କରୋନା ଟିକା ଯୋଗୁ ୧୮ରୁ ୩୯ ବର୍ଷ ବୟସ୍କ ପୁରୁଷଙ୍କଠାରେ ବୃଦ୍ଧି ପାଉଛି ହାର୍ଟ ଆଟାକ୍‌ ସମସ୍ୟା: ସର୍ଭେ ରିପୋର୍ଟ…

ଫ୍ଲୋରିଡା/ନୂଆଦିଲ୍ଲୀ,୮।୧୦ : କରୋନା ଏଆରଏନଏ ଟିକା ହାର୍ଟ ସମସ୍ୟା ବଢ଼ାଇବା ସହିତ ଏଥି ସମ୍ବନ୍ଧୀୟ ମୃତ୍ୟୁ ହେବାର ଆଶଙ୍କାକୁ ଯଥେଷ୍ଟ ବୃଦ୍ଧି କରିଥାଏ। ବିଶେଷ ଭାବରେ ୧୮ ରୁ ୩୯ ବର୍ଷ ବୟସ୍କ ପୁରୁଷମାନଙ୍କଠାରେ ଏହି ସମସ୍ୟା ଅଧିକ ଦେଖାଯାଇଥାଏ ବୋଲି ଏକ ଗବେଷଣାରୁ ଜଣାପଡ଼ିଛି।

ତେଣୁ ହାର୍ଟ ସମସ୍ୟା ଥିବା ଲୋକେ କରୋନା ଟିକା ନେବା ପୂର୍ବରୁ ଡାକ୍ତରଙ୍କ ସହିତ ପରାମର୍ଶ କରିବା ଉଚିତ ବୋଲି ବିଶେଷଜ୍ଞମାନେ ପରାମର୍ଶ ଦେଇଛନ୍ତି ।

ଆମେରିକା ଫ୍ଲୋରିଡାର ସର୍ଜନ ଜେନେରାଲ ଡାକ୍ତର ଜୋଶେଫ ଏ ଲାଡାପୋ କହିଛନ୍ତି, ଏବେ ଆମେ କୋଭିଢ-୧୯ ଏମଆରଏନଏ ଟିକା ଉପରେ ବିଶ୍ଳେଷଣ ଜାରି କରିଛୁ। ଏନେଇ ଜନସାଧାରଣ ସଚେତନ ହେବା ଆବଶ୍ୟକ। ଏହି ବିଶ୍ଳେଷଣରୁ ଜଣାପଡିଥିବା ସତ୍ୟକୁ ଲୁଚାଇ ରଖାଯାଇପାରିବ ନାହିଁ ବୋଲି ଟୁଇଟ କରି ସେ କହିଛନ୍ତି।

ଫ୍ଲୋରିଡା ସ୍ବାସ୍ଥ୍ୟ ବିଭାଗ ଦ୍ୱାରା ଏକ ସ୍ବୟଂ ନିୟନ୍ତ୍ରିତ କେସ ସିରିଜ ମାଧ୍ୟମରେ ଏହି ବିଶ୍ଳେଷଣ କରାଯାଇଥିଲା, ଯାହା ଟିକା ସୁରକ୍ଷାକୁ ଆକଳନ କରିବା ପାଇଁ ମୂଳତଃ ବିକଶିତ ହୋଇଥିଲା।

ଅଧ୍ୟୟନରୁ ଜଣାପଡିଛି ଯେ ଏମଆରଏନଏ ଟିକା ନେବାର ୨୮ ଦିନ ମଧ୍ୟରେ ୧୮ରୁ ୩୯ ବର୍ଷ ବୟସ୍କ ପୁରୁଷଙ୍କ ମଧ୍ୟରେ ହୃଦ ସମ୍ବନ୍ଧୀୟ ମୃତ୍ୟୁର ଘଟଣାରେ ୮୪ ପ୍ରତିଶତ ବୃଦ୍ଧି ଘଟିଛି।

ପୂର୍ବରୁ ମାୟୋକାର୍ଡାଇଟିସ ଏବଂ ପେରିକାର୍ଡାଇଟିସ ଭଳି ହାର୍ଟ ସମସ୍ୟା ଥିବା ବ୍ୟକ୍ତିମାନେ ଟିକା ନେବା ବିଷୟରେ ବିଚାର କରିବା ସମୟରେ ଅଧିକ ସତର୍କ ହେବା ଉଚିତ ଏବଂ ସେମାନଙ୍କ ଡାକ୍ତରଙ୍କ ସହ ଆଲୋଚନା କରିବା ଜରୁରୀ ବୋଲି ଏହି ରିପୋର୍ଟରେ ଉଲ୍ଲେଖ କରାଯାଇଛି।

