ଭଞ୍ଜନଗର,୧୯।୬(ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର କବି ସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟର ଚଳିତ ବର୍ଷ ଯୁକ୍ତ ୨ କଳା, ବାଣିଜ୍ୟ ଏବଂ ବିଜ୍ଞାନ କଲେଜ ଟପ୍ପରଙ୍କୁ ବୁଧବାର ସମ୍ବର୍ଦ୍ଧିତ କରାଯାଇଛି। ସେମାନେ ହେଲେ କଳାରେ ଆଶିଷ କୁମାର ସାହୁ, ବାଣିଜ୍ୟରେ କେ ଚନ୍ଦନ ସୁବୁଦ୍ଧି ଏବଂ ବିଜ୍ଞାନ ରେ ସୌମ୍ୟ ପାଢ଼ୀ ।
ଏ ନେଇ ଆୟୋଜିତ ସମ୍ବର୍ଦ୍ଧନା ସଭାରେ ଅଧକ୍ଷ ରାଜେନ୍ଦ୍ର କୁମାର ଦାସ ଅଧ୍ୟକ୍ଷତା କରି ୧୯୬୦ରେ ସ୍ଥାପିତ ହୋଇଥିବା ଉକ୍ତ କଲେଜର ଗୌରବମୟ ଇତିହାସ ସମ୍ପର୍କରେ କହିଥିଲେ। ଚଳିତ ବର୍ଷ ଯୁକ୍ତ ପରୀକ୍ଷା ଫଳ ଭଲ ହୋଇଛି। ବିଭାଗୀୟ ଅଧ୍ୟାପିକା, ଅଧ୍ୟାପକଙ୍କ କଠିନ ପରିଶ୍ରମ ପାଇଁ ଏହି ସଫଳତା ମିଳିପାରିଛି। ଆଗାମୀ ଦିନରେ ମଧ୍ୟ ଏହି ସଫଳତା କିଭଳି ବଜାୟ ରହିବ ସେଥିପ୍ରତି ଦୃଷ୍ଟି ଦେବାକୁ ଅଧ୍ୟକ୍ଷ ଉପସ୍ଥିତ ଅଧ୍ୟାପିକା, ଅଧ୍ୟାପକଙ୍କୁ ଆହ୍ବାନ କରିଥିଲେ।
ପ୍ରଶାସନିକ ଅଧିକାରୀ ବିଭାସ ଦାସ ସମ୍ମାନିତ ଅତିଥି ଭାବେ ଯୋଗଦେଇ ଯେ କୌଣସି ସଫଳତା ପାଇବାକୁ ହେଲେ ସମସ୍ତଙ୍କ ସହଯୋଗ ଲୋଡ଼ା ବୋଲି କହିଥିଲେ। ସମସ୍ତଙ୍କ ସହଯୋଗ ବିନା ଜଣେ ଆଗକୁ ଅନୁଷ୍ଠାନ ନେବା ସମ୍ଭବପର ନୁହେଁ। ତେଣୁ ଅଧ୍ୟାପିକା, ଅଧ୍ୟାପକ, ଛାତ୍ରୀଛାତ୍ର ଏବଂ ଅଭିଭାବକ ମଧ୍ୟରେ ସମନ୍ବୟ ରକ୍ଷାକରି ଅନୁଷ୍ଠାନ ଆଗକୁ ନେବାକୁ ଦାସ ସମସ୍ତଙ୍କ ସହଯୋଗ କାମନା କରିଥିଲେ। ଏଥିସହ କୃତୀ ଟପ୍ପର ଛାତ୍ରଙ୍କୁ ଶୁଭେଚ୍ଛା ଜଣାଇବା ସହ ବ୍ରହ୍ମପୁର ବିଶ୍ୱବିଦ୍ୟାଳୟ ଯୁକ୍ତ ୩ ଟପ୍ପର ହୋଇଥିବା ଆମ ମହାବିଦ୍ୟାଳୟର ଛାତ୍ରୀଛାତ୍ର ମାନଙ୍କ ମଧ୍ୟ ଆଗାମୀ ସଭାରେ ସମ୍ବର୍ଦ୍ଧିତ କରାଯିବ ବୋଲି