ସାରସକଣା,୧ା୪- ମୟୂରଭଞ୍ଜ ଜିଲା ଝାରପୋଖରିଆ ଥାନା ଅନ୍ତର୍ଗତ ପାକଟିଆଠାରେ ଏମ୍ଜିଏନ୍ଆର୍ଇଜିଏସ୍ ପୋଖରୀ ଖନନକୁ କେନ୍ଦ୍ର କରି ଜଣେ ମହିଳାଙ୍କୁ ଆକ୍ରମଣ କରାଯାଇଛି। ଆକ୍ରମଣକାରୀମାନେ ତାଙ୍କୁ ଉଲଗ୍ନ କରି ରାସ୍ତାରେ ଚଲାଇ ଚଲାଇ ନେଇଥିବା ଅଭିଯୋଗ ହୋଇଛି। ଏ ଘଟଣାରେ ପୋଲିସ ୬ ଜଣଙ୍କ ନାମରେ ମାମଲା(ନଂ.୭୬/୨୧) ରୁଜୁ କରି ତଦନ୍ତ ଜାରି ରଖିଛି।
ଅଭିଯୋଗ ଅନୁଯାୟୀ, ସାଲାଇ କିସ୍କୁ ନାମକ ଜଣେ ବ୍ୟକ୍ତି ପାକଟିଆଠାରେ ଏମ୍ଜିଏନ୍ଆର୍ଇଜିଏସ୍ରେ ଏକ ପୋଖରୀ ଖୋଳୁଥିଲେ। ତେବେ ଶ୍ରମିକଙ୍କ ବଦଳରେ ମେଶିନ ସାହଯ୍ୟରେ ପୋଖରୀ ଖୋଳା ହେଉଥିତ୍ବା ନେଇ ବିଡିଓଙ୍କ ଠାରେ କେହି ଅଭିଯୋଗ କରିଥିଲେ। ଆକ୍ରମଣର ଶିକାର ହୋଇଥିବା ମହିଳା ଜଣକ ମିଶନ ଶକ୍ତିରେ କାମ କରୁଥିବାରୁ ବ୍ଲକ କାର୍ଯ୍ୟାଳୟ ଯାଇଥାନ୍ତି। ତେଣୁ ସେ ପୋଖରୀ ଖୋଳା ସମ୍ପର୍କରେ ବିଡିଓଙ୍କୁ ଅଭିଯୋଗ କରିଥିବା ସନ୍ଦେହ କରି ଗତ ୨୪ ତାରିଖରେ ସାଲାଇଙ୍କ ସମେତ ୬ ଜଣ ମହିଳା ଓ ପୁରୁଷ ସଂଘବଦ୍ଧ ଭାବେ ଘରେ ପଶି ତାଙ୍କୁ ଆକ୍ରମଣ କରିଥିଲେ। ସର୍ବସମ୍ମୁଖରେ ମହିଳାଙ୍କୁ ଉଲଗ୍ନ କରି ରାସ୍ତାରେ ଚଲାଇ ଚଲାଇ ଗଁା ଛକକୁ ନେଇଥିବା ଅଭିଯୋଗରେ ଦର୍ଶାଯାଇଛି। ତେବେ ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ତଦନ୍ତକାରୀ ଅଧିକାରୀ ଏଏସ୍ଆଇ ଅରୁଣ କୁମାର ଟୁଡ଼ୁ କହିଛନ୍ତି।
