ନୂଆ ମ୍ୟୁଜିକ୍ ଭିଡିଓ ‘ହାର୍ଟ ବିଟ୍’ରେ ଦୀପକ ରାଜ୍-ଶେଫାଳୀଙ୍କ କେମେଷ୍ଟ୍ରିକୁ ନେଇ ଚର୍ଚ୍ଚା। ବିଶେଷଭାବରେ ଯୁବପିଢ଼ିଙ୍କ ପାଇଁ ଏହି ମ୍ୟୁଜିକ ଆଲବମ୍ଟିକୁ ପ୍ରସ୍ତୁତ କରାଯାଇଛି। ଶୁଟିଂ ସମୟରେ ଏହା ଯେପରି ଦର୍ଶକଙ୍କ ମନକୁ ଛୁଇଁପାରିବ ସେ ନେଇ ଯଥେଷ୍ଟ ଧ୍ୟାନ ଦିଆଯାଇଛି ବୋଲି କହନ୍ତି ଏହାର କୋରିଓଗ୍ରାଫରରୁ ନିର୍ଦ୍ଦେଶକ ସାଜିଥିବା ବିଦୁ। କେବଳ ଓଡ଼ିଶା ନୁହେଁ, ଜାତୀୟ ସ୍ତରରେ ଏହା ଯେପରି ଦର୍ଶକଙ୍କୁ ପ୍ରଭାବିତ କରିପାରିବ ସେ ନେଇ ଦୃଷ୍ଟି ଦିଆଯାଇଛି। ଏହି ମ୍ୟୁଜିକ ଭିଡିଓକୁ ଶତ ପ୍ରତିଶତ ଜଷ୍ଟିସ ଦେଇଛନ୍ତି ଦୀପକ-ଶେଫାଳୀ। ଡି.ଏନ. ସିରିଜ ବ୍ୟାନରରେ ମୁକ୍ତିଲାଭ କରିବାକୁ ଯାଉଛି ଅର୍ବାନ ପାବୀ ମ୍ୟୁଜିକ ଭିଡିଓ ‘ହାର୍ଟବିଟ୍’। ଗୀତ ରଚନା ସହିତ ସଙ୍ଗୀତ ଦେଇଛନ୍ତିି ପିନାକୀ ରଥ। ଗୀତଟିକୁ ବିଶ୍ୱଜିତ ମହାପାତ୍ରଙ୍କ କଣ୍ଠରେ ରେକର୍ଡ କରାଯାଇଛି। ର଼୍ୟାପ୍ ଅଂଶର ଗୀତ ରଚନା କରିଛନ୍ତି ଦେବ୍ ଜେ. ମିଶ୍ର।
