Posted inଖେଳ

ଗ୍ରେଗ୍‌ ବାର୍କଲେ ଆଇସିସି ନୂଆ ଅଧ୍ୟକ୍ଷ

ଦୁବାଇ,୨୬।୧୧(ପି.ଟି.): ନ୍ୟୁଜିଲାଣ୍ଡ କ୍ରିକେଟ ମୁଖ୍ୟ ଗ୍ରେଗ୍‌ ବାର୍କଲେ ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି)ର ନୂଆ ସ୍ବତନ୍ତ୍ର ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି। ସିଙ୍ଗାପୁରର ଇମ୍ରାନ ଖ୍ବାଜାଙ୍କୁ ଅତି ସହଜରେ ପରାସ୍ତ କରି ସେ ଏହି ହାଇପ୍ରୋଫାଇଲ ପଦକୁ ନିର୍ବାଚିତ ହୋଇଛନ୍ତି। ଭାରତ ଶଶାଙ୍କ ମନୋହରଙ୍କ ପରେ ସେ ଏହି ଗୁରୁଦାୟିତ୍ୱ ସମ୍ଭାଳିବେ।
ମଙ୍ଗଳବାର ଆଇସିସିର ବାର୍ଷିକ ତ୍ରୈମାସିକ ବୈଠକରେ ମତଦାନ ଅନୁଷ୍ଠିତ ହୋଇଥିଲା। ଏହି ଇଲେକଟ୍ରୋନିକ ଭୋଟିଂ ପ୍ରକ୍ରିୟାରେ ୧୬ଜଣ ବୋର୍ଡ ଅଫ୍‌ ଡାଇରେକ୍ଟର ଯୋଗ ଦେଇଥିଲେ। ଏଥିରେ ଟେଷ୍ଟ ଖେଳୁଥିବା ଫୁଲ୍‌ ମେମ୍ବର ଦେଶର ୧୨ ଓ ଆସୋସିଏଟ୍‌ ଦେଶଗୁଡିକର ୩ଜଣ ବୋର୍ଡ ଅଫ୍‌ ଡାଇରେକ୍ଟର ଏବଂ ଜଣେ ସ୍ବତନ୍ତ୍ର ମହିଳା ଡାଇରେକ୍ଟର (ଇନ୍ଦ୍ରା ନୁୟି) ସାମିଲ ରହିଥିଲେ। ମତଦାନରେ ନ୍ୟୁଜିଲାଣ୍ଡର ଏହି କ୍ରିକେଟ ପ୍ରଶାସକ ୧୧-୫ ବ୍ୟବଧାନରେ ବିଜୟୀ ହୋଇଥିଲେ। ଦ୍ୱିତୀୟ ରାଉଣ୍ଡ ଭୋଟିଂରେ କ୍ରିକେଟ ସାଉଥ ଆଫ୍ରିକାର ସମର୍ଥନ ହାସଲ କରିଥିଲେ ଓ ଏହା ନିର୍ଣ୍ଣାୟକ ସାବ୍ୟସ୍ତ ହୋଇଥିଲା। ପ୍ରଥମ ରାଉଣ୍ଡ ଭୋଟିଂରେ ଖ୍ବାଜା ୬ ଖଣ୍ଡ ଭୋଟ୍‌ ହାସଲ କରିଥିବା ବେଳେ ବାର୍କଲେ ୧୦ ଖଣ୍ଡ ଭୋଟ ପାଇଥିଲେ। ତେବେ ବର୍ତ୍ତମାନର ନିୟମ ଅନୁସାରେ ଦୁଇ-ତୃତୀୟାଂଶ ଭୋଟ ହାସଲ କଲେ ଜଣେ ପ୍ରାଥୀ ବିଜୟୀ ଘୋଷିତ ହେବେ। ତେଣୁ ବାର୍କଲେଙ୍କୁ ଦ୍ୱିତୀୟ ରାଉଣ୍ଡରେ ଆଉ ଗୋଟିଏ ଭୋଟର ଆବଶ୍ୟକତା ଥିଲା। କାରଣ ଆଇସିସି ବୋର୍ଡର ୧୭ତମ ସଦସ୍ୟ ମୁଖ୍ୟ କାର୍ଯ୍ୟନିର୍ବାହୀ ମନୁ ଶହନେଙ୍କ ମତଦାନର ଅଧିକାର ନ ଥିଲା।
