ସ୍ପିଲବର୍ଗ, ୪ା୭(ଏପି)-ଫର୍ମୁଲା ଓ୍ବାନ ଚାମ୍ପିୟନ ଲୁଇସ୍ ହାମିଲଟନ ମର୍ସିଡିଜ ସହ ତାଙ୍କ ଚୁକ୍ତିନାମାକୁ ଆହୁରି ୨ ବର୍ଷ ବୃଦ୍ଧି କରିଛନ୍ତି। ଫଳରେ ଏହି ଟିମ୍ ସହ ସେ ୨୦୨୩ ସିଜନ ପର୍ଯ୍ୟନ୍ତ ରହିବେ। ୭ଥର ଚାମ୍ପିୟନ ହାମିଲଟନଙ୍କ ମର୍ସିଡିଜ୍ ସହ ଏକ ୯ମ ସିଜନ ଚାଲିଛି। ୮ମ ଥର ଚାମ୍ପିୟନ ହୋଇପାରିଲେ ହାମିଲଟନ ମାଇଲେକ ସୁମାକରଙ୍କ ସର୍ବକାଳୀନ ରେକର୍ଡକୁ ଅତିକ୍ରମ କରିବେ। ଚଳିତବର୍ଷ ୮ମ ରେସ୍ ପରେ ହାମିଲଟନ ବର୍ତ୍ତମାନ ଚାମ୍ପିୟନଶିପ୍ ଟେବୁଲରେ ରେଡ୍ବୁଲ୍ର ମାକ୍ସ ଭର୍ଷ୍ଟାପେନ୍ଙ୍କ ପଛକୁ ୧୮ ପଏଣ୍ଟ ପଛରେ ଦ୍ୱିତୀୟ ସ୍ଥାନରେ ରହିଛନ୍ତି। ଭର୍ଷ୍ଟାପେନ୍ ଚଳିତବର୍ଷ ହାମିଲଟନଙ୍କ ତୁଳନାରେ ୪-୩ ବିଜୟ ଏବଂ ପୋଲ୍ ପୋଜିଶନରେ ୩-୨ରେ ଅଗ୍ରଣୀ ରହିଛନ୍ତି।
