ବାଣୀ ଶୁଣିଲୁ

ଅକ୍ଟୋବର ୨୦ରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଗକୁ ପାର୍ବଣ ଆସୁଥିବାରୁ ଲୋକମାନଙ୍କୁ କୋଭିଡ୍‌-୧୯ ପ୍ରତି ସତର୍କ ରହିବାକୁ ପରାମର୍ଶ ଦେଇଛନ୍ତି। ଗତ ୭ ମାସ ମଧ୍ୟରେ ସପ୍ତମ ଥର ପାଇଁ ଟେଲିଭିଜନ ଜରିଆରେ ପ୍ରଧାନମନ୍ତ୍ରୀ ଉଦ୍‌ବୋଧନ ଦେଲାବେଳେ କେନ୍ଦ୍ର ସରକାର ଅନେକ ପଦକ୍ଷେପ ନେଇଥିବା ବିଷୟ ଉଲ୍ଲେଖ କରିଛନ୍ତି। ସେହିପରି ନବୀନ ପଟ୍ଟନାୟକ ଲୋକେ ଯେଭଳି ପୂର୍ବରୁ ସହଯୋଗ କରିଆସୁଥିଲେ ତାହାକୁ ବଜାୟ ରଖିବାକୁ ବାର୍ତ୍ତା ଦେଇଛନ୍ତି।
କରୋନା ମହାମାରୀ ପରିପ୍ରେକ୍ଷୀରେ ଦେଶ ଓ ରାଜ୍ୟର ଦୁଇ ନେତାଙ୍କ କଥାକୁ ସମସ୍ତେ ମାନିବା ଦରକାର। ତେବେ ଏଭଳି ବାଣୀ ଗଣମାଧ୍ୟମରୁ ଶୁଣି ଶୁଣି ଲୋକେ ମନେ ରଖିସାରିଲେଣି। ବାସ୍ତବରେ ଏସବୁ କଥା ଶୁଣେଇବା ପରିବର୍ତ୍ତେ ଚିକିତ୍ସା ବ୍ୟବସ୍ଥାକୁ କିଭଳି ଉନ୍ନତ କରାଯାଇଛି ତାହାର ରିପୋର୍ଟ ଦେଇଥିଲେ ଭଲ ହୋଇଥାଆନ୍ତା। ଅଦ୍ୟାବଧି ଏହି ଭୂତାଣୁକୁ ମାରିବା ଲାଗି ଔଷଧ ବାହାରି ନାହିଁ କି ଟିକା ଆସିନାହିଁ। ପ୍ରଧାନମନ୍ତ୍ରୀ କହୁଛନ୍ତି, ଟିକା ତିଆରି ପାଇଁ ଦେଶରେ ବୃହତ୍‌ ବ୍ୟବସ୍ଥା ରହିଛି। ଦେଖିବାକୁ ଗଲେ ସେହି ଟିକା ପ୍ରସ୍ତୁତ ଲାଗି କେଉଁଠାରୁ ଜ୍ଞାନକୌଶଳ ଆସିବ ତାହା କୁହାଯାଉ ନାହିଁ। ବରଂ ରୁଷିଆର ସ୍ଫୁଟନିକ୍‌ ଟିକାକୁ ଭାରତର ଲୋକଙ୍କ ଉପରେ ପ୍ରୟୋଗ କରିବା ଲାଗି ଅନୁମତି ଦିଆଯାଇଛି। ସେହି ଟିକାକୁ ରୁଷିଆ ସରକାର ତା’ ନିଜ ଦେଶବାସୀ ଉପରେ କାହିଁକି ପରୀକ୍ଷା କଲା ନାହିଁ, ତାହାର କୌଣସି ସ୍ପଷ୍ଟୀକରଣ ଆମ ସରକାର ଦେଉନାହିଁ। ବିଶ୍ୱ ପ୍ରେକ୍ଷାପଟରେ ଦେଖିଲେ ଏକଦା ଅନେକ ଔଷଧ ଓ ଟିକା ପରୀକ୍ଷା ଲାଗି ଆଫ୍ରିକୀୟ ମହାଦେଶର ଲୋକଙ୍କୁ ବଛାଯାଉଥିଲା। କିନ୍ତୁ ସେସବୁ ଦେଶରେ କଡ଼ା ଆଇନ ଅଣାଯିବା ପରେ ଭାରତୀୟଙ୍କୁ ଟାର୍ଗେଟ କରାଯାଇଛି। ଏଠାକାର ଅଶିକ୍ଷିତ ଓ ପଛୁଆ ଲୋକେ ଏହି ପ୍ରକ୍ରିୟାରେ ସାମିଲ ହୋଇଗଲେ ସେମାନଙ୍କଠାରେ କିଭଳି ପାର୍ଶ୍ୱ ପ୍ରତିକ୍ରିୟା ହେବ ତାହାକୁ ଜାଣି ନାହାନ୍ତି। ତେବେ ଲୋକେ ଯେତେବେଳେ ଟିକା ପାଇବେ ସେମାନଙ୍କ ଉପରେ ନଜର ରଖି ତାହାର ପ୍ରତିକ୍ରିୟା ଜାଣିବାକୁ ଚେଷ୍ଟା କରାଯିବ। କିନ୍ତୁ ସେତେବେଳକୁ ସେହି ପ୍ରକ୍ରିୟାରେ ଅନେକ ଜୀବନ ଚାଲିଯାଇଥିବ। ଫଳରେ କିଏ ଅନ୍ଧ ହେବେ ତ କିଏ କାଲା ପାଲଟିବେ କିମ୍ବା ଅନ୍ୟାନ୍ୟ ରୋଗ କାହାକୁ କାବୁ କରିପାରେ। ଏ ବିଷୟକୁ ନେତୃବୃନ୍ଦ ଧ୍ୟାନ ନ ଦେଇ ବାହାଦୁରି ନେବାକୁ ଆଗଭର ହେଉଛନ୍ତି। ସାଧାରଣତଃ କୌଣସି ଟିକା ପ୍ରସ୍ତୁତ କରିବା ସକାଶେ ଦୀର୍ଘବର୍ଷ ଲାଗିଯାଇଥାଏ। ତତ୍‌କ୍ଷଣାତ ଟିକା ବାହାର କରି ଲୋକଙ୍କୁ ଦେବା ଲାଗି ହେଉଥିବା ପ୍ରୟାସ ବିପଦ ଆଣିପାରେ ବୋଲି ଅନେକେ ଭାବୁଛନ୍ତିି। ଆଜି ଭାରତର ସ୍ଥିତିକୁ ଦେଖିଲେ କୋଭିଡ୍‌-୧୯ ନିୟନ୍ତ୍ରଣ ମଧ୍ୟକୁ ଆସିପାରୁ ନାହିଁ। କିନ୍ତୁ ମାର୍ଚ୍ଚରେ ଯେତେବେଳେ କରୋନା ସେତେଟା ବ୍ୟାପି ନ ଥିଲା, କେନ୍ଦ୍ର ସରକାର ଲକ୍‌ଡାଉନ ଓ ପରେ ଶଟ୍‌ଡାଉନ ଘୋଷଣା କରି ଅର୍ଥନୀତିକୁ ବରବାଦ୍‌ କରିଦେଲେ। କେନ୍ଦ୍ରର ପଦାଙ୍କ ଅନୁସରଣ କରି କିଏ କେତେ କଡ଼ା ନିୟମ ଲାଗୁ କରିପାରିବେ ରାଜ୍ୟଗୁଡ଼ିକ ମଧ୍ୟରେ ବାଦ ଲାଗିଲା। ଆଜି ସମଗ୍ର ଦେଶବାସୀ ତାହାର କୁଫଳ ଭୋଗ କରୁଛନ୍ତି। ତେଣୁ କାହାରିଠାରୁ ବାଣୀ ଶୁଣିବାକୁ ଲୋକଙ୍କ ଧୈର୍ଯ୍ୟ ନାହିଁ। ବରଂ କିଭଳି ଚିକିତ୍ସା ବ୍ୟବସ୍ଥା କରାଯାଇ ରୋଗୀଙ୍କୁ ଆରୋଗ୍ୟ କରାଯାଇପାରୁଛି ତାହାର ସମୀକ୍ଷା କରାଯାଇ ଜନସାଧାରଣଙ୍କୁ ତଥ୍ୟ ଦିଆଯାଉ।