ଭାରତ, ଅଷ୍ଟ୍ରେଲିଆ, ଇଂଲଣ୍ଡ ଓ ନ୍ୟୁଜିଲାଣ୍ଡ ବାର୍କଲେଙ୍କୁ ସମର୍ଥନ କରିଥିଲେ ବୋଲି ଜଣାଯାଇଛି। ଅନ୍ୟପଟେ ଖ୍ବାଜାଙ୍କୁ ପାକିସ୍ତାନ କ୍ରିକେଟ ବୋର୍ଡ (ପିସିବି) ସମର୍ଥନ କରିଥିଲା। ସିଙ୍ଗାପୁର କ୍ରିକେଟ ବୋର୍ଡର ପୂର୍ବତନ ମୁଖ୍ୟ ଖ୍ବାଜା ଅଧିକରୁ ଅଧିକ ଆଇସିସି ଇଭେଣ୍ଟ ଆୟୋଜନ ଉପରେ ଗୁରୁତ୍ୱ ଦେଇଆସିଛନ୍ତି। ବାର୍କଲେ ଅକଲାଣ୍ଡରେ ଜଣେ କମର୍ସିଆଲ ଆଇନଜୀବୀ ଭାବେ କାର୍ଯ୍ୟକରନ୍ତି ଓ ୨୦୧୨ରୁ ସେ ନ୍ୟୁଜିଲାଣ୍ଡ କ୍ରିକେଟର ନିର୍ଦ୍ଦେଶକ ଭାବେ କାର୍ଯ୍ୟ କରିଆସୁଛନ୍ତି। ଏବେ ଆଇସିସି ବୋର୍ଡରେ ସେ ନ୍ୟୁଜିଲାଣ୍ଡ କ୍ରିକେଟର ପ୍ରତିନିଧିତ୍ୱ କରୁଛନ୍ତି। ଆଇସିସି ଅଧ୍ୟକ୍ଷ ଭାବେ ନିର୍ବାଚିତ ହେବା ପରେ ସେ ଏହି ପଦରୁ ଇସ୍ତଫା ଦେବେ। ଏହାପୂର୍ବରୁ ବାର୍କଲେ ୨୦୧୫ ଆଇସିସି ପୁରୁଷ କ୍ରିକେଟ ବିଶ୍ୱକପର ନିର୍ଦ୍ଦେଶକ ଥିଲେ। ସେ ମଧ୍ୟ ନର୍ଦନ ଡିଷ୍ଟ୍ରିକ୍ସସ କ୍ରିକେଟ ଆସୋସିଏଶନ ଚେୟାରମ୍ୟାନ ଭାବେ କାର୍ଯ୍ୟ କରିଛନ୍ତି। ନ୍ୟୁଜିଲାଣ୍ଡ ଓ ଅଷ୍ଟ୍ରେଲିଆର ବିଭିନ୍ନ କମ୍ପାନୀରେ ସେ ଜଣେ ଅଭିଜ୍ଞ ନିର୍ଦ୍ଦେଶକ ଭାବେ ବୋର୍ଡର ବିଭିନ୍ନ ପଦରେ ରହି କାର୍ଯ୍ୟ କରୁଛନ୍ତି।
ବିଶ୍ୱ କ୍ରିକେଟର ସର୍ବୋଚ୍ଚ ପ୍ରଶାସନିକ ସଂସ୍ଥା ଆଇସିସିର ଅଧ୍ୟକ୍ଷ ପଦକୁ ନିର୍ବାଚିତ ହେବା ନିଶ୍ଚିତ ଭାବେ ଏକ ଗୌରବର ବିଷୟ ଓ ସମର୍ଥନ ଦେଇଥିବାରୁ ମୋର ସାଥୀ ଆଇସିସି ନିର୍ଦ୍ଦେଶକଙ୍କୁ ଧନ୍ୟବାଦ ଜଣାଉଛି ବୋଲି ବାର୍କଲେ କହିଛନ୍ତି। କରୋନା ମହାମାରୀରୁ ମୁକୁଳି କ୍ରିକେଟର ବୃହତ୍ତର ସ୍ବାର୍ଥ ପାଇଁ ମିଳିତ ଭାବେ କାର୍ଯ୍ୟକରିବାକୁ ପ୍ରୟାସ କରିବୁ। କ୍ରିକେଟର ପ୍ରଚାର, ପ୍ରସାର ଓ ବିକାଶ ଆମର ମୂଳ ଲକ୍ଷ୍ୟ ବୋଲି ସେ ସ୍ପଷ୍ଟ କରିଛନ୍ତି। କ୍ରିକେଟକୁ ଆହୁରି ଦୃଢ କରିବାକୁ ଓ ସାରା ବିଶ୍ୱରେ ଲୋକପ୍ରିୟ କରାଇବାକୁ ୧୦୪ ଆଇସିସି ମେମ୍ବରଙ୍କ ସହିତ ମିଳିତ ଭାବେ କାର୍ଯ୍ୟ କରିବାକୁ ପ୍ରସ୍ତୁତ ଅଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଶ୍ରୀଲଙ୍କାର ଦ୍ୱିତୀୟ ଟ୍ରେନିଂ କ୍ୟାମ୍ପରୁ ମାଲିଙ୍ଗା ବାଦ୍‌

