ଭାରତୀୟ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏବଂ ତାଙ୍କ ଭାଇ କ୍ରୁନାଲଙ୍କ ପିତା ହିମାଂଶୁ ହୋଇପାଣ୍ଡ୍ୟାଙ୍କ ହୃଦ୍ଘାତରେ ପରଲୋକେ ଘଟିଛି। ମୃତ୍ୟୁବେଳକୁ ତାଙ୍କୁ ୭୧ ବର୍ଷ ହୋଇଥିଲା। ପିତାଙ୍କ ମୃତ୍ୟୁ ପରେ ଭୋ ଭୋ କାନ୍ଦି ତାଙ୍କୁ ଅନ୍ତିମ ବିଦାୟ ଦେଇଥିଲେ ଦୁଇ ଭାଇ। ପିତାଙ୍କ ମୃତ୍ୟୁର ଗୋଟିଏ ଦିନ ପରେ ହାର୍ଦ୍ଦିକ ପାଣ୍ଡ୍ୟା ସୋସିଆଲ ମିଡିଆରେ ଏକ ଭାବପ୍ରବଣ ପୋଷ୍ଟ କରିନ୍ତି। ସେ ଇନଷ୍ଟାଗ୍ରାମରେ ଲେଖିଛନ୍ତି, ମୋ ବାପା, ମୋର ହିରୋ। ତୁମର ପରଲୋକ ସ୍ବୀକାର କରିବା ଜୀବନର ସବୁଠାରୁ କଠିନ ଅଟେ। କିନ୍ତୁ ତୁମେ ଆମ ପାଇଁ ଏତେ ସ୍ମୃତି ଛାଡିଛ ଯାହାକୁ ଆମେ କେବଳ କଳ୍ପନା କରିପାରିବୁ ନାହିଁ। ଆଜି ତୁମର ପୁଅମାନେ ଯେଉଁଠାରେ ଅଛନ୍ତି, ତାହା ତୁମର କଠିନ ପରିଶ୍ରମ ଏବଂ ଆତ୍ମବିଶ୍ୱାସ ଯୋଗୁ ସମ୍ଭବ ହୋଇଛି। ତୁମେ ସବୁବେଳେ ଖୁସି ଥିଲ। ତୁମ ବିନା ଘରେ ମନୋରଞ୍ଜନ କମ୍ ହୁଏ। ଆମେ ତୁମକୁ ଭଲପାଉ ଏବଂ ସର୍ବଦା ପାଇବୁ । ତୁମର ନାମ ସର୍ବଦା ରହିବ । କିନ୍ତୁ ମୁଁ ଗୋଟିଏ କଥା ଜାଣିଛି, ତୁମେ ଉପରୁ ଆମକୁ ଦେଖୁଛ, ତୁମେ ଆମ ପାଇଁ ଗର୍ବିତ। ଜୀବନର ପ୍ରତ୍ୟେକ ଦିନ ତୁମକୁ ମନେ ପକାଇବି। ମୋର ରାଜାଙ୍କୁ ଶ୍ରଦ୍ଧାଞ୍ଜଳି ବୋଲି ପାଣ୍ଡ୍ୟା ଲେଖିଛନ୍ତି। ସୂଚନାଯୋଗ୍ୟ, ହାର୍ଦ୍ଦିକ ପାଣ୍ଡାଙ୍କ ପିତାଙ୍କ ମୃତ୍ୟୁ ପରେ ସଚିନ ତେନ୍ଦୁଲକର, ବିରାଟ କୋହଲିଙ୍କ ପରି ଖେଳାଳି ଶୋକବ୍ୟକ୍ତ କରିଥିଲେ।
View this post on Instagram