Enter your email to get our daily news in your inbox.

All Right Reserved By Dharitri.Com

ଦୂରଦର୍ଶନର କସରତ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଆଜକୁ ଅନେକ ବର୍ଷ ହେଲା, ବିଶେଷତଃ ଡିଜିଟାଲ ମିଡିଆର ଆଗମନ ପରେ ସରକାରୀ ପ୍ରସାରଣ ସଂସ୍ଥା ଦୂରଦର୍ଶନ କେବଳ ଅତୀତକୁ...

ପ୍ରେମ ପରୀକ୍ଷାର ଖେଳ

ଚିତ୍ର-ଚରିତ୍ର/ ନିରଞ୍ଜନ ପାଢ଼ୀ ଥିଲେ ଜଣେ ପ୍ରେମିକ ପ୍ରବର। ପ୍ରେମ ହିଁ ଥିଲା ତାଙ୍କ ପୁରୁଷାର୍ଥର ପ୍ରମୁଖ ପରିଚୟ। ସେ ସବୁବେଳେ କହୁଥିଲେ, ପ୍ରେମରେ ମୋ...

ଆଜିର ଅର୍ଥନୀତି/ ଆତ୍ମଘାତୀ ନୀତି

ଟେଲିକମ୍‌ କମ୍ପାନୀଗୁଡିକ ଉପରେ ବାକି ଥିବା ଆଡ୍‌ଜଷ୍ଟେଡ ଗ୍ରସ୍‌ ରେଭିନ୍ୟୁ (ଏଜିଆର୍‌) ଦେୟର ପୁନର୍ଗଣନା ଲାଗି ଚେଷ୍ଟା କରିବା ଯୋଗୁ ସୁପ୍ରିମ୍‌କୋର୍ଟ ବୁଧବାର ଦୂରସଞ୍ଚାର ବିଭାଗ...

ଏଇ ଭାରତରେ

ଦୃଷ୍ଟିବାଧିତମାନେ ବି ଚାଷ କରିପାରିବେ। ଏହା ସମ୍ଭବ ହୋଇପାରିଛି ଗିରୀଶ ବଡ୍ରାଗୋଣ୍ଡଙ୍କ ଦ୍ୱାରା। ଗିରୀଶଙ୍କ ଘର କର୍ନାଟକର ବିଜାପୁରରେ। ସେ ଚାଷ ମାଧ୍ୟମରେ ଦୃଷ୍ଟିବାଧିତଙ୍କ ଜୀବନରେ...

ପ୍ରତିବାଦ

ପ୍ର. ପ୍ରଫୁଲ୍ଲ କୁମାର ମହାନ୍ତି ପ୍ରତିବାଦ ଏକ ପ୍ରତିକୂଳ ଉକ୍ତି। ପ୍ରତିବାଦ ଗୋଟିଏ ମତବାଦ ବି। ନିୟମ, ଆଇନ, ବ୍ୟବସ୍ଥା, ଆଦର୍ଶ ବିରୋଧରେ ଏକ ଭିନ୍ନମତର...

ଏଇ ଭାରତରେ

ଉତ୍ତରପ୍ରଦେଶର କୌଶାମ୍ବୀ ଜିଲାର ଶିକ୍ଷକ ଅଜୟ ସାହୁ ଏକ ଗ୍ରାମୀଣ ସ୍କୁଲ୍‌ର ପରିବେଶକୁ ବଦଳାଇ ଉଦାହରଣ ସୃଷ୍ଟି କରିଛନ୍ତି। ୨୦୧୬-୧୭ ଶିକ୍ଷା ବର୍ଷରେ ଅଜୟ ସିରାଥୁ...

ଗୁରୁ ହିଁ ଶ୍ରେଷ୍ଠ କଳାକାର

ଡ.ହିମାଂଶୁ ବାରିକ ଗୁରୁ ହିଁ ଶ୍ରେଷ୍ଠ କଳାକାର। ନବାକ୍ଷରୀ ଭାଗବତରେ କୁହାଯାଇଛି- ”ମୁହିଁ ବସଇ ଗୁରୁଦେହେ ମୋ ତହୁଁ ଗୁରୁ ଭିନ୍ନ ନୁହେଁ। ଗୁରୁ ଯେ...

ଖାତିର ନାହିଁ

ଆକାର ପଟେଲ ୱାଶିଂଟନ ପୋଷ୍ଟ ସମ୍ପାଦକୀୟ ବୋର୍ଡ ଲେଖିଛି ଯେ,ଭାରତର ଗଣତନ୍ତ୍ର ଦାବି ଉପରେ ପ୍ରଶ୍ନ ଉଠାଇବା ଉଚିତ। ସଂସଦରେ ବିନା ଭୋଟରେ କୃଷି ଆଇନ...

Play 250+ Trending Games
Archives

Model This Week

Why Dharitri