କଲମ୍ବୋ, ୧୯।୬(ପି.ଟି.)-ଶ୍ରୀଲଙ୍କା କ୍ରିକେଟ ଦଳର ଦ୍ୱିତୀୟ ଆବାସିକ ଟ୍ରେନିଂ କ୍ୟାମ୍ପରୁ ଟି୨୦ ଅଧିନାୟକ ଲସିଥ ମାଲିଙ୍ଗାଙ୍କୁ ବାଦ୍‌ ଦିଆଯାଇଛି। କାଣ୍ଡିଠାରେ ଚଳିତମାସ ୨୨ରୁ ଆରମ୍ଭ ହେବାକୁ...

ପ୍ରଥମ ମହିଳା ଆଇସିସି ମ୍ୟାଚ ରେଫରି ଜି.ଏସ୍‌. ଲକ୍ଷ୍ମୀ

ଜଣେ କ୍ରିକେଟର ଓ କୋଚ୍‌ ଭାବେ ସଫଳତା ହାସଲ କରିଥିବା ୫୧ ବର୍ଷୀୟ ଜି.ଏସ୍‌. ଲକ୍ଷ୍ମୀ ଏବେ ବିଶ୍ୱର ପ୍ରଥମ ମହିଳା ଭାବେ ଆଇସିସି ଅନ୍ତର୍ଜାତୀୟ...

୯୬ ମିଟର ଛକା ମାରି ମ୍ୟାଚ୍‌ ଜିତାଇଲେ ଧୋନୀ, ପ୍ରଶଂସକ କହିଲେ…

ଶାରଜା,୧।୧୦: ଆଇପିଏଲ ୨୦୨୧ର ୪୪ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ ସନରାଇଜର୍ସ ହାଇଦ୍ରାବାଦକୁ ୬ଟି ଉଇକେଟରେ ପରାସ୍ତ କରିଛି।ଏହି ବିଜୟ ସହିତ ମହେନ୍ଦ୍ର ସିଂ ଧୋନୀଙ୍କ...