ଏଥିରେ ଦର୍ଶାଯାଇଛି ଅଣ- ଏମଆରଏନଏ ଟିକାଗୁଡ଼ିକରେ ଏହି ସମସ୍ୟା ବୃଦ୍ଧି ହେବାର ଆଶଙ୍କା ନାହିଁ। ଟିକାକରଣ ସମେତ ଯେକୌଣସି ଔଷଧର ସୁରକ୍ଷା ଏବଂ କାର୍ଯ୍ୟକାରିତା ଅଧ୍ୟୟନ କରିବା ଜନସ୍ବାସ୍ଥ୍ୟର ଏକ ଗୁରୁତ୍ୱପୂର୍ଣ୍ଣ ଉପାଦାନ ବୋଲି ସର୍ଜନ ଜୋଶେଫ କହିଛନ୍ତି।

ଟିକାକରଣରେ ନିରାପତ୍ତା ପ୍ରତି ପ୍ରକୃତପକ୍ଷେ କମ ଧ୍ୟାନ ଦିଆଯାଇଛି ଏବଂ ଅନେକ ବ୍ୟକ୍ତିଙ୍କ ଚିନ୍ତାଧାରାକୁ ଖଣ୍ଡନ କରାଯାଇଛି। ଏହା ହେଉଛି ଏକ ଗୁରୁତ୍ୱପୂର୍ଣ୍ଣ ଗବେଷଣା ଯାହା ଫ୍ଲୋରିଡାବାସୀମାନଙ୍କୁ ଜଣାଇ ଦିଆଯିବ। ଯାହାଦ୍ୱାରା ସେମାନେ ଟିକା ନେବା ପୂର୍ବରୁ ବିଶେଷ ସତର୍କତା ଅବଲମ୍ବନ କରି ପାରିବେ।

ଏପରିସ୍ଥଳେ, ଭାରତର ପ୍ରଥମ ଏମଆରଏନଏ କରୋନା ଟିକା ଜେନୋଭା କମ୍ପାନୀର ଜେମ୍‌କୋଭାକ୍‌-୧୯ ଜରୁରୀକାଳୀନ ବ୍ୟବହାର ପାଇଁ ଶୀଘ୍ର ଉପଲବ୍ଧ ହେବାକୁ ଯାଉଛି। ଟିକା ସୁରକ୍ଷା, ପ୍ରତିରୋଧକ କ୍ଷମତା ଏବଂ ସହନଶୀଳତାକୁ ଆକଳନ କରିବାକୁ କମ୍ପାନୀ ପକ୍ଷରୁ ୪ ହଜାର ଲୋକଙ୍କ ଉପରେ ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟ ଡାଟା ପରୀକ୍ଷା କରିଛି। ଭାରତର ଡ୍ରଗ ରେଗୁଲେଟର ଡ୍ରଗ କଣ୍ଟ୍ରୋଲର୍‌ ଜେନେରାଲ ଅଫ ଇଣ୍ଡିଆ (ଡିସିଜିଆଇ) ଖୁବ ଶୀଘ୍ର ଏହି ଟିକାକୁ ଜରୁରୀକାଳୀନ ବ୍ୟବହାର ପାଇଁ ମଞ୍ଜୁରୀ ଦେବ ବୋଲି ଆଶା କରାଯାଉଛି।

ଜେନୋଭା କମ୍ପାନୀର ଅଧିକାରୀଙ୍କ ଅନୁଯାୟୀ, ପରୀକ୍ଷା ତଥ୍ୟ ଦର୍ଶାଇଛି ଯେ ଟିକା ସୁରକ୍ଷିତ ଏବଂ ସହନଶୀଳ ବୈଶିଷ୍ଟ୍ୟ ଯୁକ୍ତ। ୨ ସପ୍ତାହ ପୋଷ୍ଟ-ଡୋଜରେ ଆକଳନ କରାଯାଇଥିବା ପ୍ରତିରୋଧକ କ୍ଷମତା ଦର୍ଶାଇଛି ଯେ ଜେମକୋଭାକ-୧୯ କୋଭିଶିଲ୍ଡ ଠାରୁ କୌଣସି ଗୁଣରେ କମ ନୁହେଁ। ଏହାର ଦୁଇ-ଡୋଜ ଟିକାକୁ ୨୮ ଦିନ ବ୍ୟବଧାନରେ ନେବାକୁ ମଧ୍ୟ ପଡିବ।


Enter your email to get our daily news in your inbox.

All Right Reserved By Dharitri.Com

ବିଶ୍ୱରେ ସବୁଠୁ ଅଧିକ ଖାଦ୍ୟ ନଷ୍ଟ କରେ ଏହି ଦେଶ, ଭାରତର ସ୍ଥାନ ଜାଣିଲେ ହେବେ ଆଶ୍ଚର୍ଯ୍ୟ

ନୂଆଦିଲ୍ଲୀ,୧୮।୧୧: ଦୁନିଆରେ ଏମିତି ଅନେକ ଲୋକ ଅଛନ୍ତି, ଯେଉଁମାନେ ଦୁଇ ଓଳି ଖାଇବାକୁ ପାଉନାହାନ୍ତି । ଭୋକିଲା ପେଟରେ ଶୋଇବାକୁ ବାଧ୍ୟ ହେଉଛନ୍ତି । ଅନ୍ୟପଟେ ପ୍ରତିବର୍ଷ…

