ଅହମଦାବାଦ,୨୫।୪ : ପାଞ୍ଚ ଥର ଚାମ୍ପିଅନ ମୁମ୍ବାଇ ଇଣ୍ଡିଆନ୍ସର ଲଗାତାର ତିନି ମ୍ୟାଚର ବିଜୟ ଧାରାକୁ ଶେଷ ମ୍ୟାଚରେ ପଞ୍ଜାବ କିଙ୍ଗସ ଅଟକାଇଥିଲା। ମଙ୍ଗଳବାର ମୁମ୍ବାଇ ଇଣ୍ଡିଆନ୍ସ ଅହମଦାବାଦରେ ନିଜ ଘରୋଇ ପଡିଆ ନରେନ୍ଦ୍ର ମୋଦି ଷ୍ଟାଡିୟମରେ ଗୁଜରାଟ ଟାଇଟାନ୍ସକୁ ଭେଟିବ। ଗତ ସିଜନରେ ମୁମ୍ବାଇ ଇଣ୍ଡିଆନ୍ସ ପାଞ୍ଚ ରନରେ ଜିତି ଗୁଜରାଟକୁ ପରାଜିତ କରିଥିଲା।
ଆପିଏଲ ୨୦୨୩ର ୩୫ ତମ ମ୍ୟାଚରେ ଗୁଜରାଟର ମୁମ୍ବାଇ ବିପକ୍ଷରେ ପ୍ରଥମ ବିଜୟ ହାସଲ କରିବାର ସୁଯୋଗ ରହିଛି। ଏହି ଲକ୍ଷ୍ୟ ହାସଲ କରିବା ଲାଗି ଗୁଜରାଟ ବ୍ୟାଟ୍ସମ୍ୟାନଙ୍କ ଉପରେ ବହୁତ ଚାପ ପଡ଼ିବ।
ଲକ୍ଷ୍ୟ ହାସଲ କରିବାରେ ଅସମର୍ଥ ଥିବାରୁ ଗୁଜରାଟକୁ ଏହି ସିଜିନରେ ସମାଲୋଚନା କରାଯାଉଛି। ତେବେ ଲକ୍ଷ୍ନୌ ସୁପର ଜ୍ୟାଣ୍ଟସ ବିପକ୍ଷ ଶେଷ ମ୍ୟାଚରେ ମୋହିତ ଶର୍ମାଙ୍କ ଚମତ୍କାର ଓଭର ଦ୍ୱାରା ସାତ ରନରେ ବିଜୟ ହାସଲ କରିଥିଲା। ମୋହିତ ତାଙ୍କର ବିଭିନ୍ନ ରେନ୍ଥର ବୋଲିଂ ସହାୟତାରେ ଶେଷ ଓଭରରେ ୧୨ ରନ ରକ୍ଷା କରିଥିଲେ ଏବଂ ମ୍ୟାନ ଅଫ ଦି ମ୍ୟାଚ ପୁରସ୍କାର ପାଇଥିଲେ।
ଗୁଜରାଟ ଟାଇଟାନ୍ସର ପ୍ଲେଇଙ୍ଗ ୧୧ରେ ରିଦ୍ଧିମାନ ସାହା (ଓ୍ବିକେଟ କିପର), ଶୁଭମାନ ଗିଲ, ହାର୍ଦ୍ଦିକ ପାଣ୍ଡ୍ୟା (ଅଧିନାୟକ), ବିଜୟ ଶଙ୍କର, ଅଭିନାଭ ମନୋହର, ଡେଭିଡ ମିଲର, ରାହୁଲ ତେୱାଟିଆ, ରସିଦ ଖାନ, ମହମ୍ମଦ ଶାମି, ଅଲଜାରି ଜୋସେଫ, ମୋହିତ ଶର୍ମା ରହିଛନ୍ତି।
ସେହିପରି ମୁମ୍ବାଇ ଇଣ୍ଡିଆନ୍ସର ପ୍ଲେଇଙ୍ଗ ୧୧ରେ ରୋହିତ ଶର୍ମା (ଅଧିନାୟକ), ଇଶାନ କିଶନ (ୱିକେଟ କିପର), କ୍ୟାମେରନ ଗ୍ରୀନ, ସୂର୍ଯ୍ୟକୁମାର ଯାଦବ, ଟିମ ଡେଭିଡ, ତିଲକ ଭର୍ମା, ଅର୍ଜୁନ ତେନ୍ଦୁଲକର, ହ୍ରିତିକ ଶୋକିନ, ଜୋଫ୍ରା ଆର୍ଚ୍ଚର, ପୀୟୁଷ ଚାୱଲା, ଜେସନ ବେହେରେଣ୍ଡର୍ଫ ପ୍ରମୁଖ ଅଛନ୍ତି।