ପିଏସଏଲରୁ ଓହରିଲେ ଲିନ

ଲାହୋର,୧୬।୩- ଲାହୋର କ୍ୱାଲାଣ୍ଡର୍ସ ଦଳକୁ ସେମିଫାଇନାଲରେ ପହଞ୍ଚାଇଥିବା ଅଷ୍ଟ୍ରେଲିଆନ ଟପ୍‌ ଅର୍ଡର ବ୍ୟାଟ୍ସମ୍ୟାନ କ୍ରିସ ଲିନ ପିଏସ୍‌ଏଲରୁ ଓହରିବାକୁ ନିଷ୍ପତ୍ତି ନେଇଛନ୍ତି। କରୋନା ଭାଇରସ ଯୋଗୁ...

ଓସିଏ ନିର୍ବାଚନ: ପ୍ରକାଶ ପାଇଲା ପ୍ରଥମ ପର୍ଯ୍ୟାୟ ଭୋଟର ତାଲିକା

କଟକ ଅଫିସ,୧୪।୯- ଓଡ଼ିଶା କ୍ରିକେଟ ଆସୋସିଏଶନ(ଓସିଏ)ର କର୍ମକର୍ତ୍ତା ନିର୍ବାଚନ ନେଇ ଏକ ଭୋଟର ତାଲିକା ଶୁକ୍ରବାର ଘୋଷଣା କରାଯାଇଛି। ତେବେ ଏହା ଚୂଡ଼ାନ୍ତ ନୁହେଁ। ଆସନ୍ତା...

‘ଟି୨୦ ବିଶ୍ୱକପ୍‌ ଆୟୋଜନ ଅବାସ୍ତବ ମନେ ହେଉଛି’

ମେଲବୋର୍ନ, ୧୭ା୬ (ପି.ଟି.)- କୋଭିଡ୍‌-୧୯ ମହାମାରୀ ଯୋଗୁ ଟି୨୦ ବିଶ୍ୱକପ୍‌ ଆୟୋଜନ ଅବାସ୍ତବ ମନେ ହେଉଛି ବୋଲି କହିଛନ୍ତି କ୍ରିକେଟ ଅଷ୍ଟ୍ରେଲିଆ ଚେୟାରମ୍ୟାନ ଇଅର୍ଲ ଏଡିଙ୍ଗ୍ସ।...

ଆଇପିଏଲ ପୂର୍ବରୁ ଫୁଲ ଫର୍ମରେ କ୍ୟାପିଟାଲ୍ସ ବ୍ୟାଟ୍ସମ୍ୟାନ

ନୂଆଦିଲ୍ଲୀ,୯।୩ : ଆଇପିଏଲ ପୂର୍ବରୁ ଫୁଲ ଫର୍ମକୁ ଫେରିଛନ୍ତି ଦିଲ୍ଲୀ କ୍ୟାପିଟାଲ୍ସ ଓପନର ତଥା ଅଧିନାୟକ ପୃଥ୍ବୀ ଶ’। ସୌରାଷ୍ଟ୍ର ବିପକ୍ଷରେ ମଙ୍ଗଳବାର ଖେଳାଯାଇଥିବା କ୍ୱାର୍ଟର...

ଅଧିନାୟକ ହେବାରେ ଧୋନୀଙ୍କୁ ଶ୍ରେୟ ଦେଲେ କୋହଲି

ନୂଆଦିଲ୍ଲୀ, ୩୧।୫: ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କୁ ଶ୍ରେୟ ଦେଇଛନ୍ତି କ୍ରିକେଟ ସୁପରଷ୍ଟାର ବିରାଟ କୋହଲି। ଭାରତୀୟ ଦଳର ଅଧିନାୟକ ହେବା ପଛରେ ଧୋନୀଙ୍କ...

Advertisement
Archives

Model This Week