କହିଥିଲେ। ସେମାନେ ହେଲେ ଇତିହାସର ବିଶ୍ୱବିଦ୍ୟାଳୟ ଟପ୍ପର ସାଗର ପ୍ରଧାନ, ସାମ୍ବାଦିକତା ଓ ଗଣ ଯୋଗାଯୋଗର ବିଶବିଦ୍ୟାଳୟ ଟପ୍ପର ପ୍ରିତିପନ୍ନା ବେହେରା ଓ ଅର୍ଥନୀତିରେ ଦଶମ ସ୍ଥାନରେ ଥିବା ଅଶ୍ୱିନୀ କୁମାର ମହାପାତ୍ର । ଅନ୍ୟମାନଙ୍କ ମଧ୍ୟରେ ସୈଖିକ ପରିଷଦର ସମ୍ପାଦକ ହରପ୍ରସାଦ ଶତପଥୀ, ଅଧ୍ୟାପକ ସୁନିଲ ଦାସ, ଦୁର୍ଗା ପ୍ରସାଦ ସାହୁ, ବିଜୟ କୁମାର ମଲ୍ଲିକ, ଦିଗନ୍ତ ଜେନା, ରମାକାନ୍ତ ସାହୁ, ରାଜେଶ ପଣ୍ଡିତ, ଅଧ୍ୟାପିକା ଅନିତା ମହାପାତ୍ର, ଶେଫାଳି ପଟ୍ଟନାୟକ, ପିଅନ ପ୍ରଶାନ୍ତ ଚୌଧୁରୀ ପ୍ରମୁଖ ଉପସ୍ଥିତ ରହି କୃତୀଛାତ୍ର ମାନକୁ ଉତ୍ସାହିତ କରିଥିଲେ। ସହ ସମ୍ପାଦକ ଅମିୟ ରଞ୍ଜନ ପଣ୍ଡା ଧନ୍ୟବାଦ ପ୍ରଦାନ କରିଥିଲେ।
ପୁର୍ବରୁ ଉକ୍ତ ମହାବିଦ୍ୟାଳୟର ଯୁକ୍ତ ୨ ଧନ୍ଦାମୂଳକ ଶିକ୍ଷାନୁଷ୍ଠାନର କନିଷ୍ଠ ଅଧ୍ୟାପକ ସୁରେଶ କୁମାର ପଣ୍ଡାଙ୍କ (୪୯) ବିୟୋଗରେ ମଧ୍ୟ ଏକ ଶୋକସଭା ହୋଇଥିଲା। ଏଥିରେ ଅଧକ୍ଷ ଦାସ ସଭାପତିତ୍ୱ କରିଥିଲେ। ସ୍ବର୍ଗତ ପଣ୍ଡା କାଶୀନଗରରୁ ଏଠାକୁ ୩ ବର୍ଷପୂର୍ବେ ବଦଳି ହୋଇ ଆସିଥିଲେ। ବିଗତ କିଛିଦିନ ହେବ ସେ ଅସୁସ୍ଥ ହୋଇ ମଝିରେ ମଝିରେ ଚିକିତ୍ସିତ ହେଉଥିଲେ। ବୁଧବାର ତାଙ୍କର ବ୍ରହ୍ମପୁରସ୍ଥିତ ବାସଭବନରେ ପରଲୋକ ହୋଇଛି। ତାଙ୍କର ଅକାଳ ବିୟୋଗରେ ବିଭାଗୀୟ ଅଧ୍ୟାପକ ଆର୍ ହରିଶ, ଅଧକ୍ଷ ଦାସ, ଡ ରବିନ୍ଦ୍ର ମିଶ୍ର, ହରିଶ ଭଟର, ଦାମୋଦର ରଥ, ବିଦେଶୀ ରାଉତ, ସୀମାଞ୍ଚଳ ବେହେରା, ବିଭୂତି ଗୌଡ, ଅଧ୍ୟାପିକା ରାଜଲକ୍ଷ୍ମୀ ରଥ, ସୁନିତା ରାଣୀ ଖଣ୍ଡୁଆଳ,ସ୍ମରଣିକା ପାଢ଼ୀ, ସସ୍ମିତା ଦାସ
ସମେତ ସମସ୍ତ କର୍ମଚାରୀ ଗଭୀର ଶୋକବ୍ୟକ୍ତ କରିବା ସହ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି।
