସାସ ସୀମାବର୍ତ୍ତୀ ଉତ୍ତର ପ୍ରଦେଶର ନୁଭୋ ଲିଓନରେ ଘଟିଛି।