Belonging: A Journey of Love: ବହିରୁ ୩କୋଟି ରୋଜଗାର କଲେଣି ସୋନିଆ ଗାନ୍ଧୀ? ସତ ଜାଣିଲେ ତାଜୁବ ହେବେ

ନୂଆଦିଲ୍ଲୀ,୧୮।୧୧: ବହି ଲେଖିବା କେବଳ ଜଣେ ଲେଖକ ପାଇଁ ନିଜର କାହାଣୀ ଦୁନିଆରେ ପହଞ୍ଚାଇବାର ଜରିଆ ନୁହେଁ, ବରଂ ରୋଜଗାରର ଏକ ବଡ଼ ମାଧ୍ୟମ ମଧ୍ୟ ପାଲଟିପାରେ।…

IPLରୁ ସନ୍ନ୍ୟାସ ନେବା ପରେ ଏଭଳି ସେଲିବ୍ରେଶନ କଲେ ଧୋନୀ, ଭାଇରାଲ ହେଉଛି ଭିଡିଓ

ନୂଆଦିଲ୍ଲୀ, ୧୮।୧୧: IPLକୁ ଅଲ୍‌ବିଦା କହିବା ପରେ ନିଜ ଅବସରକୁ ନିଆରା ଢଙ୍ଗରେ ସେଲିବ୍ରେଟ୍‌ କରିଛନ୍ତି ଭାରତୀୟ କ୍ରିକେଟ୍‌ର ମହାନ ଖେଳାଳି ତଥା ଚେନ୍ନାଇ ସୁପର କିଙ୍ଗ୍ସର…

ଶ୍ରୀଗୁଣ୍ଡିଚା ମନ୍ଦିରରେ ୪ ଦିନ ଦର୍ଶନ ବନ୍ଦ, ପୁରୀ ଆସୁଥିଲେ ଜାଣି ରଖନ୍ତୁ…

ପୁରୀ,୧୮ା୧୧: ରାଜ୍ୟରେ ସମ୍ଭାବ୍ୟ ପ୍ରବଳ ବର୍ଷା ଓ ଖରାପ ପାଗକୁ ଦୃଷ୍ଟିରେ ରଖି ପୁରୀର ଆରାଧ୍ୟ ସ୍ଥଳୀ ଶ୍ରୀଗୁଣ୍ଡିଚା ମନ୍ଦିରରେ ଭକ୍ତ ଓ ଶ୍ରଦ୍ଧାଳୁଙ୍କ ପାଇଁ ବଡ଼…

ଯୁବପିଢିଙ୍କ ପାଇଁ ବଡ଼ ଖବର: ବଦଳିଲା ୨୫ବର୍ଷ ପୁରୁଣା ସରକାରୀ ଚାକିରି ନିୟମ, ଏମାନଙ୍କୁ ମିଳିବ…

ନୂଆଦିଲ୍ଲୀ,୧୮।୧୧: ମଧ୍ୟପ୍ରଦେଶର ଯୁବବର୍ଗ ଏବଂ ସରକାରୀ କର୍ମଚାରୀମାନଙ୍କୁ ମୁଖ୍ୟମନ୍ତ୍ରୀ ଡକ୍ଟର ମୋହନ ଯାଦବ ଏକ ବଡ଼ ଆଶ୍ୱସ୍ତି ଦେଇଛନ୍ତି। ରାଜ୍ୟ ସରକାର ସରକାରୀ ଚାକିରିରେ ନିଯୁକ୍ତି ଏବଂ…

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

ବାତ୍ୟା ଅକ୍ୱାନକୁ ନେଇ ୪ ଜିଲା ପାଇଁ ୪ ଆଇଏଏସ୍‌ଙ୍କୁ ଦାୟିତ୍ୱ, ଜାଣନ୍ତୁ କାହାକୁ କେଉଁ ଜିଲା…

ଭୁବନେଶ୍ୱର,୧୮ା୧୧: ବଙ୍ଗୋପସାଗରରେ ସୃଷ୍ଟି ହୋଇଥିବା ସମ୍ଭାବ୍ୟ ବାତ୍ୟା ‘ଅକ୍ୱାନ’ର ମୁକାବିଲା ପାଇଁ ରାଜ୍ୟ ସରକାରଙ୍କ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି। ବାତ୍ୟା ପ୍ରଭାବିତ ହେବାକୁ ଥିବା ୪ଟି…

କାରକୁ ପିଟିଲା ଟ୍ରକ: ଅଳ୍ପକେ ବର୍ତ୍ତିଲେ ୪ ଖବରଦାତା

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ): ବରଗଡ଼ ସହରରେ ସଡ଼କ ଦୁର୍ଘଟଣା ସାଧାରଣରେ ପରିଣତ ହୋଇଛି। ସୋମବାର ସହରସ୍ଥିତ ଗୁରୁଦ୍ୱାରା ଛକରେ ସଡ଼କ ଦୁର୍ଘଟଣାରେ ଜଣେ ଲୋକଙ୍କ ମୃତ୍ୟୁ ହୋଇଥିବାବେଳେ ବୁଧବାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?